~ خِبرآتكم مَع أستاذآت التحَضِيريْ ،*

[l 3HOUD l]

السلآم عليكم..

موضوع حلوو جآآ بوقته

بس اللحين الاستاذات اللي ذكرتوهم لفرع السلامه او السليمانيه ؟؟ :/

[HOF]

http://www.skaau.com/vb/showthread.php?t=712312

^

هنا فيه بنات كاتبين تجاربهم مع الاستاذات , ان شاء الله تستفيدو

[smoor..]

و عليكم السلام و رحمة الله و بركاته :

خطة (أ)
1 - اللغة العربية : درستني استاذة سلوى بابطين .. ممتازهه و شرحها ححلو بسس المحاضره ممله شوي بسس لاني م كنت احب العربي بصفه عامه بسس هيا ممتازه و تراعي ف الحضور و التاخير و تدي بونس ف النهائي و ف التاخير اهم شي م تتاخرين اكثر من ربع ساعهه ~
2 - الثقافه الاسلامية : درستني حنان الوجيه .. اش اقول و ايش اخلي :( عسسل عسسل محاضرتها من امتع م يكون تححب تقول قصص تسسولف معانا دايم مثقفه مررهه م شاء الله متعاونهه بشوشه ي بخخت اللي بتدرس معاها
3 - الرياضيات : درستني سها حمدان بس نسيت اسمها كامل .. ممتازه و تحب البنت اللي تسألها و تزعل اذا فيه احد مو فاهم و م سألها مرره تراععي و اخر الترم م كانت تاخذ الحضور و تدي بونسس لحد يفوتها مرره عسسل
4 الحاسب : درستني تهاني المشدق .. شرحهها ممتاز و هي اخلاق مرره بسس ي ويلكك جوالك يدق ف المحاضره و الا تكلمتي مع اللي جنبك : )

خطة (ب)
1 - احصاء : درستني جمالات الجابري.. مررهه طيبهه بس شرحها لك عليهه بسس كويسه اهم شي بعد كل محاضره تراجعين اللي ادتكم اياه .. تدي بونسس و تاخذ حضور بسس م تحسبه تدي بونسس كثير
2 - مهارات تفكير : اخذته مع اسماء الخوجي . تجنن و شرححها ممتاز مرره
3 - مهارات اتصال : درستني اميره النمر .. م شاء الله ع هالانسسانه تجننن تجننن نشيططهه فاهمه و عارفه هي اش تدرسس ممتازههه مررهه محااضرتها ممتعهه مرهه كريممه ف الدرجات و ترا هي من اللي كتبوا الكتاب تبع المادهه


الانقلش
ليفل 2 : سارة الجهني .. ي بخت اللي بتاخذ معاها الانقلش منتظمه و نظاميه جدن تحرص انها تفهمك كويس و هي اصلا ممتازه تفهمين معاها بدون حوسسه
ليفل 3 : حنين بس نسيت اسمها كامل الله يسعدها زي م سهلت علينا المادهه تعطيك المختصر المفيد متساهله مع البنات بسس اسمعوا كلامها كويسس و لحد يزعلها
ليفل 4 : درستني انجي و دلال با حنشل كلهمم جميلين مرهه .. انجي نشيطه متعاونه احسسها اكثر وحده طورت لغتي م عمري حسيت معاها بالملل محاضرتها مرهه ممتعه و دلال باحنشل نظاميه و تفهم مرهه محاضرتها ححلوهه و دايم تحب تسولف معانا و تسمع لنا كثير الله يسعدها

+
موفقين ي ررب ~

[نحو التميز]

أهلا وعليكم السلام ورحمة الله وبركآته ~
نبدأ بسم الله :

مادة الرياضيات ----> استاذة سهآ حمدآان
استآذة رائعة بكل ما تعنية الكلمة من شرح وأسلوب واخلاق ورُقي في التعامل
كل همهآ انها تفهم الطالبة وتعيد الشرح حتى لو كانت طالبة وحدة مش فاهمة جزئية معينة
لكن مشكلتي إني اهملت الرياضيات فـ درجتي فيهآ مش ولابد

*
مادة الثقافة الإسلامية ----> الآستاذة نجاح بنجابي
ماعليهآ استاذة جيدة لكن كانت شديدة في التحضير و التأخير

*
مآدة اللغة العربية ---> الآستاذة عائشة بآوزير
استاذة رآئعة من شششّرح واسلوب وخفيفة دم
وتعطيك المهم وتسوي مرآجعة قبل الإختبارات
بصرآحة انا كنت احب العربي ف كآنت سهلة بالنسسبة لي

*
مآدة الحاسب الآلي ---> الآستاذة خلود زين العابدين
استاذة جيدة ما عليهآ كلآم ما حبيتهآ وما حبيت المنهج من الآساس
شدييدة في التأخير

*


*
مادة الإحصاء ---> انا في الآساس كنت عند خديجة .... ( نسيت لقبهآ )
ما حبيتهآ
فكنت احضر عن استاذة اسمها لبنى الطيب ---> شرحهآ رائع وبطل
انتي لو بسس تنتبهين في الشرح وتكتبين الأمثلة وطبعا المذاكرة اضمن لك الفل مآرك

++

اعتذر مآ ذكرت مهارة الإتصال ولا مآدة مهارة التفكير
لآني نسييتهم والله

[L-y-h]

بنات الي كتبت تجاربها بليز تقول باي فرع
بوفقكم ربي ويسعدكم

[wejdan ali]

...

انا درست الاحصاء عند لبنى الطيب
الصراحة انسانة تفهههههههههم ومرا طيبة طيبة
ودرستني نص الترم الاء شاولي انا اشوف لو تروحي شعبة تانية افضل منها مرا شرحها سيء

الرياضيات سحر معرف ايه شرحها مش ولا بد اذا شافت الاغلبية فاهمة خلاص تمشي وبنات الادبي ماتديهم حقهم
بحكم انو الرياضيات عندنا مو ذاك الشي

العربي امممم سناء الاحمدي مرا كويسة بس لاتلعبي معاها في الغياب

الثقافة عبير ابو الطاهر تفهمك نفس المنهج ومايحتاج شطارة شرح حفظ هوا
وكمن ذي الغياب ما تمشي فيه على طول تدي انذار

الحاسب عند وحده لقبها الوافي نسيت اسمها شرحها هادي وبسيط صراحة
وهالمادة بالذات ما افضل تغيبي ابدا لازم لازم تشوفي تطبيق الاستاذة قدامك

الاتصال عند حسناء دي الاستاذة مممممتعة وتفيددددك جدا جدا
والتفكير هند البادي شرحها كلو على شرايح وبس ما تفهم

هالمادتين قد ماتقدرو جيبو فيها درجات اسهل مادتين


^ الكلام دا لطالبات السليمانية

[ALFN]

المشاركة الأصلية كتبت بواسطة smoor.. 4 الحاسب : درستني تهاني المشدق .. شرحهها ممتاز و هي اخلاق مرره بسس ي ويلكك جوالك يدق ف المحاضره و الا تكلمتي مع اللي جنبك : )

ههههههههههههههههههههههههههههههههههههههههه

شكلك كنتي معايا ..

ياااماا قفطتني

هيا شرحها كويس وطيوبة

لكن فجاه تعاملنا كأننا بزوره وتعصب

[L-y-h]

ابغى اسأل عن
رنا باكوبن احصاء
كيف كويسه ؟؟
الله يسعدكم جاوبوني

[HOF]

^

+1

مين يعرفها ؟

[رسامه]

خلصت التحضيري وبحكيلكم تجربتي
حاسب /اريج الصاعدي( مو قد كذا شرحها مو تمام بس الحمدلله مشيت معاها بحكم انو الحاسب سهل)
عربي/ عزيزة السلمي (لا شرح ولاشخصيه)
ثقافة/ حنان .....نسيت لقبها (مره كويسه)
احصاء/جمالات (مشهوره ب كره البنات لها-شرح معفن)
تفكير/وسام باسبعين (عسل -بس تشرح اي كلام )
اتصال/ غيداء الجويسر(طيبه - بس شرحها مش ولابد )
انقلش/
هبه حمدي :عسسسسسسسوله وشرحها مره كويسه وبشوشه وحبوبه
هبه طيبه: تعاملها مش كويس-شرحها عادي بس مايعجبني
عبير فريد:مرررره مره كويسسه مصريه بس ماتتكلم معنا عربي
رولين جلو: كويسه في شرحها بس شديدة حبتين
خلود العبسي: هذي انتحروا اذا صرتوا معاها مااااتششششرح ورسبت معاها مع انو درستني مستوى2 المستوى سهل بس هيا ماكانت تشرح ربي حسيبها

اختم باخر وحده واحسن استاذة شفتها عسسسسسسسسسل وتحببك بشيء اسمو انقلش (حنان سامي عرابي) شرحها يجنن اسلوبها يجنن فرفوشيه وحبوبه تحب تضحكنا وتغير جو الكلاس المهم مررررررره عسسسسلللللل ماحبيت الانقلش ولا استفدت من دراستي الا معاها اسجدوا شكر لو درستكم