هـــام _ تغيير مكان الإختبار في الرياض + كروكي للموقع ..

ضامي · 18-01-2009, 10:03 PM

يعني نكشخ بالبشوت ونجي ؟؟

قاعه افراح !!!

hmoode · 18-01-2009, 10:20 PM

متى بيرسلون ..؟

الاختبارات السبت القادم ..

أبوتركي 888 · 18-01-2009, 11:00 PM

ودي أعرف هل الطاولة مسجلة بأسماء الطلاب أم عشوائية ؟؟

شلونك · 18-01-2009, 11:16 PM

يالله يا بخت من جلس على الكوشه

شكلها بنختبر تاليتها في تشليح الحائر ولا النظيم

رسمي · 18-01-2009, 11:27 PM

الله يشغلهم بس ... يمكن حصلو آجار أرخص ههههههه

أذكريني · 19-01-2009, 12:13 AM

وناسه فيه ناس بيقهونا
قصدي قهوجين خخخخخخخخخخخخ

الهوى الغايب 2 · 19-01-2009, 12:17 AM

الله يستر من قاعة في قاعة
على العموم ياشباب شدو حيلكم
وأتمنى التوفيق للجميع

مشعان بسكلاني · 19-01-2009, 01:03 AM

انا قايلكم اخرتها في استراحة

طيب ليش البنات في طريق الملك فهد؟

ليش مايحطونهم في صالة الحريم؟!!!

مشعان بسكلاني · 19-01-2009, 01:15 AM

ياشباب جاني فكره

ليش مانسوي مقاطعة للاختبارات عشان يتأدبون ومايحطونا في اماكن زي كذا

<------- يبي يقلد حملة خلوها تصدي

بس من جد لازم نشوف حل لوضع الاختبار خاصة في الرياض

والشي الثاني ان الرياض كبير ومركز واحد مايكفي البعض راح يمشي قبل الاختبار بساعة ونص اقل تقدير عشان يضمن الوصول خاصة وان وقت الاختبار يعتبر في وقت الذروة للازدحام والحوادث المرورية ...

النقطتين هذي لازم تطرح وتناقش مع صاحب الصلاحية في الجامعة وصدقوني بيكون لكلامنا تأثير بحكم اننا ندفع الملايين كل مستوى للجامعة...

وانا عن نفسي راح اختبر السمستر الجاي في جدة

وسلامتكم

aziz1010 · 19-01-2009, 01:16 AM

صراحه المفروض الاختبار في فندق مو استراحه او قصر شي يليق بجامعة الملك عبدالعزيز

هـــام _ تغيير مكان الإختبار في الرياض + كروكي للموقع ..

ملتقى الإنتساب للسنة التحضيرية