الكل محتقن لتأخر الرصد ، بالتالي تعالوا نرفه شوي عن أنفسنا هنا :-)

[عبدالله>>>>]

ياراكب اللي ما عليها دركسون
واليا مشت كن الدركسون فيها

[طلال275]

من الناس ميت وهو حي بذكره وحي وهو عند الناس ميت

[ابـو بـدر]

سلط على الدخان لو هو مضري
له حزةٍ عند إحتكام المصبه

[عبدالله>>>>]

يا رب عبدٍ راس ماله تميسه
ماغير يقطف من طرفها ويدعيك

[ابـو بـدر]

ياراشد الدنيا حظوظ وتوافيق
والعبد ماله غير ما الله قسم له
حقك علينا لاطرقنا الطواريق
اصعب طواريق الشعر نحتزم له
نرضي مخاليقٍ ونزعل مخاليق
ولاننوخها على بيت نمله
اهم شي طويق وبناخي طويق
اثنين يفداهم من الناس جمله
الفوز برضى هالثنتين المطاليق
يسوى من العملات عمله وعمله
والا ان بيبان الضماير مغاليق
ولا كل وجهٍ يبتسم نبتسم له
وانا معاهد والعهد له مواثيق
اني لا احفظ له الوفا والتزم له
ياكثر مافرج عليه من الضيق
مواقفه بس حزة الضيق جمله
مناكبه للحمل فيها معاليق
يوم ان غيره ياالله يشيل حمله

[Moshari]

هيييييييييييييه خلووووووووووووووووووووهااا خلووووووووووووووهاااا ههههههههههههههه

[عبدالله>>>>]

لاح بارق غيمها والتعج راعد
وحدر الوادي هماليل ماطرها
مالها غير الغلا عندنا شاهد
كلمةٍ بأسم المحبة نسطرها
دام فيض اشواقها جوه يساعد
جيت ادرجها علي طيب خاطرها

[القايدي]

ايش حيلتي غيـر انتظر رصدها 000 فيـــن الذي يرصـد لنـا الدرجــات
لاتقتــل الفرحة وهي في مهدها 000 ملينا الصبـر والشكـوى والاهـات
مرت الايــام نحســــبها ونعـدها 000 وننتظر بكرة ونلقـــى الوقت فات
يتجدد الامل والعيـن مقدر الدها 000 تناظــر الاودس بليا مستجــــدات
ايها المسـئول فيـــــن يدك مدها 000 عطني الوعد بالنســــبة للجايات
هـذة حروفــي والاســـى مدادها 000 ايها المسئول قلي متى الدرجـات

[عبدالله محمد الاهدل]

دنيا غريبه تحتوي كل منطوق = الطيب يفعل والبشر تستغله
دنيا ولكن وسطها الف طاروق = واختار طرق لصاحبك مايمله
الي يجامل صاحبه يعتلي فوق = والي يحب الصدق ياخذ مذله
ماكني الا شي ماني بمخلوق = يوم اني اخطي دون قصدن وعله
ليه العذر خيبه ولا كنه بذوقك = تحسب لي الزله بمليون زله
من هو ليا من غاب يطريله الشوق = يالي تعاتب قلب حطك محله

[عبدالله محمد الاهدل]

طلبتك يا زمن ودي بجوله = تعود وارجع لسن الطفوله
طفل نبظه مع الالعاب لاهي = ولا يدري وش الي صار حوله
ماهو مثل الذي عايش حياته = غريب وينتظر لحظة وصوله
اعيش بدنيتي وان طال همي = يضيق الخاطر ان غابت حلوله
ولا من جدت اوقات الشدايد = يبين معدن الي به رجوله
انا في داخلي قلبن تعنى = يتيمن ما لقى احدن يعوله
وانا يا مكثر الاصحاب عندي = واذا قلبي يبيهم ما يجوله
وانا في دنيتي شفت العجايب = خلايق باعت الطيب بسهوله
بنيت اسمي وغيري صار تاجر = مع الافكار ما عندي سيوله