( بايولوجي / هندسة وراثية )

[دافئ الإحساس]

ازاا ما تقدر لكلية العلوم

تقدر تروح لكلية الاداب او كلية الادارة والاقتصاد

وحتقدر إن شاء الله تمشي فيها

موفقة يارب

[بيو كيميائية ^_^]

المشاركة الأصلية كتبت بواسطة pinkberry بيو ,,, البنت دي صحبتي ولنا مع بعض 4 سنوات انا عارفتها مافراسها علوم خليكي واقعيه لو كان احياء 110 حملتو ما بالك لما تتخصص !!! لا تقوليلي لو حبتو حتلاقيه سهل لانها لو كانت حابتو ما كانت حملت الماده !! وبعدين احياء 110 بالنسبه لبقيه مواد التخصص ولا شي !!! وترى البنت ما تحب الحفظ كمان !!! ولنفرض انها ضغطت على نفسها وتعبت ومشت نفسها بالعاااافيه مح تقدر توصل معدلها ل 4 ( مافي شي بعيد ) بس انا باقولك من معرفتي للبنت معدلها الان قريب ال3 اعتقد فلازم كل ترم تجيب 5 عشان توصلو ل4 !!! لنفرض بعد دا كلو اتخرجت !!! ايش الشغل ؟ ايش حتتوظف !!! مستشفى ؟ كلنا عارفين انو الان طلاب العلوم ما تستقبلهم المستشفيات ارامكو ؟ طالبين معدل !! سابك ؟ طالبين معدل !! معيده ؟ برضو لازم معدل !!! ايش باقي ؟ تشتغل معلمه ؟ لازم تاخد دبلوم تربوي عشان تسير معلمه وهيا ما تبى اصلن شغل تدريس في النهايه انا ما اقلل من تخصص العلوم بس للاسف احنا هنا في السعوديه ما نعطيه حقه تقبلو مروري

أحياء 110 أصعب من مواد الأحياء اللي أنا أخذتهمـ وجبت أعلى من التحضيري

بس البنت شكلها مو حقت دراسة يعني ماتذاكر ولاتجتهد

فيعني العلوم بكبرها لاتدخلها

هو الأحياء والكيمياء أسهل تخصصين في العلوم ومع ذلكـ ماهم سهلين

ايوا طبعًا كل مكان يبون معدل بس مايكون أقل من 3 أهم شيء

والمستشفيات فيه ترا ياخذون خصوصًا الأهلية هذه ويكرفونك كرف وراتب قليل بس هذه الواحد ياخذها خبرة فقط لا غير

قولوا لها تروح إقتصاد منزلي أسهل لها عربي ولايقارن بالعلومـ ماأقلل من شأنه طبعًا

وعلى فكرة إحتمال ماتنقبل علوم الجامعة وقفت 80 والفيصلية 66 وماأتوقع بينزلوا النسب كثير السنة

المشاركة الأصلية كتبت بواسطة rhf ^ كمان يا بيو مسلن يعني ، انا في بايولوجي 110 جبت a مو عشاني شاطرة فيه ،، عشان كنت اربط الاختيارات بالسؤال و احفظها ( احفظ الربط بس ) تخيلي دي صاحبتي ، كانت تحفظ سؤال واحد بس من كل صفحة في التيست بنك ،، وانتي عارفة لمن تتخصص ، حيكون في رسم << ما تعرف ترسم وفوق كدا اسئلة مقالية مممممممممم يعني ازا هي اختيارات ما قدرت تحفظ فما بالك بحفظ و اجابات و مدري ايششش انتي ايش رايك يا بيو ؟؟ واللهي احنا خايفين عليها ، يعني عارفيها البنت دي ماشية ولا دارية عن الدنيا ، قال ايه ، سألت الدكتورة حقتها ، قامت الدكتورة قالت لها مررررررررررررة سهل وهي صدقت الدكتورة نقولها عشان دي دكتورة تقولك كدا ، مو مصدقتنا !!!!! واحنا عارفينها ، شكلو حتسوي اللي في راسها و بعدين تجينا تقولنا انا ورطت !!!!!!!! بنحاول نساعدها قد ما نقدر ، عشان بعدين ما تيجي تقولنا انتو السبب ما نصحتوني :(

هي صاحيـة هي في الجامعة مو في الثنوي عشان تلعب

إذا هي إستمرت كذا ماراح تفلح في أي تخصص

وبصراحة أنا أشوف ماتدخل علومـ

لأن صراحة يبي له مذاكرة بإستمرار غير كذا إختبارات طول الترمـ وتكاليف

وإن كان سهل برضو يبي له شدة حيل بس ايش هو السهل ؟؟

أنا ماأحب الحفظ لكن أفهم وأتخيل وأقرب الشيء وأربط وأذاكر المادة أربع مرات وطبعًا مو ليلة الإختبار من قبل عشان لا أنسى

والمقالي أول ماجربته حسيت بصعوبة خصوصًا إذا نسيت شيء هنا مصيبة أذكرهـ وفاهمته بس مو عارفة أكتبه بس مو كل الأسئلة طبعًا سؤال سؤالين

بس الترم اللي فات كان كل موادي مقالي وحبيت المقالي وتعودت عليه حتى فضلته على إختبارات الإختياري

والترم الجاي عندي مادتين مقالي والله يسهلهمـ إن شاء الله

ايوا بالنسبة للرسم كونـها أحياء

أنا أخذت 3 لابات ورسمت فيهمـ

وأنا مو رسامة بس كنت أعمـلها قريبة المهم ينعرف إنها هذا الشيء

وترا نرسم من المجهر نفسه يعني مو صورة وأقلدها

تجلس تتطل وترسمها وتتعرف

الإختبار يجي عشر سلايدات وتتعرف عليهمـ

وأشياء كثيرة

بصراحة صاحبتكمـ يبي لها تصفيق عشان تفهمـ إن الجامعة شيء صعب مو سهل وتسهل بالمذاكرة والإجتهاد

مو لعب مدارس ذاكرتي ماذاكرتي نجحتي

وترا إحتمال إذا دخلت علوم تحصل على إنذار وإذا وصلت ثلاث إنذارات تفصل نبهوهـا على هالنقطة

[RHF]

الله يسهلك يا بيو

والله انك صادقة في كل كلمة قولتيها

يبغالها تلطيش

انا قولتلها تدخل اقتصاد منزلي ، احسلها ، او تدخل ادارة معايا لو تقدر

لاكن هي مصممة عالاحياء ومني عارفة السبب ، وتتعزر بحجج مالها داعي

والمشكلة احنا اعصابنا محروقة عليها و معاها

:@

اوففف يااا <<< زي السوارية

الله يعين بس

[RHF]

اخوية دافئ / مشكلتها عبيطة ، حطت في راسها الاحياء ،

واحنا حسبنالها لها من كل الجهات و مافي فايدة :(

[دافئ الإحساس]

المشاركة الأصلية كتبت بواسطة rhf اخوية دافئ / مشكلتها عبيطة ، حطت في راسها الاحياء ، واحنا حسبنالها لها من كل الجهات و مافي فايدة :(

المشكلة العناد او العبط

ما ينفع في دي الاشياء لنو اختيارها للتخصص

بيحددلها مستقبلها الوظيفي

الله يعينك يارب ويعينها

ويوفقها يارب

[بيو كيميائية ^_^]

المشاركة الأصلية كتبت بواسطة rhf الله يسهلك يا بيو والله انك صادقة في كل كلمة قولتيها يبغالها تلطيش انا قولتلها تدخل اقتصاد منزلي ، احسلها ، او تدخل ادارة معايا لو تقدر لاكن هي مصممة عالاحياء ومني عارفة السبب ، وتتعزر بحجج مالها داعي والمشكلة احنا اعصابنا محروقة عليها و معاها :@ اوففف يااا <<< زي السوارية الله يعين بس

طيب كرهوهـا في الأحياء

قولوا لها تشريح فئران وحيوانات و وصاخة

بكتيريا وفطريات وقرف ومافيه سيفتي في معامل الأحياء

أخت وحدة معانـا في البايوكـ هي أختها مايكرو يُقال أن طلعت لها فطريات في جسمها بسبب فطر من اللاب

سمعت هالكلام من بنات ولا أدري صحته

رائحة الحضان تبع المايكرو مو بس تصدع إلا تمـوت بس تفتحيه عشان تحطي الطبق تموتين

لاب المايكرو كنت أجلس طول اللاب وأنا لابسة كمام من كثر الريحة

الأحياء أغلبه حفظ ودش كثير

ايوا وبعد يزوجون ذبـان عشان يشوفوا إنتاجهم

والنبات تاخذين ورق وتجلسين تشوفين وش هذهـ

وبعدين إذا بتدخل هندسة لازم في بيولجي خلية تكون 85 والمادة صعبة أصلًا بدايتها سهلة لنا حقون البايوكـ عشان من تخصصنا وبعدين لا

وهي مو حق دراسة فما راح تجيبها

الوراثة برضو مو سهلة ونفس الشيء ماراح تجيبها

إن تبي تدخل مايكرو أقل شيء تكون جايبة في المايكرو 75

المادة مو صعبة مرة يمكن تجيبها

ايوا ولابات الأحياء مملة مافيه آكشن بس طالعي الشريحة وإرسمي

تعرفي إن شاء الله ماتدخل علوم من الأساس ويحطوهـا إقتصاد منزلي

[بيو كيميائية ^_^]

على فكرة قولي لها الدوافير إلا هم الدوافير وهم يعانون شلون هي إذا ماتذاكر

وترا قولي لها ممكن تجي لها أستاذة أعوذ بالله منها لا أخلاق ولا أسئلة ولا شرح وفوق كذا ترسب

ايوا وفيه في الأحياء مادة اسمها كيمياء عضوي والله لو ماتذاكرها محاضرة بمحاضرة وتشد حيلها فيها إحتمال كبير تحملها والمادة بأربع ساعات يعني تتطيح معدلها أعظم وأعظمـ

وعندها أحياء 202 بأربع ساعات هو أسهل من التحضيري بس هي إذا ماذاكرت برضو يطيح المعدل وهم هالمادتين في نفس الترم يعني تاخذ إنذار ومافيه مكافأة

ويبقى لها إنذارين وبعدين أوت

خوفيها بهالنقطة

[RHF]

قولوا لها تشريح فئران وحيوانات و وصاخة بكتيريا وفطريات وقرف ومافيه سيفتي في معامل الأحياء أخت وحدة معانـا في البايوكـ هي أختها مايكرو يُقال أن طلعت لها فطريات في جسمها بسبب فطر من اللاب سمعت هالكلام من بنات ولا أدري صحته

ول يا بيو ؟؟ يا بنتي حتى لو ما تدري صحة الكلام اكيد بيسير زي كدا يا لطيف :(

وربي انا مرة سار قلبي يدق بقوة :(

رائحة الحضان تبع المايكرو مو بس تصدع إلا تمـوت بس تفتحيه عشان تحطي الطبق تموتين لاب المايكرو كنت أجلس طول اللاب وأنا لابسة كمام من كثر الريحة

يا الله ازا انا ايام السكول و كانت الريحة حاجة بسيطة ، كنت احس نفسي مخنوقة ، اجل كيف اعود نفسي على اللابات و ريحتها ، ياااا الله انك تعين :(

الأحياء أغلبه حفظ ودش كثير ايوا وبعد يزوجون ذبـان عشان يشوفوا إنتاجهم والنبات تاخذين ورق وتجلسين تشوفين وش هذهـ

دي اخرتها يا بيو ؟؟ حتى الدوبان يقعدو يجوزوهم

ويجيبو دوبانات سوغار تانين :(

< ماتت هههههههههههه

وبعدين إذا بتدخل هندسة لازم في بيولجي خلية تكون 85 والمادة صعبة أصلًا بدايتها سهلة لنا حقون البايوكـ عشان من تخصصنا وبعدين لا وهي مو حق دراسة فما راح تجيبها الوراثة برضو مو سهلة ونفس الشيء ماراح تجيبها إن تبي تدخل مايكرو أقل شيء تكون جايبة في المايكرو 75 المادة مو صعبة مرة يمكن تجيبها ايوا ولابات الأحياء مملة مافيه آكشن بس طالعي الشريحة وإرسمي تعرفي إن شاء الله ماتدخل علوم من الأساس ويحطوهـا إقتصاد منزلي

مممممممم المشكلة ، انا عارفة انها لو انقبلت علوم ، حتدرس فيه و بعدين تحول ،

فعلى قولتك ان شاء الله ما تنقبل فيه ، ويسير اقتصاد منزلي واللهي اصرفلها ولايقلها كمان

وحتى الادارة تنفعلها احس ، يعني تنفع لدا المجال هي

تسلميلي بيوووووووووو ما تقصررري يا اوووختي

ايوا صح نسيت اقولك ، كمان تخيلي دي صاحبتنا مررررة كيوت من النوع اللي ما يستحمل اللابات و ريحتها و ما تقدر تشوف فيران والكلام دا ، شكلنا انا و بينك حنقعد معاها قعدة مطولة

[دافئ الإحساس]

احياء 202

ما كنت ازاكرو مع انو الاكتر يقولي تراها دسمة ومدري ايش

لكن انا صفيتها

وحفضت التيست بنك وجبل فل مارك في المعمل

وفي الاخير اخدت فيها a

الحمدلله يارب

والله المادة دسمة مررره ومع نفسها مرره انو ازاكرلها واقعدلها زي مواد تخصصي
هع هع

[دافئ الإحساس]

واحلى شي التيست بنك

بالعربي ههههههه