شرح الاحصاء الباب 7 و8

[TURKI ALharbi]

المشاركة الأصلية كتبت بواسطة just he n my heart ص222 مثال 7-1 رقم 3 كيف طريقة الحل ماني عارفة حاولت بس ما عرفت 1و2 تمام على نفس القانون بس 3

اسهل شيء دا
انا متاكد انك محتاره من فين جات ال 15 انا اقلك
1.5×10=15
بعدين نقول الوسط الحسابي الى هو 50 +15=65

[TURKI ALharbi]

المشاركة الأصلية كتبت بواسطة just he n my heart ص231 القاعده الي مكتوبة حل التمارين الي بعدها بالذات رقم 2 في مثال 7-5 والامثلة الي بعده كيف طريقة ؟ احس التطبيق فيه اختلاف عن القاعده

دا كمان سهل
القانون يقول الانحراف على جذرn
n=64
الانحراف=8
جذر ال 64 = 8
8÷8=1
بعدين نجى ونقول 172-170÷1=2
نشوف بالجدول 2 كم تطلع ونقول 1-0.9772=0.0228
اتمنى تكونى فهمتى

[جنى الشريف]

صقيقي قوربتشوف ماقصر معاك واي شيء ثاني حاضرين للطيبين امري واحنا نطامر ..

[تموكه]

انا زيكم بس ترى الاستاذه قالت ركزوا على الرفض والقبول مهم مررررررررررررررررررررررررره

الاسئله اللي محتاجه حل طويل مهمه جدااااااااا وقالت الاشياء اللي ماجاتكم في الدوري الاول والتاني ممكن تجيكم دحين انا مشكلتي حتى لو فهمت لمن اجي احل الاسئله حقت الاختبار الاله ماتطلع الاجوبه واجلس افحط في الاله والورقه وبرضو الجواب مايطلع قلك ايش يقولو ركزوا على بالهم اينشتاين 30 سؤال وكل واحد اخس من التاني

هادا الشي من جد جنننننني اهم شي لمن تذاكروا طبقو القوانين الكبيره محتاجه تركيز في الحل الله يعيننا

[تموكه]

اقلكم في شي انتو ممكن تحسوه تافه لكن انا من جد مجنني ممكن تفهموني العنقوديه واخواتها اللي في الباب الاول وخدو فيه اجر تكفون >.<

[عذبة الأطباع]

المشاركة الأصلية كتبت بواسطة just he n my heart تشكري يا عذبة الاطباع بس والله ياعسل قد فتحت الرابط هذا وحاولت احمل بس التحميل مره مره بطئ

طيب بسيطه المشكله..
خلّيه يحمل براحته أهم شي يفتح معاك المقطع الصوتي ..
لانه انا استفدت من المقاطع هذي في الاختبارات الدوريه وفيه كمان شرح احصاء للثامر في " قسم الملخصات" بس للأسف ما نزل للبابين الأخيرهـ !~..

مووفقه


* و اذا كنتِ من فرع السلامة .. مين أستاذتك ؟

[Gmoorh]

المشاركة الأصلية كتبت بواسطة just he n my heart ص222 مثال 7-1 رقم 3 كيف طريقة الحل ماني عارفة حاولت بس ما عرفت 1و2 تمام على نفس القانون بس 3

حبوبه شوفي معايا المعطيات

Z=1.5
µ=50
σ=10

والمطلوب في الفقرة الثالثه الدرجه الخام يعني هيا المجهوله

لما نججي نعوض بالقانون اللي هوا

z = X-µ / σ


كولها موجودة عندي بالمعطيات ماعدا المطلوب X الدرجه الخام

لذلك نضرب طرفين في وسطين

1.5 * 10 = X-50
X-50 = 15
X=15 + 50 << هينا نقلنا 50 للطرف الثاني بإشاره موجبه لان هياعندك قبل سالبه
X = 65

السؤال الثاني اطلع عليه واشوفه وراجعه لك

يارب فهمتي ودعواتكك حبوبه =)

[just he n my heart]

ربي يسعدكم قور بتشوف وقموره تماااام فهمت الطريقة
بس عندي سؤال لما يجي في السؤال احسبي دخل اسرة مثلا ويقول اقل من .... معناه انه z<a
ولما يجي اكبر العكس
لكن سؤالي لما يقولي على الاقل زي مثال ص233 رقم 1
اش يكون اكبر زي ماهو مكتوووب لخبطني شوية

[Gmoorh]

المشاركة الأصلية كتبت بواسطة just he n my heart ربي يسعدكم قور بتشوف وقموره تماااام فهمت الطريقة بس عندي سؤال لما يجي في السؤال احسبي دخل اسرة مثلا ويقول أقل من .... معناه انه z<a ولما يجي اكبر العكس لكن سؤالي لما يقولي على الاقل زي مثال ص233 رقم 1 اش يكون اكبر زي ماهو مكتوووب لخبطني شوية

إحنا مو اخذنا بالاحتمالات إنو على الأقل يعني أكبر من العدد اللي أداني هوا

يعني يكون أقل شيء العدد اللي اداني هوا (نتجه للأكبر )

يعني مثلا لما يقولي احتمال ظهور حادثه واحده على الاقل

p >= 1

يعني يككون أككبر من الوواحد أو يساوي العدد اللي اداني هوا اللي هو (1)

وفي الاحتمالات لما يقولي على الأقل نستخدم إشارة الاكبر

وهينا نفس الشيء قال لي على الأقل إذا نستخدم إشارة الاكبر

z > 41


يارب فهمتي ودحين بنزل لك شرح سؤالك الثاني

[Gmoorh]

المشاركة الأصلية كتبت بواسطة just he n my heart ص231 القاعده الي مكتوبة حل التمارين الي بعدها بالذات رقم 2 في مثال 7-5 والامثلة الي بعده كيف طريقة ؟ احس التطبيق فيه اختلاف عن القاعده

حشرح المثال كلو عشآن تفهميه كويس

شوفي معايا أول شيء بالمسائله ننظر للمتغير العشوائي يتبع توزيع طبيعي وإلآ توزيع قياسي
في المسائله اللي أنتي مو فاهمتها مثال (7-5) قال لك بالنص إنو يتبع التوزيع الطبيعي
إذا نعمل التحويله اللي هيا

z = X-µ / σ

هوا إذا التوزيع طبيعي حنوجد الاحتمال أو ننظر للأحتمال المطلوب
يا إما يكون أصغر أو أكبر أو محصور

في المسائله الفقرة الأولى قال لنا ما احتمال أن يقل بدل سكنه عن 166 ريال ؟

نبدأ نحل /
p( X < 166 )
P ( Z < 166 - 170 / 8 )
P ( Z < -0,5 )
= فاي 0,5 -
النتيجه سالبه يعني حنكشف عنها من الجدول السالب
-0,5 حنكشف عنو من يسار الجدول
0,00 حنكشف عنو من أعلى الجدول
والنتيجه تساوي = 0,3085

كيذا خلصنا من الفقرة الاولى حنجي للفقرة التانيه

الفقرة الثانيه تقول / سحبت عينه من 64 موظف . ماهو احتمال أن يكون متوسط بدل سكنهم أكبر من 172 ريال ؟
في حالة إنو المطلوب متوُسط يعني نفس القانون بس ب إضافة
(nجذر)

z = X-µ / σ /n << لآتنسي جذر n هينا ماقدرت أكتبه

نججي نحل آنتبهي معي هوا في الفقرة مطلوب أككبر من 172 ريال
يعني نقول
P ( Z > X-µ / σ / n) << جذر n مهم أخاف تنسيه

نعوض بالمعطيات اللي هيا
X = 172
µ = 170
σ = 8
n = 64

بعد التعويض حيكون
P ( Z > 2 )
= 1 - فاي 2
النتيجه موجبه يعني حنكشف عنها من الجدول الموجب
2,0 حنكشف عنو من يسار الجدول
0,00 حنكشف عنو من أعلى الجدول
بعد ماكشفنا عنها حيطلع
= 1 - 0,9772
= 0.0228
وكيذا انتهى الحل =)

بس انتبهي في حاله الأكبر بعد الكشف ماتنسي تطرحي منها وآحد

إن ششآء الله فهمتيهآ كوُيس وأي شيء تاني مو فاهمته قوُلي

دعوآتكك حبوُبه =)