أفضل دكتوره بحث وتدريب

[memoooo.]

انا اضفتها مع سحر الجبروني

ياااااارب تكون كويسه والله خايفه مره

الله يسهلها لنا ..ويوفقنا..

[ro7i Leek]

^^

سحر مرره طيوبه
بس تطلب منك الحضور ومقابلتها على الاقل 3 مرات

وانا مررره ما اقدر احضر لجده ..

انا كلمتها بنفسي وقالتلي هالكلام

الله يسهل عليكي

[الواهمه]

انا الي اعرفه وسمعته من البنات انو الدكتورة نيرفانا شوي متعبه في البحث ودقيقة
انا اضفتها مع سحر جبروني
ورحت وقابلتها اليوم وشكلها مرة حبوبة
وقالت ان شاء الله الاسبوع الجاي حتسويلنا لقاء
وبالتوفيق للجميع

[الواهمه]

http://www.skaau.com/vb/showthread.p...03#post5097603
بنات زورا هذ الموضوع ان شاء الله يفيدنا كلنا

[ro7i Leek]

طيب مافي احد هنا مع دكتورة نهال !!!!!!

[memoooo.]

ربي يسعدكم بنات طمنتوني

انا ماعندي مشكله اروحلها على طول

اصلا هوا دا الي كنت ناويتوا عشان

اخد درجه كويسه ..بكرا ان شاء الله

رايحه اقابلها.. ربنا يوفقنا يااارب

[امل زايد]

بنااات اللي اضافت مع الدكتورة اقبال وبتحضر الاجتماع بكره الظهر تقول ايش تطلب منهم
الله يسعدها اللي تساعدني مااقدر احضر

[Nada AlWard]

انا اضفته مع الدكتوره حميده مهران...والله شكلها طيوبه ان شاءالله يارب
والحمدلله اهم شي قلت لها ماقدر اجي جده نتواصل عن طريق الايميل قالت لي ايه عادي بس اهم شي ترسلي لي مواضيع البحث والله يكتب لنا الخير يارب

[ro7i Leek]

بنات ايش صار معكم؟؟


كيف تعامل دكتوراتكم معاكم؟؟

[memoooo.]

دكتوره سحر الحمدلله كويسه

بس مشكلتها لما جالهم وقت اختبارات وتصحيح

انشغلت وماسارت تتابع معايا اول ما ارسلها جزئيه

يعني تقولي اقرأ الي رسلتيه وارنلك وافضل استنى

وماتتصل ابدا :(

غير كدا في تحليل البيانات تبغاه ببرنامج معين وانا

ما اعرف استخدم دا البرنامج قلتلها قالت خلي احد يساعدك فيه

طبعا ما اعرف احد روحت للمكتبات قالي بس دا البرنامج لو استخدموا

راح يكلفني 600 صراحه مره كتير سويتوا بالطريقه العاديه وان شاء

الله ماتعترض عليه لو اعترضت امري لله اسويه بـ 600

بس عموما دكتوره سحر الجبروني في تعاملها ماشاء الله عليها

رائعه وراقيه بصراحه

:: :: :: :: :: ::

بنات انا مررره حايسه في التقرير ومو عارفه كيف اسويه

والوقت كمان سار ضيق عليا لو الاقي احد يساعدني فيه

اكون شاكره ^ـ^