مرحبنبكم ياشباب الجامعه انا عضوة جديدة من قسم الاحصاء ابغى مساااااااااااااااعده

[Taurus]

صدقيني أنا و جهة نظري تشدي حيلك و تجلسي مع نفسك و تعرفي بالزبط ايش تبغي...
لازم تنتبهي على نفسك .... و تشوفي مصلحتك...
السنتين الي راحت لازم تفكري بايش طلعتي منها...
و إذا على المواد المعقدة فأنا عانيت هادا السمستر من مادة عقدة و كنت مني فاهمة و لا كلمة منها بس و الله رحت لمدرسة و فحطت مذاكرة و الحمد لله جبت علامة ماكنت أتوقعها...
و بجد إذا تبغي تنقلي أي قسم تاني لازم تفكري كويس , و تحسبيها صح و تشوفي إذا تقدري تمشي فيه و لا لأ...
صدقيني محد حيعرفك أكتر من نفسك...
و مستقبلك مو بس بيت العدَل مستقبلك أكبر من كده بكتير...
مستقبلك دحين في يدك امسكي و انتبهي عليه ...
و الله أنا خايفة عليكي و معتبرتك زي أختي...
أختي الله يخليكي لا تتهوري و فكري كويس..
و اعذريني على الإطالة...

[Farouq]

الأخت بنت كوووووووول

أنا من خريجي قسم الإحصاء وعلوم الحاسبات، وأنا أول ما دخلت الجامعة كنت في كلية علوم الأرض ورسبت في كيمياء 101 وصار معدلي 2.5 يعني انسي التحويل، بس هذا ما أثر فيا لأني خلال ترمين رفعت معدلي 3.3 وحولت على العلوم طبعاً ما قدرت أحول حاسبات بس دخلت إحصاء ورفعت معدلي إلى أن حولت إحصاء حاسبات.

بالنسبة للإحصاء 211 أن أقلك سبب الرسوب فيها إما بسبب الدكتور أو بسبب الطالب، فالدكتور يمكن تلاقي ما يفهم تمام أو يغيب كثير، أما الطالب فحسب إعتقادي يرسبو في هذه المادة علشان إما كثرة الغياب أو ما يبغي يذاكر بس يبغي يحفظ أو أنو ما أخذ رياضيات 102 وكثير من الطلاب يقلك مالها شغل بمادة 211 وهذا حسب وجهة نظري خطأ.

عن نفسي أتكلم أنا ما تعبت في 211 علشان أخذت رياضيات 102 قبلها ولأني قعدت أحل تمارين. طبعا يمكن تقولي كان عندي مواد غيرها، أن أقلك كان جدولي وقتها 16 ساعة منها رياضيات وحاسب. وفي كل الأحوال أي قسم في أي كلية لازم الحضور والمذاكرة سواء كنت في الإحصاء أو في غيره.

وربنا يوفقك وتتخرجي بإذن الله.

وعلى العموم إذا أحتجت مساعدة، إن شاء الله موجودين في الخدمة.

[dr-hanizb]

الأخت بنت كوووووووول

بصراحة ما أقدر اتكلم عن تخصصك شئ لأنو مو تخصصي ...... بسسسس صراحة عندكم دكتوره اسمها د/عبير الخولي يمكن تعرفيها .......مممممممممممممممره ممتازه . تعتبر اول سعودية حاصل على شهادة الدكتوراه في الاحصاء..... و هي دائمة التعامل مع قسمنا الكيمياء الحيوية لانها هي تساعدنا في عمليات الاحصائية في مشاريع بحثيه..... و انا عن نفسي قابلتها عدة مررات في مؤتمرات ...دكتوره مره طيبة و أخلاق ...ممكن تساعدك في أخذ الرأي ....

دائما اجعلى هدف في حياتكي....مو بسس بيت زوج

[Diver]

نفسي أساعدك والله بس العين بصيره و الإيد قصيره وصديقيني مو من أول مادة تاخذي فيها F معناتو إنك فاشله ومدام إنك عارف إنك فلتيها يعني عندك كل الإمكانيات اللي تخليك من المتفوقات على مستوى الجامعة بس لا زم تكوني صادقة مع نفسك و إذا كنت تحبي الحاسب فأنا أنصحك إنك تحولي لأني مريت بنفس المرحلة كنت أبا قسم الحاسب بس المعدل كان دون 4 فدخلت قسم الفيزياء و شفت الويل كنت أقول لنفسي هذا مصيري ولازم أرضى بيه بس والله ماقدرت والحمد لله إني حولت عشان كذا حددي هدفك و أتوكلي ولاتترددي لأنو الوقت ما يسمح للتفكير الطويل وأتمنى لك التوفيق و النجاح....

[خالد]

أختي بأختصار مريت بتجربتين فشل بالدراسة بحياتي

أولها في الثانوية عدت السنة وكان دافع أني أشد حيلي وأدخل الهندسة

الثانية في كلية الهندسة
في السنة الثانية أخذت Dn مرتين ومعدلي كان فوق ونزل كثير
وكان دافع أني أشد حيلي وأخلص في السنة 41 ساعة في ترمين مع صيفي يعني سنة واحدة بمعدل جيد جدا ً

الفشل هو أول خطوة بأتجاه النجاح

لكن الجد والأجتهاد مطلوب وأنك تتعلمي من تجاربك وأخطائك
تحياتي