ماجستير 1439-1440 احياء نبات

[B2011]

نعم صحيح زي ماتفضلت وشرحت

انا استفسرت فقط بناء على ردك السابق استغربت مو معقول يغيرو الانظمة

في يوم وليلة خصوصا اذا الموضوع متعلق بمكافئة الطلبة

اتمنى الاعضاء يشاركونا في هذا الموضوع ويستمر او اي احد بيدرس ماجستير احياء يجي يشاركنا هنا

نفيد ونستفيد او ايضا لو فيه متخرجين سابقين للتخصص يحكو لنا عن مسيرتهم الدراسية

نبي الموضوع يتفاعل

[شروق باوجيه]

السلام عليكم
في حاجة حيرتني لا والله جننتني دحين دراسة الماستر تكون على حسبب التخصص يعني مثلا انا ادرس ال15 مادة حق النبات الي مدرجة في دليل البرنامج ، ولا ندرس عام سنتين بعدين نتخصص ؟؟؟؟

لانو كل يوم فوق ال4 ساعات وانا افرفر في النت ابى اشوف كيف تكون دراسة احياء نبات مافي ولا موضوع حتى في الموقع !!!!!!!!! فين القى ناس قد درسو او قاعدين يدرسو ماجستير احياء نبات

جزاكم الله خير ...

[B2011]

المشاركة الأصلية كتبت بواسطة شروق باوجيه السلام عليكم في حاجة حيرتني لا والله جننتني دحين دراسة الماستر تكون على حسبب التخصص يعني مثلا انا ادرس ال15 مادة حق النبات الي مدرجة في دليل البرنامج ، ولا ندرس عام سنتين بعدين نتخصص ؟؟؟؟ لانو كل يوم فوق ال4 ساعات وانا افرفر في النت ابى اشوف كيف تكون دراسة احياء نبات مافي ولا موضوع حتى في الموقع !!!!!!!!! فين القى ناس قد درسو او قاعدين يدرسو ماجستير احياء نبات جزاكم الله خير ...

وعليكم السلام

لاتحتاري ولا تتجنني الموضوع أبسط من صب الشاي في الفناجيل

شوية رواقة شوية هدوء راح تفهمي الموضوع

أول شي معنى الوحدة أو الوحدات هو الساعات وليس المواد

المطلوب لاجتياز ماجستير أحياء 33 وحدة معتمدة بمعنى 33 ساعة

أول شي ندرس ( عام ) 10 وحدات مدته ترم واحد (فصل دراسي واحد ) مو سنتين !!
ثاني شي نختار مسار حيوان او نبات او بطيخ الي يكون 15 وحدة = 15 ساعة
مدتها فصلين دراسية يعني سنة كاملة
ثالث شي نهاية الفلم تحضير الرسالة 8 وحدات = 8 ساعات الترم الاخير

10 وحدات + 15 + 8 = 33 وحدة في مدة سنتين ونقول وقتها ألف مبروك

للتوضيح بشكل تفصيلي

10 وحدات العام سموه عام لأن بيدرسة مجموعة طلاب بشكل اجباري نفترض عددهم 20 طالب لمدة ترم واحد

بعد هذا الترم ال 20 طالب ينطشوا على مسارات الي يبغا يدرس حيوان او نبات او احياء دقيقة بحيث يدرس بكل مسار 3 طلاب او 5 المهم

نفترض اخترت دراسة مسار نبات 15 وحدة (( اختياري )) يعني 15 ساعة انا اختارها بين مواد كثيرة تحت مسار النبات

بس مانتعدى ال 15 ساعة تتقسم على ترمين او فصلين دراسية

وبعدها الرسالة 8 ساعات واتخرج

هذي كل الحكاية

[B2011]

بالنسبة انك جالسة تبحثي عن مواضيع لناس يدرسوا ماجستير

اتوقع النشاط كله والمواضيع كلها لاصحاب البكالوريوس والسبب ان البكالوريوس اصعب من الماجستير

وطلابه اكثر لانه هو الطريق للوظيفة والماجستير يعتير شي بسيط او مكمل او شهادة تعليم متوسطة

بس للاسف هنا في جامعاتنا معطين الماجستير على اساس انه شي مرة كبير والدليل على كلامي تعقيد وتصعيب جامعاتنا في شروط القبول

باختلاف سهولة الشروط في سوريا زمان او الاردن او مصر

لذلك لاتتعبي حالك في البحث

الصعوبة عندنا في القبول وليس في صعوبة التدريس وسهولته

زي ماقلت لك البكالوريوس اصعب من الماجستير لان الواحد يجلس يصارع 4 سنين او 5 سنين عشان معدله مايطيح

الماجستير المعدل يعتمد بس على سنة ونص من دراستك للمقررات حتى الرسالة مايدخلوها في حساب المعدل

ولايكتب المعدل في شهادة التخرج فقط يكتب مجتاز او اجتاز

باختصار الماجستير يعطي ريفرش ويقوي المعلومات القديمة من البكاللوريوس ويضيف فوقها كم معلومة والسلام

[Bo_1413]

شكراً لطرحك للموضوع واتمنى يكون تجمع للمتقدمين والمتقدمات لماستر النبات ..
انا احدى المتقدمات ويارب يكتب لنا القبول ..
نبغى نعرف على كم وقفت النسب السنة الماضية للبـــنــات ؟؟

[شروق باوجيه]

B2011 يديك العافية على الشرح رائع اسلوبك حلو في الشرح لازم يدرس بحسب ما سألت انو الماستر اصعب لانو يعتمد على مزاج مشرفك بس ربي يوفقك ، من جد ماهي مهمة في سيرتي طيب كيف لما نقدم يسألو اذا معاك ماستر او لا ؟؟؟
بالنسبة لنقطة القبول تعال شوف جامعة ام القرى جامعة الملك عبدالعزيز ملاك جنبها
في الاخير كول واحد مايأخذ الا المكتوب لو وربي ينالو الجميع مبتغاه ...

[B2011]

المشاركة الأصلية كتبت بواسطة bo_1413 شكراً لطرحك للموضوع واتمنى يكون تجمع للمتقدمين والمتقدمات لماستر النبات .. انا احدى المتقدمات ويارب يكتب لنا القبول .. نبغى نعرف على كم وقفت النسب السنة الماضية للبـــنــات ؟؟

حياك الله يا ضيفتنا الكريمة بالموضوع

الله يسمع منك ان شاءالله يقبلوكم جميعا

بالنسبة للسنة الماضية ماعندي خبر والله واضح مافي تفاعل ولا فيه مساعدة من الطلبة الي سبقونا

لكن نوكل امرنا لله ونتفائل وان شاءالله خير سواء انقبلنا او ماانقبلنا الخيرة بيد الله

[B2011]

المشاركة الأصلية كتبت بواسطة شروق باوجيه B2011 يديك العافية على الشرح رائع اسلوبك حلو في الشرح لازم يدرس بحسب ما سألت انو الماستر اصعب لانو يعتمد على مزاج مشرفك بس ربي يوفقك ، من جد ماهي مهمة في سيرتي طيب كيف لما نقدم يسألو اذا معاك ماستر او لا ؟؟؟ بالنسبة لنقطة القبول تعال شوف جامعة ام القرى جامعة الملك عبدالعزيز ملاك جنبها في الاخير كول واحد مايأخذ الا المكتوب لو وربي ينالو الجميع مبتغاه ...

الله يعافيك وشكرا على الاطراء والله اني من جنبها في الشرح

عشان كذا الله ماكتب لي وظيفة في القطاع التعليمي << بس اهم شي وصلت الفكرة لك

والله يوفق الجميع ان شاء الله بالنسبة للي يقول الماجستير اصعب اتوقع هذا شخص عشانه اخذ الماجستير وخلص حط رجل على رجل

فحب يعزف الالحان ويقول احلى الكلام بس والله فعليا الماجستير (( مويه ))

وهذا كلام مو من راسي عندي زملاء اثنين يدرسوا احياء في جامعة عزوز والله مبسوطين مع الدكاترة صح فيه ضغط معلومات

لكن امورهم ماشية ومعدلاتهم عالية في الماجستير وهذا هم عندهم عيال ومسؤوليات

ونفس الشي عندي زملاء في جامعة سعود معدلاتهم عالية بالماجستير واذا تخرجوا من الماجستير

نفخوا صدورهم وقالوا احنا عانينا وسوينا واخترعنا والله العالم كيف حضروا الرسالة

اما بالنسبة لنقطة المشرف ومزاجيته هذي انتهى وقتها الحين المشرف مستعد يخرج طلاب خصوصا اذا كان جديد

عشان هذا الشي يضاف له في ال cv حقه وغير كذا جامعة عزوز الواحد يقدر ينسق مع مشرفين واحد اساسي والثاني يكمل

في حال المشرف الاول صارت له ظروف هذي الحركة سواها واحد من الشباب << طبعا الجامعة ماتوضح هذا الشي

عشان كذا جامعة عزوز تعتبر ملاك على قولتك فيها شوية مرونة مقارنة بغيرها من الجامعات

[Bo_1413]

على كم وقفة النسب العام _ ( احياء نبات - طالبات ) ؟؟؟

[Bo_1413]

للرفع