‘‘ تجميع الإستفسآرات عن دورات ووظائف صيفية 2011 ‘..،

[غرام]

انا شموووخ
مكتب العمل صحبتي الصيف اللي فات قدمت على توظيف
وقالت لازم احنا نروح لهم
ومعانا افاده انا ندرس ف الجامعه او ف الثانوي ع حسب
وناخذ معانا بطاقة الاحوال وصوره منه
وهناك يسألوك ايش تبغي تدريب او توظيف ووبس

شمووووخه :)

[سمر آل احمد]

يالله يارباااه

مشكوره على نقل الفكره الجمييييييله بس ليتنا نحفظ حقوق الغير نكتب فكره مقتبسه *

أنا اذا دخلت لها احس اني داخله مملكة المرأه ولآ أقـلآع مب سكآآآو


تسلميييين

[nsetk]

^^
عجبتني هرجة مكتب العمل
طيب هوا فين موقعه مكتب العمل ؟

[روووني]

في مكتب العمل ايش الفرق بين التدريب والتوظيف من كل النواحي يعني في الحالتين ايش حيكون الشغل؟؟
والافاده نجيبها من الاوديس؟؟

[عاشق رهف]

بصراحة حاجة حلوة مرررره ... آتمنى لك التوفيق من كل قلبي .. (صآحب الموضوع)

وبإذن الله آي حاجة جديدة عندي رآح انزلها هنا ...

لي رجعه باذن الله



بالتوفيق جميعا

[shada_Ak]

فكره ممتازه


جزاكي الله خير

[حده غيرقت]

بخصوص التوظيف الصيفي للطلاب و الطالبات عن طريق مكتب العمل
بإذن الله أول ما ينزل الخبر متى و وين مكان التقديم بإذن الله بنزلو هنا

طبعا الأوراق المطلوبة
صورة من الهوية الوطنية
و إفادة من الجامعة للجامعيين و طلاب الثانوي ورقة تعريف من المدرسة

مكان تقديم الجامعيين و الطلاب
و إنتا جاي من طريق المدينة ( الطالع ) كوبري المربع تطلعو و تاخد يمين يصير طريق المدينة وراك
أول إشاره ( يسار ) و تمشي قدام شويتين بتحصل دوار صغير داخل الحي و جنبو في معهد ناسي اسمو بس اظن المعهد الصناعي حاجه زي كدا

طبعا في ايام خاصة بالجامعيين و الطلاب


و بالنسبة للطالبات
أتوقع في نفس مكتب العمل الموجود في الكندرة جنب الجوازات
بس بتأكد أول ما ينزل الخبر و أجيبو لكم بإذن الله


و الوظايف مررا حلوه و ممتااازه و غير كدا لو ما تبغا تشتغل خد لك دوره ببلاش و فوقها مكافأه

طبعا الجامعيين من 1500 إلى 2500
ع حسب الشركة كم بتعطيك
و أي سؤال بهدا الخصوص انا مستعد

<< كل صيفية الحمدلله متوظف من عندهم
تقريبا 5 سنين و دي إن شاء الله السادسه

[حده غيرقت]

الأن للطلاب ألحق سجل قبل تاريخ 30/6/1432
وظائف موسمية في موسم الحج و العمرة

http://www.hrhajj.net/preregister.asp

[roro queen]

طيب سؤال للأخ جدة غيرقت

بتعرف ادا مكتب العمل بيوظف او يعطي دورات للي مو سعوديين ؟؟

انا مررره عجبتني فكرتهم وادرس في الجامعه انتظام ومو سعوديه بس من ام سعوديه ينفع ؟!

[حده غيرقت]

المشاركة الأصلية كتبت بواسطة روووني في مكتب العمل ايش الفرق بين التدريب والتوظيف من كل النواحي يعني في الحالتين ايش حيكون الشغل؟؟ والافاده نجيبها من الاوديس؟؟

الفرق هوما يسموها تدريب أو توظيف يعني يعلموك كيف الشغل و زي كدا
بس ألي شفتو مسمى التدريب دا يشيلوه لأنو مافي تدريب يا تشتغل يا تجلس
و طبعا من ألي مريت فيه ببعض الشركات
و الأفضل الواحد ادا يبغا يستفيد أكتر ياخد لنفس التخصص حقو
مثلا هندسه يدور ع شركات هندسه و مشاريع زي كدا هوا لما يروح هناك يرسلوه للمشاريع و يتعلم و ممكن يطبق بنفس الوقت
و ادا للإدارة ياخد أي شركة و يروح وهوما بيوظفوه بقسم الإدارة
وترى الوظيفة مو وظيفة يعني الواحد ياخدها بجد ترا كولها شهرين و اضرب الباب
وبعض الشركات يستغلو الشي دا و يخلوك تشتغل شغله مالها داعي ترتيب ملفات طبعا الرجال الي شغال هناك مافيه يرتبها كل ما يخلص شغله من ملف يقولك رتب كل الملفات و ارجع اطبع المسميات و زي كدا
أنا أشتغلت بشركة بس الحمدلله كان التعاامل مررا ممتاز يعني ما حسيت إني اتندمت
كانت في ادراج و فيها تقريبا 5000 ملف حق الموظفين
المطلوب مني افك كل ملف و اشوف الأوراق الي مو مثبته و اثبتها و ارتب كل الملفات بالترتيب بالأرقام و ادا مافي رقم ادور ع رقمو أو أسوي له رقم جديد زي كدا
أما البنات فالغالب ع ما أعتقد في مصانع الحلويات يشتغلو مثل أولكر


و الإفادة ايوا من الأودس