خلونا نتناقش يمكن نقدر نغير الواقع!!!

[إلهام]

8888888888


كلام رائع ولا نزيد عليه شيئا

[Oxsgen]

الاهل مالهم دخل ان شا الله ادخل كلية القوات الجوية ..

كل واحد حر’’

واللي يقول اختلاط ما اختلاط ..

اقوله : شوف اقرب شيء عندك الحج ,, رجال مع حريم

بس الموهيم قلوبهم ونيتهم ايش ,, هذولا جايين لوجه الله

نفس الكلاام في المستشفيات ..


اهم شيء النية ..
ولاتنسوا النساء في عهد الرسول كن يصاحبن الجيوش من اجل اعداد الطعام وتضميد الجرحى ..

( لاحظوا كانوا رجالا مع نساء)

والرسول لم ينكر عليهن ذلك ,,

[عصر الحاسب]

المشاركة الأصلية كتبت بواسطة طـمـوح ^ عصر الحاسب الطب مهنه نبيله وشريفه والإختلاط فيها لابد منه لأنو ممكن تجي حاله عاجله ومافي أمل إلا إنها تعالجه _________ عن نفسي بنتي لو أرادت أن تكون طبيبه لدعمتها بكل ما أستطيع لإكمالها هذه الدراسه للمهنه النبيله وأبعدت عن رأسي الطقوس الحجريه والإختلاط ليس رادع لذلك فأكثر البنات يريدون الطب ومن يعلل بالإختلاط هم قله أمثالك فقط وإذا على الإختلاط النقاب مسموح مافيها شي ولا قصدك إختلاط التحدث وماإلى ذلك هنا يعتبر تخلف بحت وأن البنت هذه عاشت في ضروف صحراويه لاتحتك به في العلم والمعرفه ومواكبة التطور لأن الإختلاط وارد في كل مكان الأسواق والمحلات التي تبيع الملابس الداخليه النسائيه وغييييرها فالإختلاط لم يقتصر سوى على العلم لا لا هذا يدل على أنك لم تحققي حلمك أو أن بداخلك نقص ذاتي أو محرجه من شيء فيك ولن أرد بعد ردي هذا طـمـوح

الحمد لله أولا وأخيرًا

لن أقبل الجدال معك لأنه لا تقبل النقاش وغير ذلك عرف عنك في هذا المنتدى أسلوبك

المبتذل الرخيص للأسف الشديد في الرد .

عمومًا على أية حال ، الله شهيد على ما أقول ، لست من هواة الطب ولا محبيه حتى

ولله الحمد أكملت تعليمي في تخصصي وطموحي منذ الصغر وبإذن الله لم ولن أندم على تخصصي
الذي اخترته لنفسي.

ولا أعلم ما العلاقة يا طموح بين الإحراج والنقص وبين الطب ؟!
ولماذا قلت لن ترد بعد مشاركتك تلك ، يبدو وتأكد لي أنك أنت المحرج من نفسك ومن أسلوبك المنفر في الحديث ...

[mيmي العفريتة]

المشاركة الأصلية كتبت بواسطة oxsgen الاهل مالهم دخل ان شا الله ادخل كلية القوات الجوية .. كل واحد حر’’ واللي يقول اختلاط ما اختلاط .. اقوله : شوف اقرب شيء عندك الحج ,, رجال مع حريم بس الموهيم قلوبهم ونيتهم ايش ,, هذولا جايين لوجه الله نفس الكلاام في المستشفيات .. اهم شيء النية .. ولاتنسوا النساء في عهد الرسول كن يصاحبن الجيوش من اجل اعداد الطعام وتضميد الجرحى .. ( لاحظوا كانوا رجالا مع نساء) والرسول لم ينكر عليهن ذلك ,,

أختي الغالية لايوجد أي وجه مقارنة بين نساء الصحابة وأمهات المؤمنين رضي الله عنهن ونساء هذا العصر نساء متابعة آخر صيحات الموضة ومن المستحيل أن تجدي أي فتاة تذهب إلى كلية الطب وهي لم تأخذ كامل زينتها إلا من رحم ربي ومن قال لك أنه في هذا العصر تسلم المرأة من معاكسة الطائشين حتى في مواسم الحج فالبعض هداه الله يستغل فرصة الحج ومقدرته على الإختلاط بالنساء وممارسة بعض التصرفات الطائشة وأرجع أكرر أنه أول حل لهذه المشكلة هو فصل الطلاب عن الطالبات كل في مبناه الخاص..

[يا دنيا من هو انت له]

يعطيكم العافيهـ جمييع وكلامكم ع العين والراس..

بس خلنا نقف لحظات..

من ناحية الحكم الشرعي كلنا نعرف الأختلاط محرم.. بس عمره ما كانت مهنة الطب محرمه لنساء..

وكمان نحن البنا ت بحاجه إلى طبيبات يعني لو رحت أنا أو أنتِ راح نرضى انو دكتور يكشف علينا بتأكيد لا..

ويمكن نطلع وندور مستشفى أخرى عشان تكون موجوده دكتورهـ..

طيب ليش الأباء ما يحفزون بناتهم مو ع الفتن لا انها تكون طبيبة محتشمة قدوة لغيرها..

طيبإذا يرفضون ان بناتهم يسرون طبيبات ليش لما الوحده تمرض يطلبون لها طبيبه؟؟؟!

ليش مخلين نقطة سودويهـ على الطيبات بالعكس والله أني شفت طبيبات قمه في الأحترام والحشمه والأدب..

وأعتقد صحيح الأختلاط محرم بس ديننا ماحرم الطب بل أحله بظوابط شرعيهـ..

ولو أنا وأنت وغيرنا تمسكنا بهذي الضوابط وتخصصنا طب راح نخدم ديننا أولاً والناس إلي محتاجينا..

نحنا محتاجين إلى طبيباااااااااااااااات..

[tag2000sa]

المشاركة الأصلية كتبت بواسطة oxsgen الاهل مالهم دخل ان شا الله ادخل كلية القوات الجوية .. كل واحد حر’’ واللي يقول اختلاط ما اختلاط .. اقوله : شوف اقرب شيء عندك الحج ,, رجال مع حريم بس الموهيم قلوبهم ونيتهم ايش ,, هذولا جايين لوجه الله نفس الكلاام في المستشفيات .. اهم شيء النية .. ولاتنسوا النساء في عهد الرسول كن يصاحبن الجيوش من اجل اعداد الطعام وتضميد الجرحى .. ( لاحظوا كانوا رجالا مع نساء) والرسول لم ينكر عليهن ذلك ,,

شكراً لك ... وأنار الله بصيرتك

-------------------------
أبغى أزيد على كذا ....
بكرة النهار لما يصير عندي زوجة وبنات ... ولا قدر الله يصابو بمرض أو يحتاجو لرعاية صحية من حمل وولادة وأمراض نسا - بعيد الشر- ما أبغى دكتور رجال يجي يكشف عليهم ... أبغى دكتورة حرمة وبنت بلدي أفهم إيش تقول وتفهم إيش أبغى
مو تجيني دكتورة أجنبية تتفلسف على راسي وأنا عشان خاطر مراتي وبناتي أقولها حاضر ...

في دي الحالة لازم بناتنا يتعلموا الطب ... وفين باللهي أحسن يتعلموه هنا في بلدنا ولا نرسلهم للبلى اﻷكبر عند الأجانب ؟؟؟؟؟؟

وإذا كان على اﻹختلاط والمضايقات والكلام اللي خارج النص ... البنت مهي لعبة تقدر توقِّف أي واحد يتعرَّضلها عند حده ... ومهو عذر إنو البنت تغير حياتها عشان تحرشات واختلاطات ومضايقات ... دا كلام فاضي

بعض اﻷباء ما أقول غيورين على بناتهم وزوجاتهم لكنهم مهووسيين بحكم العادة والتربية اللي اتربوها انو بناتهم وزوجاتهم هما نقطة الخطر وأي غلطة منهم تصير مصيبة للعيلة كلها وصار بنظرهم العيب في بناتهم وزوجاتهم صنف من صنوف من المحرَّمات ... وإذا كانوا يشوفوا اﻹختلاط محرم وعيب بناتهم يدخلوا مجال فيه اختلاط ويحرموه على بناتهم ويحرموهم من حقوقهم ... فكان الله في عون دولا البنات ..

يمكن البنت تكون بنفسها خايفة من اﻹختلاط والتعرض للتحرشات ... دا شي ثاني وأمر راجع لها ... أما إنو اﻷب أو ولي اﻷمر يحرم البنت من العلم - وخاصة إذا كان رغبتها وحلم حياتها - عشان دي الحجة الرجعية ... فالله المستعان
وياما سمعنا عن آباء وصل بهم الجهل والتخلف والرجعية ... في دا الشأن إنو فضَّل قتل البنت على تركها تدرس الطب .... ولا حول ولا قوة إلا بالله

[Alaa Al ghamdi]

المشاركة الأصلية كتبت بواسطة يا دنيا من هو انت له يعطيكم العافيهـ جمييع وكلامكم ع العين والراس.. بس خلنا نقف لحظات.. من ناحية الحكم الشرعي كلنا نعرف الأختلاط محرم.. بس عمره ما كانت مهنة الطب محرمه لنساء.. وكمان نحن البنا ت بحاجه إلى طبيبات يعني لو رحت أنا أو أنتِ راح نرضى انو دكتور يكشف علينا بتأكيد لا.. ويمكن نطلع وندور مستشفى أخرى عشان تكون موجوده دكتورهـ.. طيب ليش الأباء ما يحفزون بناتهم مو ع الفتن لا انها تكون طبيبة محتشمة قدوة لغيرها.. طيبإذا يرفضون ان بناتهم يسرون طبيبات ليش لما الوحده تمرض يطلبون لها طبيبه؟؟؟! ليش مخلين نقطة سودويهـ على الطيبات بالعكس والله أني شفت طبيبات قمه في الأحترام والحشمه والأدب.. وأعتقد صحيح الأختلاط محرم بس ديننا ماحرم الطب بل أحله بظوابط شرعيهـ.. ولو أنا وأنت وغيرنا تمسكنا بهذي الضوابط وتخصصنا طب راح نخدم ديننا أولاً والناس إلي محتاجينا.. نحنا محتاجين إلى طبيباااااااااااااااات..

ياحلوة احنا مو ضد دا الكلام او ضد الطب
احنا ضد الاختلاط
المفروض نتمسك بضوابط الشريعه بطبيعه الحال
مو عشان الاختلاط يصير حلال!!!
ناس تقول الصاحبيات والمحتشمات...
الاختلاط محرم من زمن الرسول!!

وحتى لو كانت الفتاه محتشمة؟ الاختلاط حرام

يعني الله لمن حرم الاختلاط ماقال المحتشمات عادي يختلطو
الاختلاط حرااااااااام محتشمة كنتي او لا

المفروض صراحه زي ماذكرت وحده من البنات الله يعافيها
يكون مبنى للبنات ومبنى للاولاد وبالتالي مستشفيات نسائية
عشان مايوقف طموح احد
وعشان المجتمع العفيف مايتضرر من انوالرجل المسلم الواعي يدخل وحدة من حريمو على رجل اجنبي عنها !!!


الطب مهنه نبيلة زي ماذكرتو
ومافيها شي الفتاه تكون دكتورة بالعكس شي يرفع الراس

زي منتو شايفين المشكلة في الاختلاط
يعني لاتدخلو مواضيع فوق بعض!!!

عندكم مثلا واحد من الاعضاء فوق كاتب انو لن يتزوج طبيبة ...ليش؟؟ركزو في الاجابة

مش لانها دكتورة بشخصها فالمهنه هذي رائعه

قال لانها كانت تتعرضللاختلاطوتتكلم مع الشباب يعني بالعربي تخالط غير محارمها!!
موضوع نقاش رائع جدا
تحياتي

[soma al7elwa]

منجد منجد على قد ما في مواضيع استفزتني

دا اكتر واحد مستفز بينهم كلهم

ومنجد اتكلم دحين وانا فحالة غضب شديد

الاختلاط انتهى امرو من زمان

ما عاد في شي اسمو اختلاط العالم كلو صار قرية صغيرة

فكل مكان موجود الجنسين

كل مجالات العمل صار فيها "اختلاط" ماعدا المدرسة

حتى موظفة البنك الا ما تحتاج تختلط مع رجال

ليش الخوف دا كأنو بعبع؟؟؟

الاختلاط شي والخلوة شي تاني

ازا خايفين منجد من الاختلاط

بليز لا تنزلوا اسواق

لا تعتمروا أو تحجوا

لا تمشوا فالشارع

لا تدخلوا عالنت لأنو في اختلاط بين الرجال والبنات

لا تشتركوا فمنتديات

لا تجيبوا سواقين لانو اكيد حتركبوا سيارة معاه ودا اختلاط ولا تجيبوا شغالات لأنو صار اختلاط بالبيت

الطب وجميع الاقسام الطبية وأي خدمة في مجال المستشفيات من اسمى المهن الموجودة على وجه الكرة الأرضية وتستحق انو الواحد يخوض كل شي عشان يوصلها

حتى عامل النظافة فالمستشفى له فضل ما بعد الله فحماية البشر من الجراثيم والفيروسات المنتشرة في المستشفيات

وبعد كدا نقولك لا ما يصير تشتغل البنت عشان "اختلاط"

حابة اوضحلك نقطة حبيبي انو مو "أغلب الاسر" لأنو العقلية المتحجرة دي عالأقل عندنا في جدة أتلغت من زمان

يمكن لأن الأصول مو قبيلية والاندماج مع الثقافات التانية والزواج من غير سعوديين ادانا مجال انو ننفتح اكتر

بس كل اللي حواليني مع انو في عوايل "محافطة قبيلية" بتشجع بناتها عالطب والاقسام الطبية كلها

فمو فاهمة فين المشكلة؟؟

المسألة عادات وتقاليد بالية متخلفة من عقول متحجرة ونجلس ندورلها مبررات فالدين عشان يصير الموضوع رسمي ويلا هلم جرا

قال ايه غيرة ومدري ايش

هوا احنا بنشتغل رقاصات ولا بنات ليل؟؟

قبل فترة وحدة صحبتي تحكيني عن بنت من عائلة "قبيلية" كملت لسنة تانية طب ونجحت فيها وابوها موافق وكل شي وجوا حسبي الله ونعم الوكيل فيهم "الجماعة" زي ما بيسموهم وكيف تخلي بنتك تصير دكتورة ومدري ايش

اخرتها ابوها خرجها من الطب

عارفين لو انا مكانها

كان شبيت فيه الغاز وولعتو بدون أي مبالغة

ولا الاب الي ذبح بنتو عشان اتقبلت فكلية الطب

وهوا مدمن مخدرات

وبعدها جدتها جاتها جلطة من فجعتها

وخايف عليها من الاختلاط

بالله خايف عليها من الاختلاط وانت مدمن مخدرات؟؟؟

وربي لو انا منها كان مسكت السكينة الي بيدو فتحت بطنو بيها

يعني منجد ما أعرف ايش في اي وصف غير انو عقل متحجر بكل ما تعنيه الكلمة

ايش راح يصيرلنا يعني ؟؟؟؟

الدنيا مو سايبة

في ادارة في شرطة في قانون بالبلد

ولا حتى العراق وفلسطين الدنيا مو سايبة كدا عندهم

زي ما قال tag2000sa ماحنا لعبة

نعرف كيف نوقف اللي يأذينا عند حدو

في اجراءات لدي المواضيع

إلى متى خايفين على البنت كأنها طفل صغير ما يقدر يتحكم ولا يتعامل مع الناس؟؟؟

ولا كأنها امرأة بالغالة فاهمة طول بعرض

أو بالأحرى نتحجج انو خايفين عليها

لأنو ما اعتقد انو خوف على البنت بقدر ما انو خوف من القيل والقال وانو المرأة عندهم عورة لازم تتغطى

اختلاط غيرة شك تحرشات

كلها اعذار عشان نتبع العادات المتخلفة اللي تحكم مجتمعنا فكل شي

متى راح تفهموا تفكروا بعقلكم؟؟؟

دي انقاذ ارواح بشر تعرفوا يعني ايش ارواح؟؟؟؟

وجايين تقولوا اختلاط

طيب ليش ما تخافوا عالولد من "الاختلاط" دا؟؟

ولا كالعاده من العادات والتقاليد المتحجرة دا ولد وانتي بنت؟؟

حسبي الله ونعم الوكيل

الله يهدي العقليات دي ويفتح عليها وينورها يارب

وبعدين ايش الي ماليه امان؟؟؟

بكل بساطة انت مو واثق فزوجتك ولا فبنتك ولا فأختك عشان تقول الكلام دا

ايش اللي قصة العابد المؤذن والنصرانية؟؟؟

لا تجلس تبرر لغيرتك وشكك القاتل اعوذ بالله

ولا أغلبية فاسدة ولا حاجة كل واحد يمثل نفسو فقط

ما دامك تغار على اخواتك وبناتك وعند غيرة ومش عارف ايه من الاعذار المضحكة المبكية

عامل الناس كما تحب ان يعاملوك

مافي اي داعي تروحي او تروح تودي زوجتك او اختك او ايا يكن عند دكتورة نسا وولادة

الدكاترة موجودين ومليانين البلد

مافي داعي تروحوا عند طبيبة اسنان

الاطباء موجودين

مافي يا داعي تخلي النيرس تضربلكم الابر

في الممرضين الرجال

في كل الاقسام موجودين الرجال

ياريت محد يقرب من العنصر النسائي وخلوهم للناس اللي "ميتة الغيرة في قلوبهم" امثالنا

احنا راضيين

اتفقنا؟؟

_________________

اعزائي طموح ، لندنية ، اوكسجين ، يا دنيا من هو انت له ، tag2000sa

الله يرضى عليكم يارب

نفخر انو يكون في ناس زيكم عشان نخدمهم

الله يسعدكم يارب

[soma al7elwa]

كلمة قالتها حبيبتي شفافة

" لا يوجد شي اسمه اختلاط

البيئة الصحية تفترض وجود الجنسين"

اختصرت كل اللي أبغى اقولو

[fnfn]

اغلب الاهالي يتعذرو بخوفهم على البنت من الخراب
او الاذيه بس هاليومين دي الاختلاط ما يسمح للبنت تغلط
لأنها بتكون مراقبه من الناس واللي بتغلط تغلط في وحدة ولا اعتقد احد يتجرأ يأذي في وضوح الشمس وان كان ف لكل وظيفه ضريبه على الموظف وطل ما انك واثق من تربية بنتك يعني لا تهتم
انا في وحدة اعرفها يا حياتي عليها البنت شطورة ومعدلها يدخلها طب بالرااحه بس عشان ابوها مو راضي ماراح تدخل
تحسي الناس اللي كذا خساره ع الامة لو ما تصير دكتورة ومن السبب الاب
يعني احيانا نحتاج يكون في تفهم من قبل الاهالي بأن الدنيا اتغيرت والخوف دا مو دايم يكون في مكانو
<<< مره اتحمست وفي كلا م كتير بقولو بس مااحب اطول عليكم وقلت الخلاصه

تقبلو ودي