تجمع طالبات خطة أ ....من بدايه الدوره(عن ما يحصل في الدوره) معلومات استفسارات الخطة أ

مدرسة الحب · 20-12-2008, 12:05 AM

السلام عليكم يا اخوات ...........

والله نورتوا الموضوع بس برضوا قلبتوها شات.......

ما عليكم امر خلو الموضوع للاشياء المهمه الي راح تصير في الجامعه والمواد وزي كدا......

عشان نستفيد مو نحوووووس بين الصفحات والردوووووووووود........

الله يعافيكي اخت مرام .......فهمتي قصدي من الموضوع هذا..........

بنااااااااات لا تزعلوا بس الله يرضى عليكم خلونا في المهم وبسسسسسسس

عالي مستواه · 20-12-2008, 01:14 AM

مدرسة الحب الله يعافيك خيتي،، كلامك صحيح ،،وكمان مرامي..^^ ويمكن ما كنتي موجوده هذيك الفترة،، يوم

اتفقنا على شوكولا تفتح موضوع واحد

حتى لا تكثر المواضيع المختصه بالدوره ونتشتت،، حتى حاطته بتوقيعها من حينه..

واكيد دا الأفضل لنا،، موضوع واحد،، وكل وحده تجي وتحط اللي يفيد،،

وممكن نحط موضوع ثاني للإستفسارات حتى برضو ما نضيع،،

واللي يريحكم اعملوه،، انتي او شوكولا ،، كلو خير وبركه.. بس عشان ما يضيع جهد احد

وربنا ييسر.. ^^

اكليل الورد · 20-12-2008, 09:53 PM

اهلين بناات ؟؟؟ماا في احد حضر ولا ايه ؟؟؟ياريت تقولو لنا وش اللي قالو لكم عليه اليووم رجااااااااااااء وجزااكم الله خيرر

мïşŝ яσšє · 21-12-2008, 09:04 AM

فكره حلوه بس كثرت المواضيع بخصوص المحاضرات
وبصراحه تشتت فين اكتب
ياليت يكون الموضوع للمحاضرات فقط وموضوع ثاني للاستفسارت
بدون مااحد يجي يتعرف او يشكر صاحبه الموضوع عشان لايصير لخبطه
ويسهل علينا الكتابه ^_^

والله يجزاكم كل خير ^_^

يلا نبدأ:

اول محاضره

محاضره حاسب :

ماافتكر اسم الدكتوره
بس مره طيبه واسلوبها مره كويس
طبعا ماشرحت لنا اليوم الا اشياء بسيطه وشرحها كان نظري
طبعا لاتخافو من شكل الكتاب لان المؤلف شارح كل شي فقره فقره
بشكل مفصل ولو طبقتو الموجود بصفحتين راح تلاقوه شي تافه
انسخ والصق .. الخ
وطبعا مافي حذف ولاتخافو الحاسب مرررررررررررررررره تافه
يعني مايحتاج حذف
وكمان ادتنا اسماء كتب حتفيدنا في المذاكره
كتاب مفردات ماده حاسب 100
من مكتبه خوارزم
وكتاب مايقارب 1000 جواب وسؤال للرخصه الدوليه ماده مهارات الحاسب 100
للدكتور كمال جنبي < هذا الكتاب يوضح طريقه الاسئله
وطبعا مو ملزمه بهذي الكتب مجرد افاده وتوضيح اكثر للمنهج
وصيغه الاسئله صح وخطأ واختياري ..

المحاضره الثانيه :

محاضره رياضيات
كمان ماافتكر اسم الدكتوره
بس تعاملها مو سسسسسسلسل ابدا
سريعه في الشرح
مافهمت الا فقره او فقرتين
وطبعا كنت داخله شويه متأخره
وماكنت عارفه ايش المحذوف والي مو محذوف
ولا كنت عارفه ايش الكتاب المقرر علينا
ان شاء الله بكره اسأل عشان اتأكد
وصيغه الاسئله صح وخطأ واختياري ..

المحاضره الثالثه
مو فاكره اسم الاستاذه
بس مررررررررره عسوووله
واسلوبها حلو وشرحها رائع
طبعا مافي شي محذوف بس الله يعطيها العافيه
راح تشرح كل المنهج وكل كلمه فيه
وطبعا الثقااافه مرررررره سهل وكمان الي بتركز معاها
بتعرف ايش هو المهم والي مو مهم
الاسئله صح وخطأ واختياري
طبعا الكتاب يكون النسخه الجديده الي غلافه سماوي او بيج
لانو الطبعه القديمه تختلف
عن الطبعه المقرره علينا
اسم الكتاب :
(الثقافه الاسلاميه)
من اعداد
الدكتور علي عمر بادحدح
والدكتور محمد احمد باجابر

هذا الي اخذتو اليوم 3 محاضرات وبكره كمان 3 محاضرات
ان شاء الله اقدر اكتبها لكم
واي شي اتذكره او اعرفه راح اضيفه بأذن الله

والله يوفقنا :)

اكليل الورد · 21-12-2008, 06:22 PM

جزاااك الله خيرر حبيبتي ما قصرتي والله ,,,,طيب ممكن تقولي لي على الاشياء المهمه اللي قالت لكم عليها في الثقافه ؟؟؟والله خايفه اذاكر الاشياء اللي مو مهمه ,,يعني في اي صفحه او درس واسفه على الازعاج