(رابعة طب أسنان) سنة العيادات.. سنة المغامرات !

[Glamor Mada]

ايوا صح ..
امممممممم خلي اسئلة الكومون عندك لو سمحتي عشان بعدين لما نوصل ناخدها منك اوكي هههههه :p
لاننا بنتعب عشان توصلنا وما توصلنا اساسا الا قبل الاختبار بساعات >_<

[Dr~NanoOok]

اهلين بيك مادا

هههههههههه ليش مستعجل .. موضوع سنة ثالث يُناديك :p
بس من جد أكبر حافز لينا كان بسنة ثالث أننا بعدها حنطلع رابع ونبدأ الشغل والعيادات
وهو اللي يهوّن علينا كل شي :p

لكن صدقني كل سنة وليها طعمها وحلاوتها

فعيشوا ثالث بكل ما فيها.. بالطووول والعرض واستمتعوا بكل شي

ههههههه أسئلة دكتور هشام .. لما تشوف أسئلة دكاترة تانيين حتهون عليك اسئلته وحتحبه
ع الأقل بيشرح مره كويس.. غيره ما بيشرحوا وأسئلتهم اعوذ بالله


شوف مواد سنة ثانية حتفيدكم كبناء معلومات وأساس
وحتستفيدوا منها بشكل غير مباشر خلال دراستكم بعدين

الدينتال اناتومي مرره مهم ترا.. وحسيت بقيمة بسنة رابع فعلا

تخيل ان الفيزياء الي اخدناه بأولى فادنا برابع !!
في مادة الاورثو

والفسيولوجي والاناتومي فادونا في الاشعة والباثولوجي بثالث

كله مبني على بعض.. فلا تحبط من المواد وتتوقع ما نستفيد منها =)

ربي يوفقك في دراستك وحياتك وينورلك طريقك على قد ما بتساعدي غيرك ..

ربي يسعدك على الدعوة الروعة هادي ^__^
لك بمثلها وأعلى باذن الله.. وربي يوفقنا جميعا

ايوا صح .. امممممممم خلي اسئلة الكومون عندك لو سمحتي عشان بعدين لما نوصل ناخدها منك اوكي هههههه :p لاننا بنتعب عشان توصلنا وما توصلنا اساسا الا قبل الاختبار بساعات >_<

بثاني عشان المواد حقت بشري صعب نجمع الكومون حقتها
لكن في الأسنان أسهل

على العموم كل شي موجود عندي وما بضيع شي .. بس مشكلته كله مطبوع وهارد كوبي
بعضها سوفت كوبي أقدر أفيدكم بيها بعدين

ترا أولاد دفعتنا 08 ماشالله مره متعاونين وما بيبخلوا بأي شي
تقدر تروح لليدر حقنا و تسأله .. وإن شاء الله ما يقصر معاكم


~

و جاتني فكرة اني أجمّع المواضيع والمعلومات دي عن كل سنة.. احطها في ملف pdf وتصير مرجع ليا وللزمن
واي أحد يحتاجها يحملها ويحفظها عنده

=)

[مَـزٍآج ..}..]

اهلين مزاج يب خلي الحماااااااس أكتر شي ^_^ ومن أول يوم الكل يروح يدّور على عيادته ويشوفها هههههههه

هذي من غير ما تقولي اصلا هههه . .

الظاهر انو نحنآ راح نروح ع الدور الثآني وسنه سآدس والكبآر راح ينزلوا الدور الأول . .

كذآ قآلوا لنآ بس مدرري

بالبداية حتحسوا بكمية الفراغ اللي حتعيشوه ! خاصة انه ما حتبدأوا العملي والشغل المضبوط لأول 3 أسابيع ! وبالجدول في ساعتين بالأسبوع حاطينها عملي للسيرجري مع اننا ابدا ما نبطلع فيها حاجه ! وكل سنة بيكلموا الادارة انهم يلغوها ويحطوا بدالها شي مهم ولا تعويض للمعامل مثلا.. لكن ما يرضوا

هوا نحنآ مستعجلين على حآجه ههه بالعكس نبغى فرإأغ . . مو زي سنه ثالثه

اول يوم في اول كلآس في اول دقيقه في السنه اخدنا جنرال بآثولوجي وكلآس من النوع الثقيل . .

ولا كمان انطردت فيه جيت متآخر خخخ ما انسى اليوم دآآ

المرضى لازم تطول بالك معاهم.. وربي يعيييييييين على الناس اللي حتقابلوهم سواءً مرضى أو دكاترة ! لكن لازم نتعلم كيف نتعامل معاهم .. ومهما كان لازم نتغاضى ولا حتحصل حرايق بالمكان :p

الله يعيـن والله يصبرناا . .

بس على فكره عندي سؤال يمكن بدري شويآ بس يالله ههه

مثلا لو بشتغل كلاس ون . . اجيب مثلا معايا مريض اعرفو وعندو كلاس ون . . او لازم يكون فاتح ملف في نفس العيادات

وادور علييه . . يآرب فهمتي عليا خخخخخ . . لانو اريح لي نفسيا اشتغل على وإأحد اعرفوو ض1

بالنسبة للمقارنة من جهة النظري بين السنتين شوف من جهة كمية الشيتات .. تعتبر مررررره أقل.. تقريبا نص اللي بناخده في ثالث يعني متوسط الشيتات اللي ناخدها بالأسبوع في سنة ثالث لكل المواد تكون 5 - 10 شيتات لكن برابع.. 2-4 شيتات بس كمية المنهج أقل.. وأغلبها حاجات اخدنا فكرة عنها من قبل المنهج كتيير منه دراسة من الكتاب وخاصة الفيكسد عشان كدع ممكن تقل عدد الشيتات في مواد ما يعطوا شيتات ابدا.. لكن احنا عملنا تلخيصات وزاكرنا منها وكمان عشان بناخد المادة الواحدة مره واحدة بالأسبوع بس ! يعني عندك اسبوع كامل تقدر تقرأ و تمخمخ المعلومات براسك الين المحاضرة اللي بعدها غير العملي حقها بعدها على طول فيسهل مررره من جهة المعلومات.. منهج رابع أصعب ومعلوماته متقدمة الفرق الكبير يكون بالمزاكرة وكمييتها .. تقدر تقول 40 % أقل من سنة ثالث

حلوو حلوو . .

لا في سنه ثآلثه المعاناه كانت في كميه المعلومات الي ناخدها في الاسبوع مره مره كثيرر . .

غير الدوإأم متعب مره . . خمسه محاضرات في اليوم . . ما ترجع البيت الا تدور السرير تنام تصحى على اليوم الثآني والله هههههه

يب كل شي حتجيبوه في العيادات .. من الرابنق حق العيادة و الأدوات حقت التنضيف فيها .. والسماعات وأجهزة الضغط وتقدروا تستلفوها من أصحابكم بالبشري أفضل من شرائها ! وجهاز الضغط لازم اللي يكون يدوي وممنوع استعمال الالكتروني << اذا طلبة ال بشري ما اشتروا الجهاز .. احنا نجي ونشتريه !! لكن جبناه من صحباتنا في التمريض الحمدلله وخلاص عودوا نفسكم على الصرف المحترم من جيبكم ! واذا احتجتوا تودوا شغلكم لمعامل خارجية.. عاد هادي ضربه ع الراس "^^

يؤ احس دي الاشيآء المفروض الجامعه توفرها لنآ !!

طيب والي ما عندو اصحآب في البشري ايش يسووي يشتري يعني هع

ولا كل اثنين في سمااعه :p

ومين قال ممنوعه ! نص الدفعة راحوا مستشفيات خارجية وخلصوا بسرعه بدل مرمطة المستشفى الجامعي ! عندك المركز الطبي عنده كل التطعيمات .. لكن في تطعيمات غالية سعرها يوصل الـ 500 ريال .. أكيد خدوها من الجامعي "^^ بس أهم شي جيب ورقة التطعيمات وخلي الادارة الطبية تختملك عليها وخلاص يقبلوها

اها كووويس . .راح نشوف هما اعطونا موإأعييد نروح واذا زحمـه وتعال وارجع . .

حسويها براا واريح نفسسي

وأي استفسارات تانية اتفضل ولا يهمك =) واذا حاب تنقل الموضوع لمنتداكم.. اتفضل وإن شاء الله الكل يستفيد منه بس قلكم خليهم يجوا هنا وينورونا ليهم وحشة البنات بالقسم هنا ^^ ويصير لو في أي استفسارات يجوا يشاركونا

والله بيني وبينك المنتدى عندنآ مهجورر هههههه لا بنات ولا اولاد . .

ما صدقوا يخلصواا من السسنه طلقوه بالثلاثه :d

[مَـزٍآج ..}..]

المشاركة الأصلية كتبت بواسطة glamor mada ايوا صح .. امممممممم خلي اسئلة الكومون عندك لو سمحتي عشان بعدين لما نوصل ناخدها منك اوكي هههههه :p لاننا بنتعب عشان توصلنا وما توصلنا اساسا الا قبل الاختبار بساعات >_<

> مدري إأيش وضعها

شووف سنه ثاللثه مره مره مهمه الكومن ام سي كيوز . .

مفيده وتجي في الاختبآرات احيانا

الموهيييم

انا ما احذف شئ كلهاا عندي . . لو تبغاها ذكرني في بدإأيه السنه الجايه إن شآء الله

عندي ملف سنه ثالثه كلوو عاد انتآ خذوا ودور الاشياء الي تبغاها . .

والله يعينكم ع الكرف >> نكددي

[* رولا *]

الموضوع يحمس ويخوّف في نفس الوقت
أصلا أنا أخاف من دكاترة الأسنان من كتر ما لعبوا في أسناني
وما كنت أفكر أبدًا إني أدخل أسنان بس ربي هداني وحطيته أول رغبة

شكرًا د. نانوك :)

[PuRpLe_BoXeR]

بكل صراحة انا اتحمست مع انو لساعي اوريا
واخترت اول شي اسنان وإن شاء الله ادخل الكلية

[Dr~NanoOok]

تم تحديث الموضوع

بإضافة الكتب ومصادر المذاكرة لكل مادة



~

[سعود البلوي]

عااجبني الموضوع مع اني ماااني فاهم شي *_*

[ابر ماس]

مرررررررررره ممتع ومفيد واهم شئ العملي انا ماصرت اقرأ النظري على طووول انط ع العملي مررره حماااااااس
بس استغربت لما تقولي انه نجرب الابر في بعض طيب ايش عرفني يمكن تكون يدها ثقيله وتعورني :(
اكرر شكري الموضوع يحمس :)

[almr7r7]

السلام عليكم ورحمة الله وبركاته

بعد مرور سريع على الموضوع ومرور أسرع على الردود عندي نقطتين لفتت أنتباهي وحبيت أعقب عليها

النقطة الأولى

الجراحة والباطنية

الكلية تعاقدت السنة هذي مع أثنين من الدكاترة واحد للجراحة وواحد للباطنية فالنظام بيتغير فالمحاضرات والأسئلة بتصير من الكلية يعني الوضع إن شاء الله للأفضل


النقطة الثانية

اللي يتكلم عن د.هشام عثمان

للمعلومية أفضل دكتور في الشرح وأكثر دكتور يحضر للمحاضرة ومنصف هو الدكتور هشام
بالنسبة للأسئلة اللي يحطها الرجل يعطيك مستوى عالي من الشرح فطبيعي يعطيك مستوى أسئلة على مستوى الشرح والجهد اللي يبذله


وشكر للأخت اللي نزلت الموضوع لأخوانها القادمين للسنة الرابعة

تحياتي