نداء ضروري لبنات استاذة نوال الضبيبان الي اختبروا اليوم تربوي شعبة 3

[نبضه]

نصيحة ذاكروا بفهم

والشي الي ماقالته ذاكروه كمان

وربي ييسر لنا ولكم

[هنادي خيري بن حمد]

ممكن ي نانو انا اول مره اخد معاها وما اعرف اسلوبها

[حنين الوردة]

طيب هنادي الله يسعدك فيه اشياء كثيرة خارجة عن الشرايح لان صعبة نروح نذاكر الكتاب كله بس لو تذكرين لنا بعض الاشياء اذا كنتي ذاكرة انتي او اي وحدة من البنات لان احنا بكرة ويمكن محوس مثلكم الله يوفقكم ويساعدكم ويساعدنا على بلوانا ويفك عن الاستاذة نوال ويرفع عنها

[أحلى جنون]

والله نص الاسئله من الباب الرابع حق النضريات كله وأشرطته حتى الابواب التامين جابت من اللي ماشرحته. عن الطريه الطوليه العرضيه تعريف الضبط قوانين النظريات علم نفس الاكليني علم نفس الفسيولجي علماء كراتول وبلوم داكري من الجلده للجلده والله مايخافوا الله فينا حسبي الله ونعم الوكيل

[memne]

والله انك صادقه الاختبار اليوم زفت حسبي الله على من وضع الاسيله

[miss-busy]

من أول ماشفت الأسئلة وبعد أول سؤال أحله عرفت إن هذي ليست أسئلة الأستاذة نوال الضبيبان

صدقوني 90% من الأسئلة إذا مو أكثر من خارج المطلوب مننا مع الأستاذة نوال

رجعت لأول صفحة أبغى أتأكد من اسم الأستاذة اللي كاتبة الأسئلة لقيت مكتوب نوال الضبيبان لكن أأكد انها مو أسئلتها


إذا هي بلسانها قالت الفصل الرابع فقط من الشرايح وجاتنا منه أسئلة من خارج الشرايح


صحيح الأستاذة نوال قالت ذاكروا من الكتاب والفصل الرابع فقط من الشرايح لكن لما كانت تتجاوز نقطة وماتشرحها أنا أوقفها وأقولها يا أستاذة النقطة الفلانية ماذكرناها وكانت تقولي اللي أذكره بس هو اللي معاكم

يعني أنا من كلامها ذاكرت بس اللي هي ذكرته وشرحته

ومريت على عناوين ثانية مو معانا وقريتها وجا منها


معالجة المعلومات جا منه
النظريات حتى من خارج الشرايح جا منه

أغلب اللي ذاكرناه وتعبنا عليه من شهرين ماجا منه كثير

صدقوني يمكن 8 أو 10 أسئلة فقط من المطلوب مع أستاذتنا والباقي كله غريب علينا يعني مو بس ماذاكرناه
لا أصلا محنا فاهمينه يعني الواحد لو نسى اللي ذاكره يحاول يحل من فهمه لكن لو حتى الفهم مافي إيش يكون الحل

حسيت إني في اختبار معلومات ثقافية عامة مش اختبار مادة ومنهج دراسي درس وانشرح

والله معلومات عامة تعرفيها أو ماتعرفيها ، مرت عليك أو مامرت عليك


جدا متألمة على جهد شهريين متتاليين راح ببرود بجد متألمة وحاسة باختناق

التربوي ذاكرته 3 مرات وأمس مراجعة للمادة ، واليوم في الإختبار زي اللي مايعرف حتى حروف الهجاء

المعدل اللي كنت محافظة عليه الى اليوم قبل الإختبار، أأكد إنه بعد الإختبار طاااااااااااح وانخسف وانا دمرت تماما

مدري الحالة اللي أنا فيها من مرضي ولا مرضي زاد علي من اللي شفته وانصدمت فيه


كنت ناوية أكتب الأسئلة اللي جاتنا من غير مايطلب مني حتى لكن الأن كيف راح أذكر الكلام الغريب اللي جا




راح أحاول حتى مايصير فيكم اللي صار فينا

ولكن اسمعوا مني ومروا على كل الكتاب عالأقل قراءة وفكرة


الله يستر وتعدي المادة على خير

[L000LY]

ظلــــم والله ظلـــم

انتو عارفين انو ولا سؤال جانا من الفصل التاسع ( ادارة التعلم الصفي )
فقلت للبنات اكيد هذه اسئله العام ماصدقوني ولما جيت افتح الكتاب لقيت اكثر الاسئله جاتنا من الباب الثامن وهو محذوف مهو معانا
والعام كان معاهم الثامن ومحذوف عندهم التاسع مثل (( التعلم الاكتشافي - والتعليم ذو معنى ... هذا من الفصل الثامن
فتقريبا 20 سؤال او اقل كان من الشرائح وكمان مو بنفس الصيغه
فلو جبت فيه درجة النجاح كويس..

[روح الصحراء]

اختي حنين الورد ذاكري من الكتاب كل شيء والله الاختبار كان مره صعب مو عارفه من فين جانا شكلو مو من الاستاذه صج لانو فيه اشياء جايه من مادري فين الله بس ينجحنا على الله توكلت والله خايفه مره من ها الماده الله يسرها واعديها كل الي جاء بس من السلايدات يكمن 8 او اقل انا كان نموذجب ب وكان زفت

[حنين الوردة]

طيب لايكون كمان جايبين من فصول غير اللي محدده معانا وهيه 1-4-6-7-9

[memne]

الله لايسمحهم دنيا واخره تعبنا شهرين نذاكر وفي الاخير تعب على الفاضي حرام ياعالم والله حرام ليه الظلم