مستجدي العلوم..مرحبًا بكم..(مساحة للإجابة على إستفساراتكم)

[R-Kh]

المشاركة الأصلية كتبت بواسطة فطومه السلام عليكم الين دحين مانزلت في جدولي غير ثلاث مواد لانو هاذا اللي لقيتو في قائمة المواد المتاحه الباقي مطلوب لها متطلب او تكون تبع الخطه القديمه ايش الحل ................. انتظر الين يوم السبت او اتهور وانزل احصاء زي مالقيت والكيمياء والاحياء الموجوده واللي سالت عنها اول وعرفت انها مو تتبع خطتي الجديده

شوفي السبت مشرفتك
وهيا اللي حتعملك الجدول
وتقولك ايش اللي معاكِ وايش اللي لا
..
:)

[R-Kh]

المشاركة الأصلية كتبت بواسطة the~dark~side السلام عليكم ورحمة الله وبركاته عندي سؤال بشأن التخصصات في كلية العلوم على أي أساس يتم تسكين الطالب في التخصص على أساس الرغبة أم على أساس المعدل ؟؟؟؟؟ هل المواد في الترم الأول ستكون عامة (( يعني إذا درست رياضيات في كلية العلوم مثل المنهج إلي يدرسه طالب في كلية الهندسة أو الحاسب )) ؟؟

...
وعليكم السلام ورحمة الله وبركاته
...
هما بيطلبوا معدلات لكل قسم
مثلا الكيمياء الحيوي طالبين فوق الـ 3.50
لكن في ناس معدلاتهم كانت 2 وشي ودخلوا القسم
لا تشيل هم ترى مررره متساهلين من ناحية التخصص والمعدل
...
وبالنسبة زي ما قلت مثلا الرياضيات
هيا نفس الماده سواء في العلوم او الحاسب او الهندسه
نفس المقرر ونفس المنهج
يعني بإذن الله لما تحول هندسة
راح تنحسبلك مواد العلوم لانها نفس مواد الهندسه
....
بالتوفيق
..
:)

[R-Kh]

المشاركة الأصلية كتبت بواسطة طالب سنة تحضيرية كيف شروط التحويل من العلوم إلى الهندسه و كم المعدل المطلوب

معدل التحويل يختلف من سنة لسنة حسب عدد الطلاب اللي طالبين تحويل
...
بس عشان تضمن تحويلك
حاول يكون معدلك فوق الـ 4.50 وان شاء الله تتحول
...
شروط التحويل ادور عليها واحطها في اقرب وقت
..
:)

[R-Kh]

المشاركة الأصلية كتبت بواسطة R-Kh معدل التحويل يختلف من سنة لسنة حسب عدد الطلاب اللي طالبين تحويل ... بس عشان تضمن تحويلك حاول يكون معدلك فوق الـ 4.50 وان شاء الله تتحول ... شروط التحويل ادور عليها واحطها في اقرب وقت .. :)

http://www.skaau.com/vb/showthread.php?t=97582

[R-Kh]

المشاركة الأصلية كتبت بواسطة عوض عياد وانا عندي سؤال لو ابغى احول من كلية العلوم لانجليزي كيف؟ وكم المعدل المطلوب؟

...
معدل التحويل يختلف من سنة لسنه حسب عدد الطلاب الي طالبين تحويل
بس التحويل من علوم لـ انجلش ايامنا كان مررره سهل
افتكر وحده معدلها 2 وحولت
...
بس اللي اعرفو انو ممنوع التحويل للتحضيري من علمي لـ اداري
مو؟
..
بالتوفيق
..
:)

[فطومه]

السلام عليكم
سؤالي لو نبغا نحول لحاسب لازم اجباري ادخل رياضيات ولا عادي احياء او شي ثاني
ولو ابغا احول لطب لازم اجباري ادخل احياء ولا كيمياء ولا عادي رياضيات او شي ثاني
لانو هاذا الشي اللي قريتو في رد احد الاعضاء

وانا إن شاء الله بدخل قسم الاحياء وحسب الدرجات والمعدل باذن الله اقرر احول على التخصص اللي يناسب يعني اخاف مااجيب اللي يحولني لطب فتضيع فرصة التحويل لحاسب واللي حيكون رغبتي الثانيه
وشكرا

[فطومه]

السلام عليكم
سؤالي لو نبغا نحول لحاسب لازم اجباري ادخل رياضيات ولا عادي احياء او شي ثاني
ولو ابغا احول لطب لازم اجباري ادخل احياء ولا كيمياء ولا عادي رياضيات او شي ثاني
وكمان لو ابغا احول لعلوم تطبيقيه اجباري كيمياء حيوي
لانو هاذا الشي اللي قريتو في رد احد الاعضاء

وانا إن شاء الله بدخل قسم الاحياء وحسب الدرجات والمعدل باذن الله اقرر احول على التخصص اللي يناسب يعني اخاف مااجيب اللي يحولني لطب فتضيع فرصة التحويل لحاسب واللي حيكون رغبتي الثانيه والأضمن
وشكرا

[R-Kh]

المشاركة الأصلية كتبت بواسطة فطومه السلام عليكم سؤالي لو نبغا نحول لحاسب لازم اجباري ادخل رياضيات ولا عادي احياء او شي ثاني ولو ابغا احول لطب لازم اجباري ادخل احياء ولا كيمياء ولا عادي رياضيات او شي ثاني وكمان لو ابغا احول لعلوم تطبيقيه اجباري كيمياء حيوي لانو هاذا الشي اللي قريتو في رد احد الاعضاء وانا إن شاء الله بدخل قسم الاحياء وحسب الدرجات والمعدل باذن الله اقرر احول على التخصص اللي يناسب يعني اخاف مااجيب اللي يحولني لطب فتضيع فرصة التحويل لحاسب واللي حيكون رغبتي الثانيه والأضمن وشكرا

وعليكم السلام
...
القصد منو اللي يبغا حاسب يدخل رياضيات هو انو مواد الحاسب متشابه جدًا مع مواد الرياضيات
فـ الهدف من كدا انو المواد اللي تدرسيها ما تضيع عليك
وكذلك الكيمياء الحيوي اقرب تخصص لـ العلوم الطبيه
...
على كل حال
اي قسم من كلية العلوم يأهلك للتحويل لـ أي كلية صحية
..
:)

[Nada90]

هل يكون التخصص بإختيارنــا أم بإختيارهم؟؟؟

مع العلم انهم وزعوا علينا اوراق أخر السنة التحضيرية عشان نكتب فيها رغبة اولى ورغبة ثانية إذا اتسكننا في كلية العلوم ...

ارجو إفادتى ... انا اللي اختار التخصص واللا كيف ؟؟؟
انا معدلى 3.36 .. هل ممكن يقبلونى في قسم الكيمياء الحيوي .. مع العلم ان درجتى في الكيمياء مش حلوة ابدااااااااااااا..
في أمــــــــل ؟؟؟

[in my dream]

أنـــــا حابة اسال انا ابغى احول لكلية الاقتصاد المنزلي بس ابغى ارفع معدلي اول بالعلوم هل
ممكن اخذ مواد حرة او مواد عامة ارفع فيها المعدل عشان اقدر احول ولا لازم اخذ مواد من التخصص،وإذا اقدر ياريت تقوليلي اش هي المواد

شكـــــرا