صور للبنات

[Rawan.s]

اخاف لو ما ارسلنا صورنا ما ننقبل لانها شرط

[mond 14]

أختي لازم ترسلي صورتك لإن الصورة هتكون في البطاقة الجامعية تبعك ولا تخافي

[سـ’ــآره]

عادي يابنات مرسلين صوركم لمين يعني؟
هذي جهة حكوميه الفرق ان بالجامعه قسم نساء ومافي رجال بيشوفون صوركم،
لكن بالجوازات لا كلها رجال ،يعني معليش جت على هذي؟
بعدين الصور بتكون بملفك وعلى البطاقه الجامعيه،، يعني ارسلي وانتي متطمنه،،وبتكونين لابسه حجاب فيها
وش المشكله،

[نور الرياض]

بنات لا تكبرون الموضوع
وما في اي شي يخوف
بعدين زي ماقالت دلع راح يودونها لقسم البنات واكيد نساء اللي بيشيكون على صوركم لان هذا في ذمتهم
بعدين انتوا ماطلعتوا هويه ماهو الهويه فيها صوركم و الصور بملفات وتحط بقسم الرجال بعد

هذا الوقت اللي يكشفون في الاماكن العامه اكثر من اللي يتغطون يعني صار الامر عادي عند الرجال ومألوف الكشف عندهم

<<ومحاكيتكم ماتطلع الا بنقابها

[الحررررر]

المشاركة الأصلية كتبت بواسطة انا بس من جد والله ليه ماترسلو صوركم عادي ياحبيباتي بالحجــــــــــــــــــــــاب كأنك بتطلعي جواز سفر شي طبيعي وبســــــــــــــــــــــيط لا تكبرو الموضوع تصورو في استديو وارسلو الصور ضروري وكلام دلع صحيح حتروح الصور لجامعه وتراها مسؤلية عليهم فعشان كذا لا تشيلو هم ارسلو الصور وانتو مرتاحين ...

...
السلام عليكم ورحمة الله وبركاته

اخواتي الصوره الشخصية للبنت اللي انا اعرفه انها غير مطلوبه
فأذا تغير النظام فلاحول ولاقوة الابالله وحسبنا الله عليهم ونعم الوكيل
وانا بشوف الموضوع واعطيكم الخبر الاكيد
وقبل ترسلن صورتكن تأكدن من البنات اللي مسجلات من قبل في الجامعة
واللي متساهله في انها تبين للناس صورتها هي حرة حتى لوتبي تضعها في المنتدى
بس الناس اللي عندهم غيره على اعراضهم لن يوافقوا لبناتهم او اخواتهم بارسالها حتى لووصل الموضوع انها ماتدرس الجامعة فليست الجامعة من ضروريات الحياة

اللهم استراعراضنا واعراض والمسلمين

تقبلوا مرور

ودمتم بود

[نور الرياض]

الناس اللي تتضحك اتوقع في مواضيع مسليه روحوا دوروا عليها
في هذا الموضوع الضحك بلا سبب !!!!!!!!!!!!!
الله يهديكم بس ..كل واحد وله قناعته وحريته الشخصيه واللي معتبر حاله (Open mind ) يعني صاحب عقليه متفتحه
ترا من اهم مايختص به اصحاب العقليه المتفتحه عدم التمصخر بقناعات الناس وانك تتقبل ارائهم

[orcheda]

السلام عليكم

يا اخوان المسألة مش محتاجة تصعيد
هي على القناعة الشخصية وخلاص
أنا ارسلت صورتي ،،ومو معنى أني ارسلت صورتي أن زوجي مايغار علي بس هي قناعة أن المستلمين الصورة جهة مسئولة

والي ماتبي ترسل تتصل السبت وتسأل عن الموضوع
والي مو عارف أن كانت ضرورية يروح يشرب شاهي وقهوة وياكل تفاح احسن

بلاش كثرة الكلام ـ،ـ ومسألة كشف الوجهة والي يقول تشدد والي يقول فكر متفتح ــ،،،
الموضوع مايتكلم عن قضية كشف الوجه حلال او حرام ــفتحوا موضوع خاص فيه احسن

[طموح لأخصائي]

المشاركة الأصلية كتبت بواسطة القمرا (ولا بعد شرط أكتبي اسمك كامل من خلف الصورة ) يا اختي ان تشوفين لازم الاسم خلف الصوره وبخط ايدينا بعد الله يستر من تواليها

اعتقد من وجهة نظري ان تتم مراسلة عميد القبول والتسجيل د.عبدالفتاح مشاط من قبل مجموعة من الطالبات الراغبات في التسجيل والأستفسار بشكل واضح هل هو شرط الزامي عند التسجيل ام ان يكون ذلك بعد القبول

[الحررررر]

المشاركة الأصلية كتبت بواسطة الحررررر ... السلام عليكم ورحمة الله وبركاته اخواتي الصوره الشخصية للبنت اللي انا اعرفه انها غير مطلوبه فأذا تغير النظام فلاحول ولاقوة الابالله وحسبنا الله عليهم ونعم الوكيل وانا بشوف الموضوع واعطيكم الخبر الاكيد

السلام عليكم ورحمة الله وبركاته

الخبر الاكيد من وحده من البنات سجلت الترم الماضي في التعلم عن بعد

تقول انها قدمت اوراقها وبعدين لما انقبلت وسددت الرسوم راحت واعطتهم الصورالشخصية واستلمت البطاقة الجامعية


اللهم استراعراضنا واعراض والمسلمين

وبالتوفيق للجميع ان شاء الله
والله لايوفق القائمين على هذه الجامعة


تقبلوا مروري


ودمتم بود

[تويتي]

صح كلام ابوناصر انا حصلي زي ماقال بعد القبول يتم طلب الصوره وتستلمي بطاقتك بنفس اليوم ...
طمنو بالكم وهدو الجو :)