خطة أ طالبات ... ايش صار اليوم ؟

[jory]

يارب افتحها في وجهي
شكرا لك والله إنك ريحتيني
رقي الأحاسيس
جزاك الله خير على الرد

[تسالي]

بالنسبه لي انا رحت وحضرت ثقافه اسلاميه وعربي ورياضيات
بالنسبعه للكتب قالوا خلاص اشتروها من المكتبه معتمده عادي كتاب الديين:الثقافه الاسلاميه المستوى للاول اسم المؤلف علي بادحدح وواحد ثاني معاه طبعه 1427
كتاب العربي:مهارات لغويه مستوى اول لونه ازرق لعدة مؤلفين الطبعه الثانيه
طبعا الدين والعربي مافيه تحديد من الجلده للجلده ومعلمة الدين تقول الماده غلسه ويبغالها تركيز وحفظ من بدري طبعا سالتها عن الادله هل نحفظها كلها قالت موشرط بس لازم تحفظي مدلولاتها يعني على ماذا تدل لانه الاسئله اختياري مافي مقالي
وبالنسبه للعربي نفس الكلام طبعا درسنا الاجزاء الاولى من الكتب لسى ما دخلنا للعميق وبالذات في العربي
اما بالنسبه للرياضيات فانا ماجيت من اول بس المحاضره عسل وشرحها ممتاز اسمها غاده مطر واستعدت تشرح للجميع في اوقات فراغها وحددت ايام بس اتاكد منها واقولكم
طبعا المنهج سهل لحد الان بسهوله ينفهم لانه منهج المتوسط واول ثانوي هذا الي صار لليوم طبعا ركزت المحاضره على بعض الاشياء وقالت هذي مهمه وتجي في الامتحان وانا سجلتها كلها عشان اذا شريت الكتاب احددها مزبوط وانقلها لكم مع رقم الصفحات واتمنى التوفيق للجميع

[ana-to0ota]

ياااارييت تعلمونا بالتفصيل ايش صار انا من الشرقيه وما اقدر اجي جده

[*زهرة السوسن*]

المشاركة الأصلية كتبت بواسطة ام راكان هلا والله انا حضرت اليوم كان مره لخبطه في الغرف.. يعني انا جدولي رياضيات الغرفه 412 الدور الثاني دخلت كان لغه عربيه. وهي المفروض رياضيات.. بنسبه لي فاتني الأنجلش لأن انا كنت متأخره حضرت الرياضيات واللغه العربيه طبعا هم يشرحوا كل نقطه بشكل عام مو بشكل مفصل .. بس شرحهم واضح..هذا اللي عندي.. بس حاولي انك تجيييييين من بدري لأن مره زحمه في الشارع العام وعند البوابات.. وحاولي كمان ماتعتمدي على جدولك لأنهم مو ماشيين عليه الا اذا كان بينظموا كل شئ بكره ماادري عنهم.. وبلتوفيق للجميع.

ترى هموا ماشيين على الجدول....، اليوم أنا فتحت الجدول قبل ما أروح لقيت جدولي تغير الرياضيات والحاسب ، غيرولي المبنى ورقم الغرفة والشعبة ، كل وحدة ترجع تشيك على جدولها...

[ام روفا]

اليوم حضرت محاضرة لغة عربية كان مرة سهل وحضرت كمان انجليزي حلت معانا اليونت الاول بس ماشرحت كثيروبصراحة انا خايفة من الانجليزي لانه صعب والاستاذة ماشرحت اما الثقافة طبعا قال الدكتور لازم نذاكر من الكتاب ومانعتمد من الملخصات لانه تجي اسئلة من بين السطور فذاكروا الثقافة بتمعن

[اميرة الذوق]

حبيبتي الثقافه سهله مافيها شي وكمان الحاسب معلوماته مرت عليك والرياضيات والله صعبه علي امكن عشان من زمان مره عليها عشان كذا لا زم اذاكرها زين وبكره بداوم عشان العربي والانجليزي والعربي شفته سهل بأذن الله والانجليزي كمان صعب لاني نسيته ,وكمان انا زيك ماراح اقدر احضر الدوره كلها لظروفي بس بكره ,وأسأل الله انه يسهلها علينا اجمعين يارب .

[look at me]

اما انا
اول شي كان عندي ثقافة وطبعا ما فهمنا ولا شي لانه الدكتور كان صوته مو واضح
وطول المحاضر نقول مو واضح
وتاني محاضرة الانجليزي الاستاذه مرررررررة عسل اسمه لينا وشرحت اول يونت
وثالث محاضرة رياضيات كمان الاستاذه تجنن اسمه ايمان بعد كل شرح تسالن فهمته وترجع تعيد
وبعدين قولنالها خلاص عقلنا قفل قالت طيب خلاص وخرجنا

بس على التخطيط وايش نذاكر وايش ما نذاكر ما قالوا

[ليل وقمر]

توتا انتي معي في الأنجليزي بس مااعرفت ارسلك على الخاص

انا متابعه لكم بصمت الله يوفقكم

[عاشقة الذكريات]

تكفون ساعدونا انا ظروفي ماقدر اجي لجدة حنا متكلين على الله ثم على المنتدى

[برونز]

ياحلوكم والله يعطيكم العافيه تسلموووووووووون

بس الله يسعدكم أدونا أهم شي اللي معانا واللي مو معانا خاصة ف الرياضيات والانجلش والحاسب

كثيييييييييييرة مرة تخوف

الله يوفقكم يارب