الى طالبات كليه الاقتصاد المنزلي فينكم؟؟

[الدافوره]

شكرا ياكنج على النصيحه من جد انا ترى فكرت في القسمين الي قلت عليهم لانها اقرب شي للطب في الدراسه ومجال العمل بس قلت اجرب سنه في هادا القسم وبعدين اذا ما عجبني في احتمال كبير ادخل علوم على بالي كيمياء حيويه مره وان شاء الله ربي يسهل

[برج الحب]

هلا بالدافورة بيننا وهنيئا لكي دخول الأقتصاد المنزلي
ونصيحة مني أن لا تتأثري بأراء غير بنائه في مسيرة علمك هذه والله يوفقك
وأنا من كلية العلوم وفعلا بعض التخصصات في علوم ليس لها مستقبل مأمون لذلك الأهمية ان تختاري التخصص والكلية التي تحبينها ولكي رغبة قوية فيها
أما بالنسبة لأدارة وإقتصاد له مستقبل لمن لديها الرغبة والمثابرة

[الدافوره]

شكرابرج الحب ع المرور والنصيحه

[Cherry Lips]

اهلا ببنات الإقتصاد...

انا وحده منهم وان شالله بأتخصص تغذية..
مين منكم يعرف متى تنزل اسماء استازات مادة أسس تغذية؟؟

[الدافوره]

تشيري لبس والله ماعندي اي فكره يلا ياهووووو لاطعين البنت اذا احد يعرف يقول

وايت انجل صح كلامك الصوره طلعت تحفه لوني فيها اخضر انا لمن اخويا الصغير شافها قلي هادي مو انتي هادي سودانيه لووووووووووووووووووووووووووووووووووووووووووووووووو ووووول

[الدافوره]

كمان ابغى اسئل لمن الواحد يتخصص تغذيه عرفت انه فيها اقسام صح ولا لا وسمعت انهاغذاء وتغذيه علاجيه وتغذيه مجتمع اذا احد يعرف يقولي ايش الفرق بس انا نفسي ادخل تغذيه علاجيه ان شاء الله
وكمان والله العظيم شكلي طفشتكم خخخخخخخخخخخخخخ

فين خزانات طالبات الاقتصاد المنزلي مو صح هي الي جمب كفتيريا الاقتصاد المنزلي قدام مبنى 43

[alol]

انا طالبة اقتصاد منزلي لسى عام مستوى خامس

الكلية مرة حلوة و التعامل فيها افضل من الكليات التانية و الدراسة فيها ممتعة مرررررررررة و صدقيني ما راح تندمي

و اذا المواد المساعدة اللي في الخطة صح في بعضها غلس بس مرة مفيد لك كبنت و ترى المواد تديكي معلومات عامة مو تفاصيل
و ان شاء الله بالتوفيق يا دافورة

[white angel]

هههههههههههههه انا صورتي عملتلي اكتئاب من جد كانه مو انا اللي في الصوره وحده تانيه
اول حاجه ما طفشتينا وتاني حاجه ماقلتيلي الحمد لله على السلامه
طيب دافوره حبيبتي في اخبار وحشه شويه وانا حاقلك هيا لاني اعتقد انه تفكيرنا زي بعض
تغذيه علاجيه شالوها من قسمنا وودها الكليه الصحيه وتخصص تغذيه اللي عندنا ماله مستقبل غير انه ياتشتغلي في مصنع او ( شيف )او مدرسة تغذيه اوتدبير اواذا تحبي تكملي دكتوراه فيها وتطلعي دكتوره او معيده في الجامعه
عشان كدا انا قررت اني احول على الكليه الصحيه ودي الايام مشغوله بحكاية التحويل وادعيلي ربنا يوفقني لاكن كداكدا حاقعد دي السنه كلها والسنه الجايه ان شاء الله حيكون تحويلي لان الكليه الصحيه بالسنين وليست بالتروم زي الجامعه
وبالنسبه للخزانات صح مكانها زي ماقلتي
واذا تحبي تعرفي شئ تاني عايدي اسالي على راحتك واذا في ماده منتي فاهمتها عادي نتقابل يوم في الجامعه واشرحلك هيا
واذا كانت دكتورتك في امومه نداء جمبي فهي ممتازه بس اسئلتها مره صعبه
والله يعينك

سلامي

[alhanouf]

وايت انجل ماشاء الله ما خلتلنا شي جاوبتلك على كل شي


بس في حكايت الصوره الله يعينك انا احب اقلك من دحين انك تروحي تتفرجي على صور حقون الترحيل لانو شكلك ماراح يخرج من الصور دي


واسألي مجرب

[f.totti]

انا سنه تانيه طب

ومرررررررره ما انصحك بالتغذية لأنه بس حتكون مهمتك في المطبخ ومو خبيرة تغذية

خبيرة التغذية حتكون دارسة تقنيه طبيه

والله يوفقك