وسيلة نقل من مكة لجدة

[BBB]

المشاركة الأصلية كتبت بواسطة اشلاء قلب في باصات ابو سرهد تمشي من سوق الحجاز وتوصلك الى الجامعه وبعدها من الجامعه إلى سوق الحجاز

مشكوووورة
سمعت عنها بس تعرفي كم في الشهر؟؟

[BBB]

اللي عنده اي معلووومه عن باص ابو سرهد ياليت يفيدنا؟؟؟او اي باص ثاني؟؟

[Esraa.MD]

انا في باص ابو سرهد من مكة لجدة عبارة عن باص كبييير ماشالله زي حق الحج الترم ب2800 ريال
والشهر ب800 ريال حسبي الله علي مزود اسعارو
والمواعيد
الصباح 6 ونص و7 الا تلت و7 الا 10 والساعة 8
والعودة 1 ضهر و2 ونص و3 ونص و4 ونص

[Esraa.MD]

والتسجيل طبعا يكون في اوول الترم مو دحين يعني
ودي الارقام حقت الشركة
5352255
5352225
ويوقف في مواقف الحمرا وفي العودة في حي الرصيفة امام النوري
ودعواتك ليا
واهلا بيكي

[BBB]

المشاركة الأصلية كتبت بواسطة esraa.md والتسجيل طبعا يكون في اوول الترم مو دحين يعني ودي الارقام حقت الشركة 5352255 5352225 ويوقف في مواقف الحمرا وفي العودة في حي الرصيفة امام النوري ودعواتك ليا واهلا بيكي

مشكوووووورة
يارب يوفقك ان شاء الله

[نارس]

والله ياليت نلقى وسيله مواصلات افضل من ابو سرهد لانو الباص مررره كبير ويادوب يمشي واحنا مشوار من مكه الى جده ماتوصلي هناك الا وانتي متهالكه فكيف تروحي المحاضرات وتسمعي وتفهمي ) :

اخت إسراء جزاك الله خير على المعلومات الوافيه ياليت لو تقوليلنا كم يستغرق وقت على بال ما توصلوا لجده ؟؟ وهل يوقفكم لما توصلوا عند بوابه محدده ؟ولا يمر على كذا بوابه ؟؟

اما باصات حافل اول مره اسمع عنها ممكن اخ خالد جزاك الله خير تعطينا معلومات اكثر عن مكانهم او ارقام للاستفسار..


وشكرا لك bbb على الموضوع لاني كنت ناويه احطه على شان نتساعد وربي ييسر امورنا ويهون علينا كل عسير
ااااامين

[Esraa.MD]

المشاركة الأصلية كتبت بواسطة نارس والله ياليت نلقى وسيله مواصلات افضل من ابو سرهد لانو الباص مررره كبير ويادوب يمشي واحنا مشوار من مكه الى جده ماتوصلي هناك الا وانتي متهالكه فكيف تروحي المحاضرات وتسمعي وتفهمي ) : اخت إسراء جزاك الله خير على المعلومات الوافيه ياليت لو تقوليلنا كم يستغرق وقت على بال ما توصلوا لجده ؟؟ وهل يوقفكم لما توصلوا عند بوابه محدده ؟ولا يمر على كذا بوابه ؟؟ اما باصات حافل اول مره اسمع عنها ممكن اخ خالد جزاك الله خير تعطينا معلومات اكثر عن مكانهم او ارقام للاستفسار.. وشكرا لك bbb على الموضوع لاني كنت ناويه احطه على شان نتساعد وربي ييسر امورنا ويهون علينا كل عسير ااااامين

ابداااا مايتأخر والله اننا نوصل قبل بنات جدة ماشاءلله اول باص يوصل الساعة 7 وربع وتاني باص يوصل 7 ونص وتالت باص يوصل 7 ونص الا خمسة وبالكتير 8 الا ربع او 10 يعني ازا مرررررة زحمة خلاص 8 انتي في وسط الجامعة اكتر من كدا مافي واخر باص الي هوا حق الساعة 8 يوصل الساعة 9 الا يعني ماشاءلله بنوصل بدري قبل البنات حقون جدة نفسهم وبالنسبة للبوابات في بوابات للموظفات ينزلو منها واعتقد الدراسات العليا كمان ينزلو منها وفي بوابة شمالية ينزلنا منها وبوابة غربية 1 ومافي لا متهالكة ولا حاجة كلنا متعودين معانا دكاترة في المستشفى وطالبات طب وموظفات وكل الاقسام تلقيها وكل انواع الموظفات وناس دوامهم للعصر يعني الكل يتعود لا تهالك ولا حاجة بالعكس راحة وبعدين كلو بأجرو ان شاءلله

[Esraa.MD]

اااه صح وترى حافل مايرضا يودي من مكة لجدة احنا ماسبنا شركة الا وكلمناهم لانه ترخيص وزارة النقل حق توصيل من مكة لجدة بالنسبة للطالبات فقط مسلم لابو سرهد وحافل كلمناهم قالو مانودي

[عماد الحسن]

مبروك قبولكم وربنا يوفقكم في الدراسة ويعينكم على المشاوير
شكرا لكل المشاركين وخاصة أختكم Esraa.MD للمعلومات المفيدة
هذه بعض المعلومات عن باصات نقل الطالبات من مكة للجامعة :

مؤسسة المطرف لنقل طالبات الجامعة 920016169/باصات درب النواف للنقل هاتف 920002321

وهذه معلومات إضافية من مشاركات سابقة:

المشاركة الأصلية كتبت بواسطة Magd شركة أبو سرهد تنقل الطالبات من مكة الى جامعة الملك عبد العزيز (ذهابا- وعودة) وارقام هواتفهم : 0556551534 - 0592830764 لديهم باصات صغيرة تأخذكم من منازلكم الى الباص الكبير في الصباح والباص الكبير الى جامعة الملك عبد العزيز، واثناء العودة ايضا اثناء وصولكم الى مكة توزعكم في باصات صغيرة وتوصلكم الى منازلكم 4 رحلات في الصباح :باص ساعة 7 الا ثلث/ساعة 7 الا ربع/ساعة السابعة/باص ساعة 8 اربع رحلات عودة:اول رحلة الساعة 1/رحلة 2ونصف ظهرا/الثالثة 3 ونصف/الاخيرة 4 ونصف سعر الاشتراك 2600 ريال/بالشهر 700 ريال/وباليوم الاشتراك 70 ريال،وبالتوفيق

[نارس]

اختنا اسراء جزيتي كل الخير انا ما اقصد انه يأخركم عن الجامعه لا

ان اقصد انه غير مريح لدوام وللمسافات الطويله خصوصا للي مو متعود عليه زينا

واكيد كل شي يهون في سبيل العلم ولكن مافي مانع ان الانسان يدور على الشي الافضل والمريح..


انا راح اشوف الارقام الي افادنا فيها الدكتور عماد جزاه الله خير ونقارن ونشوف وش الاحسن والله يكتبلنا مافيه الخير