ممكن سؤال عن cs 101 ؟؟

[mind glance]

أختي noga4islam
شكرا لك على طرحك للموضوع
لأني انا كمان استفدت من المعلومات اللي قالوها الاعضاء
وشكرا لهم طبعا
وانا مثلك رح اخذ cs101 & math102
الترم الجاي ؛ )

[noga4islam]

دوم إن شاء الله نستفيد و نفيد ..
وهذا ميزة هذا المنتدى الرائع ماشاء الله ..
جد والله كثير بنستفيد ويارب نفيد أكثر و أكثر ..
أشكرك أختي وبالتوفيق لك ولنا جميعا :)

[DES13]

لا تخافي الكتاب ما حيتغير إلا بعد فترة طويلة لأنهم جعلوه مقرر قبل سنتين بس
و جامعتنا مو مرة متطورة علشان كل سنتين تغير كتاب !!

[noga4islam]

الله يخلي جامعتنا يارب :)
بس عندي مشكلة صغيرة ..............
ماني عارفة وين ألقى الكتاب ..
سألت في جرير قالوا ماعندهم ..
إذا أحد يعرف فين يتباع أتمنى أنه يفيدني :)
وشكرا جزيلا لكم على اهتمامكم :)

[DES13]

الكتاب يتباع بدار المريخ , بشارع الستين قبل الإسكان عند مشروع الكبري إلي مو راضي يخلص...
ودمتم سالمين

[noga4islam]

مشكور والله ماقصرت :)
جزاك الله 1000 خير :)
شـــــــــكـــــــــــرا جــــــــزيــــــــــــــلا :)

[smile flower]

بالتوفيق صديقاتي واي سؤال نقدر نجاوب عليه اكيد ما راح نتأخر..
محبتي...

[noga4islam]

جزاكم الله 1000 خير جميعا :)
1000 شكر لاهتمامكم :)
جد والله ساعدتوني والحمدلله اشتريت الكتاب من دار المريخ :)
شكر خاص لمن ساعدوني لمعرفة اسم الكتاب وأين يباع :)
وأكيد ما نستغني عن مساعتدكم أي سؤال عندي بتلاقوني منزلته أول بأول :)
و 1000 شكر لهذا المنتدى الرائع وكل القائمين عليه الله يعطيكم العافية يارب :)
مع خالص تقديري .........

[BluexBlue]

السلام عليكم

بالنسبة للكتاب موجود في المريخ وجرير .. وكويس اشتريتيه .. ولو انه غالي مرة

المهم الآن .. لا توجعي راسك بكلام المثبطين ..

انا اخدت مادة Cs 101 وأخدت فيها علامة عالية جدا بسهولة ..

اللي يضايقني فعلا في الطلاب .. انهم يدخلو الجامعة ويتنقلو بين مليون تخصص .. وما يعرفوا شي عن هذا ولا ذاك ..

المحك الحقيقي هو انتي شو بدك .. شايفة نفسك في أي تخصص ؟؟

لما تاخذي بكلام اللي يقلك هذا صعب وهذاك مستحيل .. حتتكلي على دا الكلام وممكن يأثر على دراستك .. واذا اخذتي علامة قليلة في النهاية - لا سمح الله - حتقولي مو مشكلة اصلا المادة صعبة !!

انتبهي للي تاخذي من كلامهم .. احسن ما يعطيك مفعول عكسي ..

أما موضوع الانجليزي .. فهذا الله يعين شبابنا .. لأنه المفترض هذا أمر مفروغ منه .. الدنيا كلها انجليزي .. الدراسة .. النت .. كله صار انجليزي .. فاللي ما يلحق نفسه الآن .. حيكون عدو نفسه ..

واسف عالإطالة ..