حآبه آرفع معدلي ومحتآجه مسآعده منكم

[PinK MooN]

السلام عليكم

طبعا زي مو مكتوب في العنوان معدلي دا السمستر نزل واخدت انذار ثالث
ابغى احاول ارفعو عشان تروح الانذارات بس انا مو منظمه واطفش من المذاكره بسرعه
انا عارفه انو دا شي مايفيدني بس يعني مرا ماعندي طاقه للدراسه بس دحين لازم اضغط عَ نفسي
طبعاً مو عشاني عشان اهلي ,,

المهم حقولكم ايش المواد اللي اخدتها وايش اللي نزلي دا السمستر
دا جدول اول ترم في التخصص مانجحت غير في علم الانسان والباقي شلتو



دا تاني ترم في التخصص الحمدلله نجحت فيها كلها ماعادا مناهج بحث شلتها



دا ثالث ترم في التخصص والحمدلله عديت فيها كلها



دا رابع ترم في التخصص عديت فيها كلها ماعادا مناهج بحث ناشبتلي مو قادره اعدي فيها



دا خامس ترم في التخصص عديت في الثقافه والرعايه وشلت النظريات والاسري



طبعاً قدمت اعتذار في ترمين وراحت عليا سنه يعني المفروض اني تخرج بس الحمدلله
دا جدولي اللي نزلي دحين






ممكن احد يفيدني لو اقدر ازيد ماده رابعه لانو 3 مواد قليل خايفه مااقدر ارفع المعدل
انا ساكنه في الرياض يعني مااقدر اروح الجامعه وكممان انا مسافره الاسبوع الجاي برا السعوديه وحجلس شهر وحتروح عليا محاضرات السنترا وقبل الاختبارات بَ اسبوعين حيكون زواج خالي وحوسه يعني عن جد شايله هم مرا متى يمدي ارتب وقتي واحنا حنكون بين الرياض وجده

سوري عارفه طولت بالكلام بس حبيت انكم تساعدوني عشان كدا كتبت كل شي بالتفصيل
اللي يقدر يفيدني لا يبخل عليا وربي حدعيلكم ليل ونهار

ومشكورين مقدما