اسئلة الراي العام com 204

[Mirage 2004]

مساء الخير جميعاً
بصراحة الاسئلة اليوم كانت صعبة جداً وغير متوقعة والغالبية ماخذين المادة لرفع المعدل لكن اللي شفناه غير
حسبنا ونعم الوكيل

عسى الله يخارجنا وإياكم من هاذي المادة

[( فيصل الشريف )]

لازم نتواصل مع الدكتور على الاقل يعوضنا بالدرجات
يعني هو محدد لنا فصول ليش يحدد ويجيب من خارجها لازم تتوضح له الصورة
هو لو جاب من اللي حدده ماحتجناه يزيد درجات الله المستعان .

[$ عمر $]

قدلي ثلاث ايام اذاكر مادة -- وعلومها ما بين راي وراي(ن) ثاني

يا حيف من دكتورها وش فادة -- يومه يعاملنا كما الورعاني

اخلف مسار الدرس غير ارشاده --- وخلى الجميع يفر في البراني
والكل دارس سالك(ن) الجادة --- لكن تعقدنا من الخبلاني

انا احسب(ن) الاسئلة كالعادة -- والله ولا حتى سؤال(ن) جاني

[medo18o]

خخخخخخخ

لعب بحسبتنا الدكتور اليوم

لازم نكلمه يشوفلنا حل

الله يسهلها من عنده يارب ،،،،،

[ابو رفول]

شباب الي عندة اجوبة الراي العام يفزع الله لا يهينة

[القل الحزين]

يا شباب نموذج ب اكثر الاجوبه صح افيدوني بالصحيح جزاكم الله خير والله ماده صعبة الله يستر

[alsa7el]

الله لا يجزاه بالخير
انا عرفت وضعه من دخل علينا وقال الاسئلة سهلة باين انه نصاب

[فتى النماص]

حسيت اني داخل اختبار لماده ثانيه
اسئله صعبه ومعقده
اخر ترم واخر ماده
والظاهر بيتأأجل التخرج للترم الجاي
الله يستر
والله يسامح الدكتور على هالاسئله

[أبو سامي 1]

أتصلت أمس على الدكتور ومارد
وأرسلت له رسالة على الوتساب بالموضوع إلى الان لم يتم الرد
مع العلم أن الدكتورنفسة ارسلي المطلوب على الوتساب
الكتاب : الرأي العام وطرق قياسة
عاطف عدلي العبد
من الفصل الاول الى نهاية الفصل الثامن
وجت الأسئلة غير الي في المنهج المحدد والله ماني متأكد الا من 12 سوال والباقي من راسي
الله المستعان
اي رد من الدكتور راح أعطيكم خبر
ولازم الجميع يتحرك عشان يعرف انه غلطان لكن لو سكتنا والله مادرى عنا

[عبدالرحمن البشري]

ارسلت له على الوات صب ولارد عليه