حسبي الله ونعم الوكيل _ منع المنتسبين من الوظائف التعليمية حتى تخصص اللغة الإنجليزية

[المحروم..@]

المشاركة الأصلية كتبت بواسطة عمااد الغامدي اسال الله ينكد عليهم زي ما نكدو عليه وسهروني للحين افكر محكوم علينى بلعنى والعسكريه الله لا يعيدها وتدرون العلم وش هو اقطع يدي يا شيخ اذا ما كان وزارة الدفاع والطيران وايضا الداخليه لهم يد في الموضوع وذاللك لان معظم موضفي وزارة الدفاع والطيران بلبل انجليزي فكملو دراستهم وضربو الباب مع الرجاجيل والداخليه بعد بس الحمدلله يمين ودين لاكمل ومودالتعليم بس هو اللي مفيد غيرها كثير والله سبحانه بييسر الامور من عنده بس اهم شي لا احد يضعف منكم شباب العلم ولا غير العلم وحسبنى الله ونعم الوكيل

لا اعتقد لان العسكرية المتقدمين فيها كثير

[المحروم..@]

شباب انا توني متخرج تنصحوني اقدم على الدبلوم التربوي ولا لا ... خاصة ان الشباب اللي درسوا يسبون طريقة الدراسة وطول وقتها وتعقيدهم بالحضور والانصراف وايضا ما ابي اكسبهم 13 الف ريال

[نص دافور]

والله يا أخوان اذكر قصة قبل ممكن 4 او 5 سنوات

طالبات راحو يقدمون على الجامعة ، فردوهم مافي قبول وسكرو الباب في وجههم المهم تجمعو البنات كلهم وصارو يدقون الباب مافتحو كسرو الشبابيك وكسرو الباب ،،،

المسؤولات عن القبول اتصلو بالشرطة وحضرت بالفعل قالو البنات مانروح من هنا حتى نقدم مافينا نقص عن غيرنا ،،،

بلغو الداخلية وصلت للملك السالفة ، رد الملك الله يطول بعمره اثلج صدور الطالبات وصدورنا وربي

قال كيف تسكرون الباب في وجه الشعب ، واصدر امر يتم قبولهم كلهم فوراً بدون قيد او شرط .

والله لو اني متخرج حالياً يشهد الله ما خلي طريقة نظاميه او غير نظاميه لين اسويها ،

احنا يوم قدمنا انتساب كاتبين التدريس من ظمن الوظائف اللي يشملها الانتساب انجليزي .

ولو حبو يغيرو النظام لابد من عمليتين يسونها :

الأولى : ابلاغ كل متقدم جديد عند التسجيل بأن الانتساب لا يدرس ولا يقبل في التربية والتعليم .

الثانية : القرار ما يمشي على اللي سجل سابقاً ودرس وباقي شوي ويتخرج ، يتعامل معاملة الذين سبقوهم واتخرجو .

هذا الأمر في كل دوله وفي كل وزارة وفي كل ادارة .

شوفو حل لكم ، تجمعو عدد كبير وبلغو جريدة سبق وجريدة الرياض وجريدة عكاظ ، وروحو للتعليم وروحو للخدمة وروحو لكل محل ممكن يجيب نتيجة

ماشفتو نتيجة روحو لوزير التعليم ماشفتو نتيجة روحو للملك طول الله عمره ما حد يمنعكم معكم حق وحق شرعي بعدين .

الوضع أشبه ما يكون كالذي باع سلعه واستلم الثمن ولم يسلم السلعة .

باعو لنا الدراسة ودفعنا ثمنها ودرسنا وهم استلمو ثمن تعليمنا والتعب والجهد والسهر وفي النهاية لم يسلمونا الوظيفة .

[nonamoha]

المشاركة الأصلية كتبت بواسطة محمد مشعل السلام عليكم. أدري إنه ترم صيفي وعلى وجه شهر مبارك. وماودي أضيق خلقكم لكن ما أقول إلا حسبي الله ونعم الوكيل . مصدر الخبر.http://sabq.org/yq7fde

سبحان الله يتم التوظيف بالدبلوم ويجحف حق حملة البكالريوس

[boss911]

يعني صارت شهادة الانتساب مثل الشهادات المزورة والغير معترف فيها
شر البليه مايضحك طيب المفروض يتقفل باب الانتساب وبلاش سرقة وخداع للشباب ماراح اتكلم عن معاناة طلاب الانتساب فالله اعلم بها ولن يضيع
تعبهم واموالهم واحلامهم المصيبة ان اغلب الشركات وباقي الجهات الحكومية راح تتخذ نفس الاجراء بحجة هذا القرار الظالم والعدواني
غير التبعات الاجتماعية الخطيرة لمثل هالقرارت لكن مانقول الا حسبنا الله ونعم الوكيل والله لايبلغ اصحاب القرار رمضان يارب العالمين

[المحروم..@]

للرفع

[محمد مشعل]

المشاركة الأصلية كتبت بواسطة المحروم..@ افا يا محمد مشعل .. انت كنت تطمني قبل اسبوع ..لاحول ولا فوة الابالله

والله ياخوك كنت أطمن نفسي قبلك وكنت أشوف إنه مستحيل ها لأمر لتخصص اللغة وبالذات إن الإحتياج كبير .الدراسة مع التربوي تكلف حدود 50000 ألف ريال ويمكن تزود بأي حق تسلب هذه المبالغ وبعدين ياناس وزير التربية والتعليم براسه ماعنده شهادة تناسب التعليم الرجال شايلينه من العسكرية ( يعني أعلى شهادة عنده ماجستير أو دكتوراه لكن علوم عسكرية ) وحاطينه وزير التربية والتعليم واليوم يصدر أنظمه ويشترط إنتظام كلي طيب طال عمرك أنت تحت أي نظام جيت لاتحلل لنفسك وتحرم لغيرك ياوزيرنا المبارك

[فطيس]

الله يعوض خيرا

[asim]

وزير التربية عنده بكالريوس إدارة بدون تربوي ولا قياس
يعني نحن أعلى منه في المؤهل العلمي .

[محمد مشعل]

المشاركة الأصلية كتبت بواسطة asim وزير التربية عنده بكالريوس إدارة بدون تربوي ولا قياس يعني نحن أعلى منه في المؤهل العلمي .

مادري عنه وعن شهادته لكن بالعادة الضباط يتخرجون من الكليات العسكرية بمؤهل بكالريوس علوم عسكرية وإللي يكمل دراسته لدرجات أعلى تكون في التخصصات الفرعية للعلوم العسكرية

وأنا ماشلت هم منصب الوزارة ولا الشهادة ولا علي من تعيينه في الوزراة مناسب أو لا


أنا مستغرب بس يوم تعيينه بطريقة مالها أي نظام واليوم يحط أنظمة وشروط للتعيين


صار يعرف النظام ألحين

والمشكلة لو كان للنظام مبرر ممكن الواحد يتقبل يعني لو حطوا معدل معين للقبول نقدر نقول يبحثون عن الشخص المناسب للتعليم

لكن لايوجد أي مبرر في المنع النهائي

بكالريوس ومعدل ممتاز وترم تربوي موجود وإختبار كفايات للمعلمين وإجتياز وش باقي بعد

كل الشروط مستوفاه ولا يوجد مبرر مقنع لها القرار