ابغى رايكم . كل التخصصات مرررة مو ميولي .. ومرررة مو متقبلة ولا تخصص :(

[برآءة حروف]

السلام عليكم ورحمة الله وبركاته

كيف الحال ..!

ترددت كثير قبل مااكتب الموضوع .. وها انا اكتبه
ابغى رايكم في التخصصات

انا دحين مررررة مااحب اللغة العربية وعلم الاجتماع والانجليزي وعلم المعلومات واعلام وثقافة وتاريخ و.....

يعني انا مااحب الحفظ .. الفهم عندي اهوووون بكثير .. اموت في مواد العلمي .. وانا متخرجة علمي السنة اللي فاتت

واستخرت قبل مااسجل في الجامعة .. وربي يسرلي الانتساب وسجلت (بعد بكاء وحزن وكئابة .. وحالة مستعصية )

ودي ياانو اتخصص حاسب (احلمي) .. والا فنون .. والا تصاميم ديكور .. بس احب الهندسة المعمارية << برآآآآآآآآآآآآ
احسكم بتشوتوني من المنتدى

يعني دحين ايش شايفين احسن تخصص بالنسبة ليا .. ادري بتقولون انتي ايش تفضلي
انا دخلت انتساب عشان افلهااااا وبلا هم ودراسة ووجع قلب لانو مااحب اكون مجبورة على اشياء .. احب اكون حررة
وكمان قلت اتخصص ادارة عامة (مسار عام) .. بس دحين لما شفت موادها مرررة مو داخلة مخي
قانون ومحاسبة وخرابيط

مع اني احب الحساب << انقلبي وجهك

يعني دحين اتوكل على ربي وادخل ادارة عامة مسار عام والا مايصلحلي ..!
رايكم ربي يسعدكم .. ياليت كمان اللي تخصصوا ادارة عامة (مسار عام) يدخلوا ويقولوا كيف الدراسة :)

ايوا صح .. انا معدلي 3.54 (دمراااااان زي وجهي)

يلا بالتوفيق للجميع .. ربي يحفظكم
تحيتي

^^