تجمع طلاب البحث والتدريب د . علي القحطاني

[yanbu_tears]

السلام عليكم ورحمة الله وبركاته ...
الله يعطيك العافيه أبو طلال على الموضوع لآننا نحتاجه كثير
أنا أرسلت ايميل للدكتور واستغربت لأنه ما جاني رد

[نمط]

والله مدري وش الانسب تكلمه تلفون اكيد بينسى لان كم طالب بيكلمه
بترسل ايميل الشباب هنا يقولوا انه للحين مارد عليهم وماتدري من مشاغل الرجل وش يرد وش يسوي
تتوقعون متى انسب وقت الواحد يقدر يزوره في المكتب ؟
ووين مكتبه بالضبط
وسؤال بعد ايش الطريقة بالضبط في البحث واللي يطلبه الدكتور ؟؟
كاني زودتها صح


طيب المهم الحين في احد بيرد على الكلام اللي فوق ولا لا

[yanbu_tears]

هلا وغلا أخوي نمط
أنا مريت على مكتب الدكتور الاسبوع الماضي يوم الاثنين وما كان موجود لآن ساعاته المكتبية يوم الاحد والثلاثاء
مكتبه في مبنى كلية الاقتصاد والادارة الدور الرابع

[نمط]

طيب بس سؤال

لما ارسله ايميل وش اكتبله

هل احدد له ثلاث مواضيع وهو يختار منها واحد

ولا هو يختارلي موضوع وانا ابحث عنه

ولا امسي عليه ولا وش السالفه

اللي ارسلوا للدكتور ايميل يخبروني بس وش الاليه

لان واضح ان الوضع ملخطب للاخر

[نمط]

تجمعنا راقد يالربع ياهووووووووووووووه احد يرد

[بو طلال]

المشاركة الأصلية كتبت بواسطة نمط طيب بس سؤال لما ارسله ايميل وش اكتبله هل احدد له ثلاث مواضيع وهو يختار منها واحد ولا هو يختارلي موضوع وانا ابحث عنه ولا امسي عليه ولا وش السالفه اللي ارسلوا للدكتور ايميل يخبروني بس وش الاليه لان واضح ان الوضع ملخطب للاخر

اتصل على الدكتور ووضح له انك مسجل في مادة البحث وهو يشرح لك الموضوع والطريقة والدكتور متعاون جدا

[القناص44]

كنت بالجامعة يوم السبت
ومالقيت الدكتور ورحت لـ سكرتير القسم قال اتصل او ارسل ايميل

راح اتصل الساعة 8 والله يكتب اللى فيه الخير

[نمط]

اتصلت عليه ابشركم

صح انه صاح في وجهي في البداية قلتله عز الله فالنا الــــ f بعدين يوم شافني تفلت العافيه قام يضحك

الزبدة الرجال جدا متعاون ورهيب

طلب مني اسوي بحث واجيبه له وينقاشني فيه وهو راح يقوم بطلب تعديل بعض النقاط ان لزم الامر

هذا العلم وسلامتكم

[بو طلال]

المشاركة الأصلية كتبت بواسطة نمط اتصلت عليه ابشركم صح انه صاح في وجهي في البداية قلتله عز الله فالنا الــــ f بعدين يوم شافني تفلت العافيه قام يضحك الزبدة الرجال جدا متعاون ورهيب طلب مني اسوي بحث واجيبه له وينقاشني فيه وهو راح يقوم بطلب تعديل بعض النقاط ان لزم الامر هذا العلم وسلامتكم

بالتوفيق اخوي نمط

[ابو عريب]

ماصار جديد بالبحث تكفون خلونا نتفاعل