بعد حذف التجمع ارجو اعاده التفكير

[Bo0oZy]

انا اشوف انو احنا فعلا ً اتمادينا .. فعلا كل المواضيع . نخشها نبغا نستفيد .. نلاقيها مقلوووبة شات وكل واحد يقص قصة حياته .. وفي النهاية الفايدة من الموضوع ضاعت ... هادا غير انو ممكن تلاقيها انقلبت مشاكل ومضاربات ومشاحنات !!


وعلى قولة الاخ ناصر

هادا منتدى اكاديمي .. مو منتدى زي المنتديات الباقية عشان كل واحد يتكلم على كيفو ويقصلنا قصص الف ليلة وليلة !!



مشكور اخي العزيز ناصر .. وان شاء الله نحاول الالتزام بهذه القوانين .. واعذرنا اذا قصرنا ..

يعني احيانا ً الواحد لا تلقائيا ً .. يتكلم عن اشياء مالها دخل في الموضوع من باب الاثارة والتشويق للموضوع ..


ومتأسفين اقين

وفي امكانية نفتح موضوع زي الشات ؟؟ عشان خلاص كل واحد في راسو هرج يروح هناك ويهرج .. وتوصل المشاركات بالالاف ان شاء الله ..

ايش رأيك في اقتراحي المتواضع ؟؟

[كفاني عذاب]

هلا وغـلا بالجميع


اختي خوخـا

اول شي فعلا تمادينا في الموضوع كثير
لكن مو معناه يحذف الموضوع نهائي :)

ومشكوره على طرح هالموضوع



اخوي ناصر..

اتمنى تراجع القرار

لانه لو كان المنتدى كله رسمي راح يصير فيه نوع من البرود وما راح تلاقي هذا التواجد ..

لكن مثلا لو كان هناك موضوع واحد فقط للحوار حول المفيد والشبه مفيد كان أفضل ^_^


صحيح انه المنتدى اكاديمي وانه الموضوع كان شات
بس ترى اللي كان يسأل نجاوب عليه ومحد يقول له لا تسأل او خلي السؤال بعدين

يعني وقت الفايده تلاقي الجميع متواجد ولكن ما يمنع انه يكون فيه بعض الفكاهه

يعني على قولتهم زي الملح في الطبخه يعطي له طعم ^_^


اتمنى تفهم وجهة نظري وانا ضد انه تكون كل المواضيع تشاات

يعني موضوع واحد فقط كافي وما يكون خارج عن الحدود ..
وما اتوقع هنا فيه احد راح يكون قليل ادب ويخرج عن حده ^_^

[نقطه]

المشاركة الأصلية كتبت بواسطة naser انا حذفت الموضوع وانتو اللي خليتوني احذف الموضوع بالله عليكم كم موضوع وكم تنبيه عملناه عشان ما نبغى نحذف لكم مواضيع يمكن تستفيدو منها ادخلي لكل المواضيع اللي فيها تجمعات .. في البداية تبادل معلومات دراسية وفي النهاية ( بعد ما يعدي الموضوع 800 مشاركة ) تحصلي الحوار قائم على اشياء مالها من قريب ولا بعيد للجامعة !! الان تم وضع تنبيه في كل الاقسام ,, واتمنى من الجميع إحترام النظام العام للمنتديات وانا كلي ثقة ان هذا الموضوع كمان حتطلعو عنه ويصير تشات ناصر

بصراااحه عن نفسي ..
كنت أنتظر الموضوع يُحذف ..
لأنه صراحه كان صاير مسخره ..
^
^
وجهة نظر :)

[dr.hope]

اعتقد انه ليس من الصواب ان يتم اغلاق التجمع بسبب

ان هناك عدد معين من الاعضاء خرج عن المضمون

ولو كان هناك تنبيه ( شخصي ) لهؤلاء الاعضاء اولاثم اذا لم يستجيبوا تبدأون بخطوات اكثر صرامة مع هؤلاء الاعضاء

....

بعدين ياجدي ناصر انتا ما تعرف اش عملت السنة التحضيرية

لا خروج من البيت .. طول الوقت دراسة .. ضغط نفسي وشد عصبي من كل الجهات

يعني لمن الواحد يدخل هنا ويشارك الناس اللي حاملين نفس الهموم ويحاول يونسهم ويضحك معاهم لإنه ما هو محصل مكان ثاني خصوصا في هذه الفترة ايش ذنبه ؟؟ ( اتكلم عن المزاح والضحك المعتدل وليس الخارج عن الحدود وكلامي ليس محصور على التجمع اللي اتقفل )

وبعدين ياجدي الله يرضى عليك اذا حتخلوا المنتدى رسمي وصارم جدا فأبشرك انك حتجي بعد فترة تتمنى تحصل احد في المنتدى

واظن حينها حتكون خسارة للمنتدى لإنه ما في قسم في المنتدى انشط من قسمنا

سامحني بس انا اشوف انك لو خليت جدنا يلدرم ينزل الموضوع كان احسن على الاقل نعرفه ويعرفنا

وفي الاخير اذا وضعكم مره ما يسمح تفكوا التجمع مره ثانية افتحوا تجمع للشات واكتبوا شروطكم

واتاكد ان طلاب السنة التحضيرية شباب وبنات حيكونوا عند حسن ظنكم بإذن الله

ارجوا انك تسامحني ياجدي لإني طولت عليك بس انا ما ارضى ان العيب يجي من قسمنا

[dr.hope]

المشاركة الأصلية كتبت بواسطة naser وانا كلي ثقة ان هذا الموضوع كمان حتطلعو عنه ويصير تشات ناصر

الله يسامحك.. جدّي

[مجرد شخص]

اخي العزيز ناصر

انا معك في ان التجمع قلب الا تشات والا تمادي بطريقه غير لبقه وليعذرني الاعضاء فاصبح هناك كلام في القبائل وليعذري من تكلم فيها لكن لست انا من محب التكلم عن القبائل او من اي جهه منها

اخي العزيز ناصر قلت انكم ستطلعوا على هذا الموضوع ويصبح تشات هنا انت اسأءه الينا جميعا لسنا نحن الاشخاص الذي ابسط اهتماماهم شات او ماشابه ربما جهلنا بقوانين المنتدى او ما شابه

لكي لا تقول انا قلبنا الموضوع الا شات سأكتفي بهذا الرد انت المسؤول ولك حريه الاختيار اولا واخرا ؟؟

التجمع اصبح فيه خروج عن النص بشكل ملحوظ اقدم اعتذاري نيابه عن الجميع واقدم اعتذاري الا اداره المنتدى ؟؟

ولكن يحتاج الشخص منا ترويح عن ذاته ولكن نحنا تمادينا سواء عاد التجمع ام لا اقدم اعتذاري
تحياتي اليكم اخي العزيز

اكتفي بهذا الرد

[kaloody-007]

وانا ايضا اقدم اعتذاري

لان الموضوع زاد عن حده

ولكن الشباب اقترحوا اقتراحات طيبه نتمنى انها تتنفذ بصوره او باخرى
لمصلحة الطلاب

وشكرا على اهتمامكم

[AND..1]

المشاركة الأصلية كتبت بواسطة مجرد شخص اخي العزيز ناصر انا معك في ان التجمع قلب الى تشات والى تمادي بطريقه غير لبقه التجمع اصبح فيه خروج عن النص بشكل ملحوظ اقدم اعتذاري نيابه عن الجميع واقدم اعتذاري الى اداره المنتدى ؟؟ ولكن يحتاج الشخص منا ترويح عن ذاته ولكن نحنا تمادينا سواء عاد التجمع ام لا اقدم اعتذاري تحياتي اليكم اخي العزيز اكتفي بهذا الرد

......................

[كيتا الكتكوته]

والله انا كنت احسب انو موضوع التجمع ( شات ) ... كل واحد يدخل ويكلم التاني بدون قيود لكن باحترام
بصراحه انا اشوف قوانين المنتدى شويه صارمه ... اتمنى تعيدوا النظر فيها
انا عارفه انو منتدى اكاديمي ... بس مافيها شي ازا اتكلمنا في اشياء بره الدراسه
وانا مع اخويا بوزي ... اتمنى تفكرو في اقتراحو ؟؟!!؟؟
وحقيقي اعتذر ازا كنت طلعت عن موضوع وللا شي زي كدا ... بس هوا شي بيسير لاشعوريا

[Mora]

المشاركة الأصلية كتبت بواسطة dr.hope اعتقد انه ليس من الصواب ان يتم اغلاق التجمع بسبب ان هناك عدد معين من الاعضاء خرج عن المضمون ولو كان هناك تنبيه ( شخصي ) لهؤلاء الاعضاء اولاثم اذا لم يستجيبوا تبدأون بخطوات اكثر صرامة مع هؤلاء الاعضاء .... بعدين ياجدي ناصر انتا ما تعرف اش عملت السنة التحضيرية لا خروج من البيت .. طول الوقت دراسة .. ضغط نفسي وشد عصبي من كل الجهات يعني لمن الواحد يدخل هنا ويشارك الناس اللي حاملين نفس الهموم ويحاول يونسهم ويضحك معاهم لإنه ما هو محصل مكان ثاني خصوصا في هذه الفترة ايش ذنبه ؟؟ ( اتكلم عن المزاح والضحك المعتدل وليس الخارج عن الحدود وكلامي ليس محصور على التجمع اللي اتقفل ) وبعدين ياجدي الله يرضى عليك اذا حتخلوا المنتدى رسمي وصارم جدا فأبشرك انك حتجي بعد فترة تتمنى تحصل احد في المنتدى واظن حينها حتكون خسارة للمنتدى لإنه ما في قسم في المنتدى انشط من قسمنا سامحني بس انا اشوف انك لو خليت جدنا يلدرم ينزل الموضوع كان احسن على الاقل نعرفه ويعرفنا وفي الاخير اذا وضعكم مره ما يسمح تفكوا التجمع مره ثانية افتحوا تجمع للشات واكتبوا شروطكم واتاكد ان طلاب السنة التحضيرية شباب وبنات حيكونوا عند حسن ظنكم بإذن الله ارجوا انك تسامحني ياجدي لإني طولت عليك بس انا ما ارضى ان العيب يجي من قسمنا

و انا مع الدكتور هوب في كل اللي قالو... بالذات انو نحنا سنه تحضيريه و نحب انو نطرح المواضيع بطريقة مسليه اكتر (للتنفيس) عما بداخلنا....

بالاضافه انو الابتلاءات تقرب المبتلين مع بعضهم البعض,,, الابتلاءات>>السنه التحضيرية و هادا اللي يخلي الكل متقارب فنفتح مواضيع جانبيه... حتى لو ما كانت مفيده بس هيا تريحنا من الضغط

مثلا: لما جدتي توفيت (الله يرحمها) كل اللي في المنتدى قدموا التعازي,,, مع انو التعزيه موضوع خارجي لا علاقه له بالدراسه و الجامعه... بس مع كده انا ارتفعت معنوياتي بقوة والله فرحت من قلبي حتى بكيت..... شوفت قد ايش المواضيع اللي تشوفوها تافهه بس مؤثرة فينا؟؟؟