◕‿◕ دكـــــــاترة السنه التحضيــــريه + آراء طــلاب وطالبــات دفعـــــــــه 11 ◕‿◕

[besho2009]

اللله يسعدك د.ران على الموضوع المتعوب عليه

الله يوفقك فين ماتكوني ومافي احلى من الدعوات في نهار رمضان ..

موضوع مميز ورائع من انسانة مميزة :)

والشكر موصول كمان ل غلا روحي ..

تسلمي يا احلى مشرفة .. الله يحققلكم مرادكم ويعطيكم على قد تعبكم ..

مهما اشكركم قليييل ..

ويااااارب دفعة 12 يستفيدوا من الكلام المكتوب ..

وزي ماقلتو انو فهم واستيعاب الشخص يختلف من شخص لاخر ..

ولاتحكموا على احد من اول محاضرة ..

الف شكرا لكم للمرة التانية ..

وشكرا ع الهدية الحلوة وعقبال ما اشوفكم في الجامعة قريب إن شاء الله

[hadeel a]

و عليكم السلام و رحمة الله و بركاته
ماشاء الله تبارك الله موضوع مرره حلو و فكرتو أحلى يعطيكي العافيه ~ran~ و كل اللي شاركو معاكي بالموضوع .
قرأت الموضوع بسرعه و حأحاول أكتب عن الدكتورات أو الاستاذات اللي ما كتبو عنهم .
الرياضيات :
جربت أستاذتين
أ . ليندا الزبن :
شرحها مرره حلو و ماشاء الله عليها نشيطه فتنقل نشاطها كمان للبنات بس مشكلتها شويه سريعه فاللي تاخد معاها لازم تنتبه أنها ما تتأخر على المحاضره و تخلي الكتاب مفتوح و تأشر معاها و تكتب كل الملاحظات اللي تقولها معاها لأن ملاحظتها مهمه في المذاكره و الاختبار و ادا ما فهمتو شي في المحاضره قولولها لأنها على طول راح تعيدو و ما راح تقول شي و ادا دكرتو شي و مافهمتو روحولها بالساعات المكتبيه .
أ . هناء الاشولي :
ما شاء الله شرحها مرره حلو و تشرح بشويش و تجاوب على أسئلة كل البنات و طبعا لازم تأشرو معاها في الكتاب و تكتبو الملاحظات اللي تقولها بالشرح عشان تفهمو .
الكيمياء :
د . ليلى الحربي :
دكتوره ماشاء الله جدا رائعه و تكتب كل شي تقولو في المحاضره على السبوره يعني من بداية السنه جيبو دفتر للكيمياء و أكتبو معاها كل اللي تكتبو على السبوره و كده حيسير عندكم ملخص مرره حلو يعني بس ترجعو للكتاب في التمارين و الامثله .
الاحصاء :
أ. شفياء الحضيره :
حاولو تجلسو في الصفوف الاماميه في المحاضره لأن شويه صوتها و اطي بس شرحها ماشاء الله حلو فحاولو تكتبو معها الملاحظات و تأشرو في الكتاب .
[size=4]مهارات الاتصال :[/size]
د.حسناء :
مرره طيبه و محاضرتها ممتعه أصلن الماده مرره سهله بس أهم شي تجيبو الطلبات اللي تقلكم عليها .
[color=#4169e1]حاسب :
أ .سماهر الغامدي :[/color]
مرره دقيقه في الحضور فلا تجربو تتأخرو عن المحاضره و أحيانن تطلب و اجبات فلازم تجيبوها في و قتها و عموما ماشاء الله عليها مرره طيبه و أسلوبها حلو مع البنات .

فيزياء :
د . نعمت مصطفى :
تأشيرها في الكتاب مرره حلو و مرتب و بالنسبه لطريقة شرحها فلازم كل يوم ترجعي تقرأي اللي قالتو في المحاضره عشان تقدري تفهمي المحاضره اللي بعدها و تحل معانا التشيك بوينت في المحاضره و أغلب الكتورات ما يحلوها مع بناتهم في المحاضره

.

[ضياءالروح]

موضوع رائع د.ران
يسلمووو
ماشالله ماقصرتو ومايحتاج اي اضافات

بس معليش ممكن استاذات المسار الاداري ..طالبات "السليمانية"
عشان ابغى افيد صديقتي

وجد جد مشكوورين غلاوي ورنو

[بشائر الفرح =)]

[B][FONT="Book Antiqua"][SIZE="3"][COLOR="DarkSlateBlue"]

روووووووووووووووعه ماشااء الله
الموضوووع خيالي وفنان الله يعطيكم ألف ألف عافيه ماقصرتوا صرااااحه
كل الشكر لك أختي ران على هالمجهود الرائع والتفاني ف خدمة الطلبه المستجدين .. الله يجزاك عنهم خير الجزاء ويسعدك يارب ..
وكل التقدير كذلك لروادنا الرائعون ف التحضيريه ,, على كل ما أفادوا به عن الدكاتره والدكتورات ..
ماشاء الله عليكم إسلوبكم مميز ف الطرح وعباراتكم سلسه الله يوفقكم ويجزاكم بالجنه يارب ,,

وكل كل الإحترام والتقدير لمشرفتنا الغاليه ( غلا روحي ) على عطاءها الكبير ومساعدتها لأخوانها وأخواتها المستجدين جعل ربي عملها ف ميزان حسناتها وأعطاها من كل ما تتمنى يارب ^^

[بشائر الفرح =)]

أحب أشارك معاكم

الكيمياء - ( سليمانيه )

د. إكرام دانش

ماشاء الله شرحها حلو وإسلوبها سلس وممتع , طيوبه تحب تساعد كل البنات خاصه ف الساعات المكتبيه كانت تجاوب ع أسئلتنا بكل تفصيل وأريحيه , كانت دايم تنبهنا ف المحاضره لما نمر على أمثله مهمه وجات ف إختبارات سابقه إنه نركز عليها ف المذاكره ,, وكانت لما يسعفها الوقت قبل الإختبار تسوي لنا مراجعه سريعه لكل اللي أخذناه ,

حتلاحظوا إنها تشرح بتركيز أكثر من كونها تسرع ف إنهاء المنهج لإنها تحرص ع فهم الطالبه ودااايم الله يذكرها بالخير ( أي سؤال ي بنات في أي شيء مو اضح ؟ ) .. وتهتم بالحضور والغياب

على أيامي ماكانت ترضى إن البنات يحضروا لها لإن القاعه تمتلىء ماشاء الله
فهي تتخذذ هذا الإجراء من باب إنه بنات شعبتها أولى بالحضور والتركيز .. بس تقدروا تسألوها ف الساعات المكتبيه حتساعدكم مرا , لكن إن شاء الله ع السنه الجايه ترضى بحضور الطالبات وتقتنع ^^ ..

الحاسب (سليمانيه )

أ. خلود زين العابدين

أستاذه طيوبه وهادئه أخلاقها عسل , تشرح ماشاء الله بالتفصيل .. تهتم جداً جداً بالحضور والغياب ,
وكانت قبل الإختبار تنبهنا ع النقاط المهمه اللي ضروري نركز عليها سواء عملي أو نظري ..

رياضيات ( سليمانيه / شرفيه )
أ. وديان باصفار

درستني نص الترم الثاني تقريبا شرحها روووعه أتعب وأنا أقول ماشاء الله عليها متمنكه من الماده .. وتحب تشرح حبه حبه بالتفصيل الممل وتعيد وتزيد لحد ماتفهمي , وتنبهك على الأسئله اللي جات السنه اللي فاتت , تحرص على إنه البنات يفهموا وتحل معانا السكاشن بحذافيرها ..

فالبنات اللي يحبوا التفصيل والفهم المزبوط أنصحهم بيها .. حتحسي أحياناً إنها بطيئه وهذا شي طبيعي لإنها بتشرح من قلب قلبها الله يسعدها ( مستحيل أنساها الإنسانه هذي ) .. كانت تدرس ف الشرفيه أساساً بس نقلت عندنا ع نص الترم فما أدري إذا حتكون عندنا أو ف الشرفيه السنه الجايه ف أي مكان تكون أنصحكم بالحضور لها ,,

وباقي الأستاذات ذكروهم البنات ماقصروا ..

أهم شي حبيباتي حتى لو ماكنتي عند الأستاذه الفلانيه أو ماتيسر لك تنقلي عندها لا تزعلي عادددي جداً تقدري تجيبي أعلى الدرجات إذا شديت حيلك وذاكرتي أول بأول .. وف النهايه الأستاذه ماهي إلا سبيل لفهم الماده والأساس كله عليكي .. حتقابلي بنات يقولوا لك ( الله يعينك عند فلانه أكيد ماحتفهمي أو تقول لك عظم الله أجرك ف الماده الفلانيه ^^ .. إنتبهي لا تسمعي لهم .. يمكن هي ما تفهم عليها بس مو شرط إنتي كمان ما تفهمي عليها لإن لكل وحده منكم إسلوبها الخاص ف الفهم وتلقي المعلومه .. فلا تلتفتي لأي كلام مثبط واهتمي بالماده وصدقيني حتجيبي الدرجه اللي تبغيها )

>> الله يوفقكم ووييسر لكم يارب ..
إحتراااامي للجميع ..
[/

[Noor Moon]

ياسلام ياد/ران من جد كيف أشكركـ أنتي ودفعتك من جد تخليوا الواحد
يتحمس للدراسه ويكون يعرف كل حاجه قبل مايدرس وماني عارفه أيش أقول من جد جهد
جبــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ااااااااااااااار
الله يوفقكم ويسعدكم إن شاء الله*_*

[عزتي برضى ربي]

الله يسعد ويوفق كل من افادنا بالموضوع دا
وشكر خاص لك اختِ د.ران
وبالتوفيق للجميع ~

[محمد عماد]

Great report ! Wonderful design ! Nice gift

الف شكر د. رآن و المشرفة المتألقة غلا روحي
بصراحة دفعة 12 محظوظة بوجود اناس متعاونين يحبو الخير للأخرين .. الله يوفقهم يارب

والأن اصبحت الصورة واضحة امامكم يا دفعة 12 .. يعني مافي اي غموض في السنة التحضيرية
ابدأو بداية قوية .. عشان تكون نهايتكم سعيدة
حطو الدراسة نصب اعينكم .. لان هذي السنة هي الي حتبني باقي مشوار حياتك
والسنة التحضيرية ماهي الا تنافس بين الطلاب عشان كل واحد يوصل للكلية الي يبغاها .. والبقاء للأقوى !
والله يوفقكم ويسهل طريقكم .. وان شاء الله كل واحد يدخل الكلية الي يبغاها

وان شاء الله حيكون فيه موضوع - مستقبلا - بالتعاون مع اخواني واخواتي حنتكلم فيه عن كلية الطب بالتفصيل

وكل عام وانتم بخير

[Dana.Y]

الله يعطييكم العااافيه فرداا فرداا و شخصاا شخصاا ..
اعجز عن الشكر و اعجز اقول شي يوفيكم حقكم ..
بميزان حسناتكم ..
و الله ييسر لكم اموركم و كل خير ان شاء الله ..

[د.كلي اشراقة وطموح]

بارك الله فيكم من جهد رائع
ومبروك الأوسمه ياحلوين