لَا تَشْكُو لِلْنَّاس جُرْحَا أَنْت صَاحِبُه..لَا يَأْلَم الْجُرْح إِلَا مَن بِه أَلم

tariq_101 · 28-07-2010, 01:18 AM

جيت وش جآبك حبيبي !؟ من بعد طول المغيبي
ولا نآوي ياحبيبي تغرق الغرقآن آكثر !

تقـول اني ما اهمك يا بروده والله دمك
كنت فى عيني اضمك واتغزل بك واسهر

../

الي جابك هو حبي ولآ شي مستخبي !
يالي ساكن وسط قلبي ليه من حبي تنكر ؟

انت فى دنياك لاهي وعن حبيب القلب ساهي
التغلي مو تباهي حس في شوقي وتذكر

.. /

يادروب الحب صيحي ويادموع العين طيحي
صرت من بعده جريحي وقلبي عن غيره تسكر

روح يا طاير وقله قلبي فيه ألفين عله
الحياه بعده ممله وحالي من بعده تدهور

tariq_101 · 28-07-2010, 01:26 AM

من عذابي قلت لعيونك هلا
يا هلا بك يا عذابي يا هلا
ما يكفّي لوعتي بك من غلاك
رحت تبعد عن عيوني يا غلا
تحسب اني سالي مثلك وانا
في هواك الله حسيبك مبتلى
ما يسليني مكان ولا زمان
لا ولا غيرك حبيبِ لا ولا
قلبي الي ما يطيع لمن بغاه
من نظر عينك تعهّد بالولا
صار لك بالقلب مرباع ومصيف
يوم غيرك عن مرابيعه جلا
فيه لك مقيال عن حرّ الزمان
والدفا عن برد شمله بالخلا

tariq_101 · 28-07-2010, 05:33 PM

لا تجرحيني جرحك العام ما طاب .. داوي بحنانك ما مضى واجرحيني
يلي حنانك نظرة بين الاهــــداب .. ردي علي بعض العزا ناظرينــــــي
خافي على قلب يحبك الى ذاب .. ذاب الهوى في خفقته والحنيني
لولاك ما زار القمر ليل الاحبــــاب .. ولا لوحت شمس المحبة جبيني
لولاك ما يلفي على الدار غيــاب .. ولا تبكي اللي فارق الدار عيني
في غيبتك كل الملا عندي اغراب .. محد ابي قربة ولا احد يبينــــي
لا ياغلى كل القرابة والاحبـــاب .. ضاع العدل في الناس لو تظلمي

tariq_101 · 28-07-2010, 05:43 PM

ياجود أنا قلبي لهوف.. على الليالي المقبلة..
أخاف تطري لك ظروف..وأخاف حبي تجهله..
وأخاف أنا عينك تشوف.. غيري وحسنك يذهله...
واحد أنا ضمن الألوف..منك الوداد أتأمله..

tariq_101 · 28-07-2010, 05:50 PM

أبسألك ياطبيب الحب...... سؤال وأبغى إفاداته
اللي رسب في إمتحان الحب.... يعيد والا الهوى فاته

الرد...

اللي رسب في إمتحان الحب .. يكتب صفر في سجلاته
لاله مداوي ولاله طب ..محروم من الحب ولذاته ..

tariq_101 · 31-07-2010, 11:06 PM

أحببت أن أنزل بعض الأغاز التي حاولت جمعها وهاهي الأغاز في الأسفل (بلا أجوبة)

اللغز الأول:
ما هو الشيء الذي تأكل منه مع أنه لا يؤكل؟!!!

اللغز الثاني:
ما هو الشيء الذي إذا جمعته ( حصى ) وإذا تركته ( مشى ) وإذا طبخته ( عشاء)؟؟؟!!

اللغز الثالث:
ما هو الشيء الذي تحت قدمك إذا قطعت رأسه أصبح في فمك!!!؟

اللغز الرابع:
ما هو الشيء الذي يسكن الجبال, ويجلس مع الرجال, ويلبس لبس النساء !!!؟