قاعة اختبارات الرياض 7 نجوووووووووووووم

[أبو لميــس]

حضكم ياحقين جدة بس يالله الجايات اكثر

[$$$$]

ليتنا على قاعة التم الماضي على الاقل قدامك المنصه حقت الرقص

صدق امسك الاهبل لا يجيك اهبل منه

[moayad11]

انا قاعدت عند مكيف عشان الحر
طلع المكيف حااار و ما برد الا اخر خمس دقايق<< بدري يبو

خلاص الحمد لله من الترم الجاي جده ان شاء الله

[رسمي]

قلنا لكم انهم نصابين محترفين ماصدقتوني .. احسبوها معي
انا حسبت عرض القاعة 12 طالب والله اعلم كم طولها خلينا نقول اجمالي الطلاب الف طالب ضرب الف ريال الناتج مليون ريال ؟؟ لا يغركم اننا في فندق تراها مجرد خيمة كانت بعض البنوك تستاجرها للإكتتاب يعني ماهي غالية خلينا نقول ان الفندق متلاعب معهم ودخلها على الجامعة بعشرين الف مع اننا بالكثير نجلس ساعة فيها .. يطلع الناتج 120 ألف ريال آجار 6 ايام طيب الباقي 880 ألف ريال وين راحت ؟؟ اذا قلنا ان العالمية تاخذ نسبة 10% على كل طالب لأنها ماتسوي شي بس مجرد تطبع ورقة بهلله وعليها خطين يعني نطرح 88 ألف يبقى للجامعة مبلغ وقدره 792000 ألف ريال مكسب مافيه أي مشروع بالعالم راس ماله صفر يطلع المكسب هذا .. إضافة على الــ 3000 ريال اللي من ظهر كل طالب والله أعلم كم يكلف الطالب مصروف للمدرسين الخصوصي من زين المناهج ... ياناس والله شي يقهر .. صحيح ان الأغلب موظفين لكن مهما كان من حقنا نكمل تعليمنا مجاناً ..

[حمدان صالح]

من يسمع لندائنا

الأوراق توزع الساعه السابعة والخمسة واربعون دقيقه ويتم سحبها الساعه التاسعة والنصف
أين الإنصاف مع العلم الاختبار مدته ساعتان ..

ماهو ذنب الذي لم ينهي اجابته في الامتحان .. وعند محاولته كتابة الاجابة يتم سحب ورقة الاجابة والأسئلة منه .. لارقيب ولكن رب العالمين موجود حسبي الله ونعم الوكيل...
والأجواء الحارة التي لاتساعد على الإجابة .. مادة الانجليزي وقاعة مدرايم كراون بالرياض

[أبوتركي 888]

انا استبشرت خير يوم جتني رسالة الجوال بتحديد موقع الامتحان وقلت والله فلة قاعة فندق عز الله اللي ماقصروا بعد ذقنا الشقاء بقاعه الافراح السابقة لكن صدق من قال العوج طول عمره عوج وليتنا بالحمراء احسن .
اللي قاهرني المراقب عطاني الورقة يوم جلست اقراها رجع وسحبها وعطاني وحده ثانيه وقال معليش اخطيت بالترتيب فقلت له يعنى الاسئلة تختلف قال لا فقلت اجل خلها دامها مثل بعض فقال لازم تكون بالترتيب اللي طالبينه الجامعه ؟؟؟ صراحه ماادري وش سالفتهم لكن خلوها على ربكم والله يعين.

[ياسر الرحيل]

المشاركة الأصلية كتبت بواسطة d3is ههههههههههههههههههههههههه .. اما ب 4 ريال استغلال

المشاركة الأصلية كتبت بواسطة d3is احنا عندنا ب 1 ريال وفيه سندوتشات وانواع الجالكسيات والتويكس مره مريحين بس زززززززحمه المبنى لما نجي ندخل تقول في يوم عرفه

الفصل الأول اختبرت في جده , أوقف سيارتي داخل الجامعه جنب المبنى الي بنختبر فيه ..والدكاتره طيبين معانا .
الفصل هذا اختبرت في الرياض قسم بالله أني وصلت لمطار الملك خالد على شان أطلع مع المخرج وأرجع للفندق حقهم , وطبعاً قوة زحمة سيارات ..
أنا ماقهرني إلا وأنا أركّز في السؤال , ينقز واحد من ذا المشرفين ويتكلم بالمايك ويقطع حبل أفكاري

وانقهرت أني شارب مويه كثير قبل الأختبار من الروعه . ويوم وصلت السؤال رقم 22 حسيت أن مثانتي بتنفجر , ماعاد أقدر أركز في السؤال أبي أطلع لدورة المياه الله يكرمكم .. المهم حبست نفسي حتى انتهى الاختبار . وعلى طول رحت لدورات المياه , وفتحت الباب الخارجي ولقيتهم حاطين عفش في دورات المياه (كراسي مكركبه على بعض . يعني مافيه مجال أحد يدخل )
ماأقول إلا الغلطة غلطتنا الي اختبرنا في الرياض ..

[7oriah_ksa]

والله احنا اختبرنا بمعهد العالمية اللي بطريق الملك فهد وكان الوضع جيد والقاعات مهيئة وأحلى شي خلونا نستخدم الآلة الحاسبة

[الصامل]

الحمدلله حنا بالدمام والله قمة الرفاهيه الاجواء كانت حلوه

وبعدين عندكم ابو رعد صاير حبيب والا الثاني الدكتور ابو شنب صايرن عاقل شكله مخروش من قبل الترم الاول

صايرن حبيب واي شي تبونه انا حاضر من هالكلام


بس بصراحه قاعتنا روووووووووعه روعه اجواء حلوه

لدرجة اني طلعت اول واحد في خلال 40 دقيقه تقريبا

[أحــبك لين أموت]

ترى الوضع ماينسكت عليه أبداً لكن احنا موفاضين لهم حسبي الله عليهم بعدين متخلفين بعض المراقبين يترززون اشغلونا الواحد يبي يركز في الربع ساعة الأخيرة وهم متقابلين ترى بقي 40 دقيقة ترى بقية 30 دقيقة وخيرر ياطير والله ما يستحوووون بعدين تعالوا شوي الحين ليش الجامعة مطنشه العالم ليش الجامعة ماتنزل مخلصات عندها وتعتمدها وتقدر ظروف الطلاب المنتسبين والجداول خربطه في خربطه الموضوع فيه إنا أنا اعتقد أنهم مايبون الإقبال هذا يستمر في الجامعة إلا في السنه التحضيرية علشان يضمنون 6000 آلاف وعالم يجيها إحباط ونسحب الكلام يطوووول للآسف إنا نستطيع أن نطور انفسنا باسرع وقت لكن متأخريييين في كل شيء...... وللحديث بقيه.،،.