قبول الطلاب والطالبات الغير سعوديين

[بحر الحرية]

المشاركة الأصلية كتبت بواسطة وفاء جدة الله يوفقهم... وجزاك الله خير على نقل الخبر

آمين ياارب ويوفقك أختي
شكراا لكي؛؛

[طوق الحمام]

شكراً على هذه المعلومات أخ بحر الحرية 000 ولكن لدي استفسار 00 هل القبول للدراسة 1431/1432أم العام 1432 / 1433؟؟
وانتظر منك الرد

[بحر الحرية]

المشاركة الأصلية كتبت بواسطة طوق الحمام شكراً على هذه المعلومات أخ بحر الحرية 000 ولكن لدي استفسار 00 هل القبول للدراسة 1431/1432أم العام 1432 / 1433؟؟ وانتظر منك الرد

أهلا أختي..
القبول يكون كل عام، لكن البدء ف الدراسة تختلف، ف بعضهم يبدأ من الترم الأول وبعضهم يبدأ من الترم التاني.. بحسب الوضع الجامعي وحسب أعداد المتقدمين وحسب التنظيم يعني..

ع العموم لو كان تبغي تقدي ف قدمي إنتي وإنشاا الله ربي يوفقك ويتجقق اللي تبغيه..

إنشاا الله أكون جاوبتك ولو في استفسار تاني أناا حاضر..

موفقه ياارب؛؛

[مرعوبه الدلوعه]

يسلمووووووووووووووووو

مرره شكرا

بس باقي سوال

يعني ما اقدم الا لمان تطلع نتيجة القدرات لانه نتيجتي لسى ماطلعت

وخايفه يفوتني التقديم

وطيب لو مثلا كانت نسبتي فالثانوي فوق التسعين

والموزونه تحت النسعين ممكن انقبل

واخر سوال

اش قصدك اصدق شهادة الثانوي ومن فين

[فديــــتني]

انا انقبلت بالجامعه عن طريق اني قدمت اوراقي للرجال ورفعوها وانقبلت الترم الاول الحمدلله وبنات قدمو معايا
وانقبلو الترم الثاني
هوا الموزون لازم يكون اكثر من 90 مو النسبه حق الجامعه هذا لو بتقدمي عن طريق الرجال ويرفعوها للوزاره
بس لو بتقدمي منحه من السفاره لازم تكون نسبتك حق الثانويه اكثر من 90 وهذي المعلومه متاكده منها

والله اعرف كثير ما بيعرفو دي الطريقه ونفسي توصل للكثير
ع العموم هما لو بحثو بيلاقو موضوعك اخوي بحر الحريه
الله يجزاك الخير

مرعوبه الدلوعه خلي احد يروح لعمادة الرجال ويسأله عن دا الشي لانو المواعيد هما ادرى فيها

[بحر الحرية]

المشاركة الأصلية كتبت بواسطة مرعوبه الدلوعه يسلمووووووووووووووووو مرره شكرا بس باقي سوال يعني ما اقدم الا لمان تطلع نتيجة القدرات لانه نتيجتي لسى ماطلعت وخايفه يفوتني التقديم وطيب لو مثلا كانت نسبتي فالثانوي فوق التسعين والموزونه تحت النسعين ممكن انقبل واخر سوال اش قصدك اصدق شهادة الثانوي ومن فين

أهلين أختي مرعوبة..
التقديم تقدمي عادي مافي مشكلة وتفتحي ملف ف الجامعة دحين يعني عادي تكتبي جنسيتك وتكملي التقديم عادي مع الطالبات دحين، وأهم شي تكتبي نسبة الثانوية والقدرات والتحصيلي أول ما تحصلي عليها تضيفيها، ولو افترضنا إنها ما نزلت من نفس موقع حق قياس فما في أي مشكلة لأنهم يرسلوها للجامعة الريدي يعني،
بس ف الغالب حتنزل خلال اليومين دي، ولا تنسي تأكدي الطلب ف الموعد المحدد، لكن ف الغالب القبول ما يتحقق بدي الطريقة لأنهم بيقولولك لم تتحقق شروط القبول ( عشانك غير سعودية)..
بس مو معنى كداا إنك ما تعمليها، لأنك ما تعرفي إيش ربنا يكتبلك.. وموعد تاكيد الطلب حيكون 2/8/1431هـ ، وتأكدي منوو ف موقع العمادة لأنووو مو راضي يفتح معايااا
فلو ما تحقق قبولك بالطريقة حق تقديم الموقع، تعملي الأشياء اللي أنا كتبتها ف الموضوع بحيث إنك تخلي أحد من أهلك يروح للعمادة وياخذ استمارة قبول الغير سعوديين ويعبي البيانات ويكمل الإجراءات بشكل عام يعني..
وبالنسبة لسؤالك عن النسبة: هواا أهم شي إنك تجيبي ف الثانوية العامة كحد أدنى 90% عشان يدرسوا طلبك ف القبول، لكن النسبة المركبة مو لازم تكون 90% لأنها تختلف من سنة لسنة قلتلك وتكون بحسب عدد الطالبات المتقدمات، يعني ممكن تكون 80 % وممكن تكون 99%، بحسب ما تحدد الجامعة كل سنة، وف الغالب محد يعرف النسبة دي إلا الجامعة.. بس إنتي ما عليكي إلا إنك تعملي اللي عليكي وتخلي الباقي على ربنا..
وسؤالك عن تصديق الشهادات، ف العادة نفس المدرسة تختملك على صورة الشهادات بختم مكتوب عليه صورة طبق الأصل، بس دي مو مهمة، يعني لو المدرسة عملتها أوك ما عملتها عادية جدا ومافيها مشكلة.. يعني التصديق مو مهم إلا لو طلبوه منك لمن تقدمي، واللي ياخد استمارة القبول خليه يسأل عن كل الأشياء المطلوبة..

الله يوفقك ياارب ويحقق لك اللي تبغيه، وأي استفسار تاني تحت أمرك..
دعواتك؛؛

[فديــــتني]

ما عندي خاصية الرسائل الخاصه
بس متاكده من المعلومه من سنتين لاني مو السنه الماضيه اللي قبلها انا قدمت
ممكن تغير السنه الماضيه الله اعلم
وتشكر لحرصك
كثر الله من امثالك

[بحر الحرية]

المشاركة الأصلية كتبت بواسطة فديــــتني ما عندي خاصية الرسائل الخاصه بس متاكده من المعلومه من سنتين لاني مو السنه الماضيه اللي قبلها انا قدمت ممكن تغير السنه الماضيه الله اعلم وتشكر لحرصك كثر الله من امثالك

الله يسعدك أختي ومشكورة ع ردك..
بس يمكن يكون النظام تغير بعد ما بدات السنة التحضيرية، لأنوو شكلوو انتي من طالبات 08 والكلام داا أناا شفتوو لطالبات 09، وحتى تأكدت من بنت الجيران قالتلي إنها تتذكر المكتوب نسبة الثانوية مو المركبة، لأنها بتقول إنها ما تتذكر كلمة مركبة ولا تعرف عنها شي لمن سجلت..

ع العموم الإنسان يبذل السبب مهما كان، ويجرب حظه لأنوو مو خسران شي لو جرب

والتوفيق بيد ربناا

مرة تانية شكرررا أختي؛؛

[ضياع الروح]

الله يبشركم بالخير ياااااااااارب
انا نسبة الثانوي 91

والله فرحتووووووووووووووني :)




ايوا بسأل عن تأكيد الطلب في الموقع
ما اقدر احط جنسيتي لأنهم حاطين خيارين .. سعودي أو مقيم من ام سعودية ..

[بحر الحرية]

المشاركة الأصلية كتبت بواسطة ضياع الروح الله يبشركم بالخير ياااااااااارب انا نسبة الثانوي 91 والله فرحتووووووووووووووني :) ايوا بسأل عن تأكيد الطلب في الموقع ما اقدر احط جنسيتي لأنهم حاطين خيارين .. سعودي أو مقيم من ام سعودية ..

أهلين أختي..
أعتقد السنة دي الغير سعوديين ماصاروا يقدروا يقدموا عن طريق الموقع، لأنوو لمن تكملي التسجيل يطلب منك رقم هوية الأم السعودية..

ع العموم ما عندك أي مشكلة، خلي أحد من أهلك يروح للعمادة وياخد الاستمارة حق القبول ويكمل الإجراءات والله يكتبلك اللي فيه الخير..

بالتوفيق ياارب؛؛