طفشت من المذاكرة .. أبغى حل ؟؟؟

[a7ak]

الجميع يمر بنقس حالتك من الاحباط واليأس
لذلك بجب علينا التشجيع والمؤازرة لبعضنا
وان شاء الله تأتي ثمرة ذلك بالنجاح

[أم مجاهد]

المشاركة الأصلية كتبت بواسطة دربـ وفا ـي والله ضحكت من قلبي .. انت اللحين بأسلوبك ذا محد بيقولك اشلون تذاكرين .. بيقعدون يضحكون وبس بدون تعليق .. [/align]

أولا : أحب أشكر جميع من أعطى نصايح .. وشارك بالكلمة الحلوة فقط ..

أما الأخت اللي دروبها وفا .. أعتقد ياأختي كلامي مافيه شي يضحك .. وأنا قلت الرجاء أخذ موضوعي على محمل الجد .. واللي ماعنده سالفة وحاب يتفلسف لايرد .. أنا في غنى عنه وعن رده ..

وانت تقولي اللي بيقرأ موضوعك بيضحك بدون تعليق .. طيب ياأختي كان فكيتينا من شرك وضحكتي بدون تعليق أنت أولا .. رجاء وللمرة الثانية اللي أسلوبه استفزازي وماعنده سالفه لايرد .. يضحك ويفكنا من شره .. احنا ناقصين رفعتي ضغطي الله يسامحك ..

[بدرناصر]

الله يوفق الجميع لما يحب ويرضا....................................

لايأس مع الحياه.............

والحياه حلوهـ بس نفهمها.......................
...

[AIMOO]

المشاركة الأصلية كتبت بواسطة أم مجاهد أولا : أحب أشكر جميع من أعطى نصايح .. وشارك بالكلمة الحلوة فقط .. أما الأخت اللي دروبها وفا .. أعتقد ياأختي كلامي مافيه شي يضحك .. وأنا قلت الرجاء أخذ موضوعي على محمل الجد .. واللي ماعنده سالفة وحاب يتفلسف لايرد .. أنا في غنى عنه وعن رده .. وانت تقولي اللي بيقرأ موضوعك بيضحك بدون تعليق .. طيب ياأختي كان فكيتينا من شرك وضحكتي بدون تعليق أنت أولا .. رجاء وللمرة الثانية اللي أسلوبه استفزازي وماعنده سالفه لايرد .. يضحك ويفكنا من شره .. احنا ناقصين رفعتي ضغطي الله يسامحك ..

8
8
8
تعوذي من ابليس الله يصلحك
وخلي عندك روح رياضية


بالنسبة لموضوعك الصراحة تتكلمي من واقع تجربة
بس المثل يقول هونها وتهون
وبعدين ما شاء الله عليك خاتمه كل المواد يعني ما عندك مشكلة
والانجليزي سهل ان شاء الله ما فيه شي صعب مع المذاكرة
وثمن باقي عندك تقريباً اكثر من 4 ايام يعني يمديك كل يوم تقرين ساعة وتختمينه
اهم شي فكري بالشهادة اذا اخذتيها اكيد تبي تهون عليك الايام اللي قضيتيها بالمذاكرة
والانتساب احسن ما فيه ان الواحد يشد حيله بس اسبوعين كل ست شهور
اجل اللي بالانتظام وش يقولون اذا هذا كلام المنتسبين

الامور سهلة ان شاء الله
والله يوفقنا وإياكم لما يحبه ويرضاه

[B N D R]

واضح من كلامك ان المساله عندك مو مسألة صعوبه مررررره ...

وانتي زي ماتقولي انك (دافوره ) ماشاءالله..

لكن حسيتي ان الوقت ينفذ ..

والجهــــد (الريدي) مهــدر ..

عشان كذا تحولت الحاله عندك..

الى مشكله نفسيه ..

واكتفاء ذاتي من المذاكره..

يعني اشبعتي رغبتك وحماسك..

واستنفذتي طاقتك..

نصيحتي لك كالتالي :

اولا .. لو فيه وقت كافي .. كان نصحتك تعطين نفسك بريك كذا يوم (يومين .. ثلاثه .. )
تستعيدين فيها طاقتك ، وتبعدين عن جو المذاكره شوي، وتجددين فيها حماسك ..
لكن مافي وقت .. << هذا الحل غير مجدي

اذن مالك الا ..
تعملين خطــه طوارئ ..
تضعين الاهداف ..
وتحددين الأولويات..
وترسمين الخطط المناسبه..

يعني انا لو في مكانك بتكون خطتي كالتالي :-
بما ان القرامر 14 وحده ..
راح اختار 6 وحدات مهمه اركز عليهم..
واذاكرهم صح ..
الي هي الوحده 1 ، 2 ، 3 ، 4 ، 5 ، 6 <<< الاولويات
بنضري انهم اهم الوحدات (( فيه اساب كثيره مايحتاج عاد ان احللها ))
والوحدات الباقيه .. امر عليهم مرور ..
نقطه ثانيه ،، لازم اهتم بالوقت ..
اعمل جدول - مايخرش الميه - مدروس بعنايه..
واحدد الوحدات واسجل الوقت بالساعه وبالدقيقه <<< رسم الخطط
واسعى بكل جهد ان التزم بالجدول
وتطبيقه بحذافيره... : <<< تحقيق الاهداف

هنا نقدر نقول اننا حققنا شروط خطة الطوارئ

اتمنى لك التوفيق

[نايف العتيبي]

توكلي على الله ولا تخلي الخوف يتغلب عليك كل واحد منا عند طاقة ترى مانختلف عن بعض الي اخذو الشهادة مو احسن منا وبالتوفيق

[berry blossom]

اول شي اتوكلي على الله

ثاني شي احمدي الله لأنو ناس كثير يتمنوا يدخلوا الجامعة لكن ظروفهم ماتسمح لهم

وانتي ذاكري واجتهدي والباقي على الله

:)

[فواصل همس]

مريت بنفس حالتك بس الحمد لله عديتها

توكلي على ربك



وربك ما يضيع تعب

[ابوليما]

توكلي على الله وتفائلي بالخير وثانيا فيه نماذج اختبارات اقرأيها
ونصيحه لك ولغيرك إذا حسيتي بضيق أو هم فأكثري من قوله تعالى ( رب المشرق المغرب لا إله إلا هو فاتخذه وكيلا)
رددي هذه الايه عدة مرات وشوفي النتائج مجررررررررررب أتمنى لك التوقيق والسعادة في الدارين

[ابوليما]

المشاركة الأصلية كتبت بواسطة ابوليما توكلي على الله وتفائلي بالخير وثانيا فيه نماذج اختبارات اقرأيها ونصيحه لك ولغيرك إذا حسيتي بضيق أو هم فأكثري من قوله تعالى ( رب المشرق المغرب لا إله إلا هو فاتخذه وكيلا) رددي هذه الايه عدة مرات وشوفي النتائج مجررررررررررب أتمنى لك التوقيق والسعادة في الدارين

عقوا الآيه ناقصه حرف الواو
وهي كالتالي " رب المشرق و المغرب لا إله إلا هو فاتخذه وكيلا "