قمآري خطة (أ) أبغاكم في كلمتين ♥

[NinaSky]

المشاركة الأصلية كتبت بواسطة نوفا جدة أسماء الكتب بالنسبة للانجلش ------------------ -1-North star foces on writing & reading (introductory) الكاتب / John Beaumant -2- North Star writing activity book (introductory) الكاتب / Helen Solorzano _________________________ -3-North star North star Focuson Listening & speaking الكاتب / Polly Merdinger بالنسبة للثقافة الإسلامية فهو كتاب واحد إسمه : ( الثقافة الإسلامية) لـ د.علي عمر بادحدح د. محمد أحمد با جابر <<< (( كلهم مؤلفين كتاب واحد يعني الكتاب حتلاقي فيه اسماء الدكاترة هذول ))وضروري تاخدي ااااخر طبعة اللي هي ممكن تكون طبعة 1426 - 1427 هـ * بالنسبة للاسعار مااعرف .. لان لسه مااشتريت الكتب بس إن شاء الله اول مااشتريها حابلغك .. Good Luck Every Body

المشاركة الأصلية كتبت بواسطة ǮறooЯ كتاب مهارات للغوية 25 ريال كتاب الثقافة الاسلامية 18 ريال كتاب الحاسب 30 ريال الرياضيات .. الكتور قال بين 30 / 40 .. وماحيزيد عن الاربعين الانجليزي ... مااعرف والله ^_^ اتمنى اني اكون افدتك ..^^

جزاكم اللهـ خيــر ,, الله يوفقكم ويسعدكم يارب

مرة ثانكس على المبادرهـ الحلوهـ

تسلمولي واللهـ

[NinaSky]

المشاركة الأصلية كتبت بواسطة نايف الرفاعي على حسب ما سمعت الأفضل شراء الكتب بعد حضور الدورة التأهيليه ربي يوفق الجميع للخير والنجاح

خيو نزلت الجداول خلاص والكتب متوفرهـ في المكتبات

ايش تستنى ؟! أشتري الكتب دحين وأتطلع عليها عشان يكون عندك فكرة

وماتجي وقت الدورات التأهيلية وانتا مو فاهم حاجة وزي الاطرش في الزفة

آميــن أجمعين يارب ^^

[NinaSky]

المشاركة الأصلية كتبت بواسطة غموض الألمعي مساء الخير عندي مشكله وودي تفيدوني اذا ماعندكم مانع موضوعي اني اول سنه بسجل انتساب ولما دخلت على الموقع يقول لابد من تثبيتي للجدول من خانه الحذف والإضافه على يمين الصفحه وهالخانه مالقيتها واخاف يفوتني شئ والموقع مقفل ايش الحل والله ماني عارفه قصدهم ينزلوا الجدول او احنا اللي نختار تكفون ردوا علي كيف كانت الطريقه وكيف قدرتوا تحددوا المواد

صبآح النور والسرور

ياعسل طلاب وطالبات الإنتساب - السنة التحضرية ماعندهم شي اسمو حذف واضافة

ان شاءالله السنة الجية تنفتحلك دي الخاصية ^^

ولو دخلتي على الاودس دحين برقمك حتلاقي جدولك نازل خلاص وفيهـ مواعيد دوراتك التأهيلية

وأماكنها والمواد اللي حتدرسيها ..

واذا انتي خطة أ حتبدأ دوراتك في 5 - 11

وخطة ب حتبدأ في 18- 12

حاليا كل اللي لازم تعمليهـ انك تشتري الكتب

متوفرهـ بالمكتبات زي مكتبة خوارزم في جدهـ^^

وبالتوفيـق يارب

[غموض الألمعي]

يعطيك الف عافيه ياعسل وربي يريحك زي ماريحتيني بس انا مو بجده
عندي سؤال ياعسل لازم ادخل الدورات التأهيليه وكيف اسجل

[NinaSky]

الله يعافيكي ياقلبو :)

واللهي الدورات التأهيلية حضورها مو الزامي يعني ليكي مطلق الحرية

بس اأفضل تحضريها كلها تلاتة أسابيع حتفيـدك كتير ,,

من خلالها تعرفي ايش اللي معاكي وايش اللي محذوف

وكمان تعرفي ايش الملخصات اللي حتساعدك في المزاكرهـ

خصوصا انو الكتب مرة دسمة ><

والتسجيل في الدورهـ الين دحين ماعندي خبر

بس صاحبتي أختها انتساب من الدفعات اللي قبلنا

وقالتلي انو مافي تسجيل للدورات التأهيلية ,, تحضريها عادي

أصلن محد حيسأل عنك ولا أحد حيدور عليكي انتي بنفسك ليكي الحرية انك تحضري او لا

وهنا في الملتقى اختلفت الاراء بعضهم يقولو في تسجيل والتانيين يقولو لأ مافي تسجيل

بس انا حأمشي على كلام صاحبتي لانها ثقة ^^

بعدين انتي خليكي متابعة للأودس ولو في تسجيل للدورات حتظهرلك أيقونة على اليمين للتسجيل ^^

ان شاءالله أكون أفدتك ,, وترى لاتشيلي هم الكتب لو انتي مو في جدة

يوصلولك هيا لحدك بس حتدفعي فوق سعرها قيمة الشحن وقدرهـ 150 ريال

فالأفضل تجي جدة وتشتريها بنفسك من مكتبة خورازم في حي الجامعة مقابل كلية الهندسة ^^

[غموض الألمعي]

نينا بجد انا ممنونه لك الله يوفقك وسعدك والله احرجتيني بطيبتك معاي وأسال الله العلي القدير انهيوفقك وناولك مرادك ياعسوووووووووووووله

[غموض الألمعي]

معليش ماركزت بالإملاء الا بعد ماراحت الرساله بس ارجع اقولك مابقدر اجي جده بأي حال ظروفي ماتسمح بس تقدري تتواصلي معاي وتفيديني بحظورك اذا ممكن

[الطالبه المجده]

السلام عليكم
اختى انا سالت عن كتاب e
130 ريال من مكتبه الخوارزم وهو عباره عن كتابين

[روح فهد]

احنا مره ما شوفنا استاده الحاسب متى ذخلتلكم وايش قالت بالضبط وايش اسم الكتاب تحياتي

[نوفا جدة]

ربي يوفق الكل :)