استفسار بخصوص امتحان مستوى الانقلش لطالبة قدمَت معاملة تحويل لانتظام أمس

[عبير منشي]

المشاركة الأصلية كتبت بواسطة ahlam gha السﻻم عليكم انا توني جاية من الجامعة انشويت من الشمس وتكسرت رجولي وانا ادوور مكتب رئيسة القسم ولمن لقيت المكتب وقفت استناها لين تخلص من اجتماعها هذا غير الزحمة والكتمة استغفر الله المهم عبورة هذا الاختبار مو بس للي يبغو يحولو في بنات كثير قاعدين يسجلو اسماءهم يعني تقدري تجي تسجلي اسمك وتعبي الورقة الي تعطيكي هيا مافي مشكلة اصﻻ ما راح يسالوكي بالتووفيق ي قلبي

الله يبشرك بالخير. عقبال يبشروني بالقبول في الانتظام.
بكرة ان شاالله ثمنية الصبح اكون عندهم مافي وقت دحين ..يارب مايقولوا مانقدر نسجلك أو متأخرة! مااستبعد شي عليهم.

ألف شكر حلومة

[نور الاسلام1]

المشاركة الأصلية كتبت بواسطة ahlam gha السﻻم عليكم انا توني جاية من الجامعة انشويت من الشمس وتكسرت رجولي وانا ادوور مكتب رئيسة القسم ولمن لقيت المكتب وقفت استناها لين تخلص من اجتماعها هذا غير الزحمة والكتمة استغفر الله المهم عبورة هذا الاختبار مو بس للي يبغو يحولو في بنات كثير قاعدين يسجلو اسماءهم يعني تقدري تجي تسجلي اسمك وتعبي الورقة الي تعطيكي هيا مافي مشكلة اصﻻ ما راح يسالوكي بالتووفيق ي قلبي

فين المكتب اللي يسجلو اسماء البنات .. انا رحت مكتب رئيسة القسم اللي عندو غرف كتيرة مكتوب عليها اعضاء هيئة التدريس اللغة الانجليزية وفي برضه حقون العربي هو هادا ...
اللي مكتوب على مكتبها مشرفة القسم اللغة الاوروبية وفوق في لوحه مكتوب رئيسة قسم اللغة الانجليزية ... هو هناك ... انا رحت للسكرتيرة حقتها الي في غرفة السكرتارية سالتها عن الاختبار قالتلي هادا للمحولين من قسم للقسم الانجليزي ... طيب فين اروح ...

[قلم شاعرة]

مشكوره عبارة والله سليق ورحت وسكنوا عند أبواب مكاتبهم بس تصررررريف شغال بكره بروح كمان ان شاااااالله وأشوف اخرتها

[قلم شاعرة]

اقصد عبوره سوري حبيببتي موفقه

[نور الاسلام1]

عبير كيفيك ..
انا مقدمة على المعاملة من 20 رمضان ! لما رحت للعمادة وصفيت طابور سالتها انو انا انتساب وممعدلي كذا وجايبة في الانجليزي كذا قالتلي تدخلي امتحان قبول .. قلتلها طيب لو مانجحت في الاختبار ... قالتلي تتخصصي في قسم تاني قلتلها اقدر ارجع انتساب قالتلي ايوة فيك ترجعي والله فرحت وبقدم قلتلها انا شهادتي قديمة ومقدمة على معاملة قالتلي روحي للغرفة الاتصالات اسالي الاستاذات هناك .. رحت سالت واحدة اسمها الاستاذة عيدة قالتلي معاملتك لسه ماوصلت ... نعمممممم من 20 رمضان ماوصلت ... قالتاي روحي راجعهم في السليمانية ... رحت اراجع رحت العمادة هناك غرفة 12 قالتلي مو عندنا انتي تحولتلي الفيصلية معاملتك هناك قالتها قالتلي راجعي السليمانية قالتتلي مالنااااا شغل انت في الفيصلية انا ومعيا واحدة زي حالتي والله الدمعة بتفر من عينها ... شحططونا ... وقتها عرفت انو شكل الموضوع كذب ومعاملتنا اترمت في الزبالة قلت اروح لليوبي او العميد وخليت اخويا يرحلو .. رجع اخويا قالي يقولك ودي اوراقك عند دكتورة نجوى .. كلية الاداب عالبال ماوصلت للفيصلية من السليمانية مع الحر والقرف كانت الساعة 1 وفوقها والعالم مشيت ... انا زهدت في الموضوع مرة ... مادري يمكن اروح بكرة يمكن لا ... بس انا مو داخلة مخي حكاية انو احول انتظام وممكن ارجع انتساب بعدين ... كيف يعني وانا مسوي اخلاء طرف ولغوني من الانتساب .... ماادري صادقين ولا

[قلم شاعرة]

نور الاسلام اذا تقصدين اختبار اللغه مبني الجوهرة اخر غرفه علي اليسار غرفه فيها مكاتب واحد بس مكتوب السكرتازيه وهي اسمها أستاذه صالحه هندها تسجيل اسمك ورقمك اذا تبي الاختبار

[نور الاسلام1]

المشاركة الأصلية كتبت بواسطة قلم شاعرة نور الاسلام اذا تقصدين اختبار اللغه مبني الجوهرة اخر غرفه علي اليسار غرفه فيها مكاتب واحد بس مكتوب السكرتازيه وهي اسمها أستاذه صالحه هندها تسجيل اسمك ورقمك اذا تبي الاختبار

الجوهرة هو كلية الاداب ..
مكتوب ابواب مدخل 4 و 2 وa و c

مو السكرتارية حقت القسم

ياليت توضحلي اكتر الله يسعدك

[عبير منشي]

اختي المتطلعة هم مايسألوا عن تاريخ الشهادة لكن من شكلها شهاداتنا اللي قبل خمس سنين تختلف عن الجديدة .
أنا ما قلت لها شي ناولتها الشهادة و على طول سألتني انتي متى متخرجة. عرفَت من شكل الشهادة انها قديمة.

نور الإسلام
انا رايحة بكرة أشوف لو يقبلوا يسجلوني فإمتحان تحديد المستوى وامري لله. و بسأل عن سير المعاملة مرة وحدة.
بخصوص المعاملة الله اعلم إنهم جالسين يصرفونا.

بدأت افكر اجلس انتساب و على تخصصي اللي ابغاه ارحم من مذلة عباد الله ربي يوريني فيهم يوم.

[نور الاسلام1]

المشاركة الأصلية كتبت بواسطة عبير منشي بدأت افكر اجلس انتساب و على تخصصي اللي ابغاه ارحم من مذلة عباد الله ربي يوريني فيهم يوم.

انا بجلس انتساب خلاص ... من 20 رمضان وانا رايحة جايه .. فطرت في رمضان لانو سفر وااستحمل حر جدة .. زي الكورة يرمونا على بعض خلاص ... اللي في غرفة 12 العمادة فرع السليمانية ياريتها تقرا ردجي هذا ... يامفترية ابسالك سوال مو تمشي وانا اجري وراك تكلمني كشحادة .... انا 3 الالاف اللي ادفعها من دم قلبي ذي هي اللي فتحتلك بيتك ونفختك النفخة هاذي الله لا يسامحهم ... وربنا موجود وشايف وبينتقم اشد انتقام وانا ماني مسامحة ... اش هي فتوى فقهي ... تحليل حرام ... اجتماع ولجنة تناقشي معاملتي .... جبنلاكم معدل 5 وو100 بالالكا ... قلت قدموا معاملة قدما راجعوا راجعوا راجعوا راجعنا .... وفي الاخير اختبار قبول للغة ماادري منين طلع ماشي موفقين نختبر ... وين المعاملة اللي لها شهر .... ماحد داري ... روحي السلمانية روحي الفيصلية روحي للنجوى روحية لفوزية روحي للمادة اليوبي الوكيل .... ليه من الاول ماقلتو ... شهادة قديمة ... ايوة لا الموضوع بسيط مو مسالة فقهية .... لكن خلاص زي ماقلت من امن العقوبة ... تفرعن ... حسبي الله ... حسبي الله ... حسبي الله

[عبير منشي]

المشاركة الأصلية كتبت بواسطة نور الاسلام1 انا بجلس انتساب خلاص ... من 20 رمضان وانا رايحة جايه .. فطرت في رمضان لانو سفر وااستحمل حر جدة .. زي الكورة يرمونا على بعض خلاص ... اللي في غرفة 12 العمادة فرع السليمانية ياريتها تقرا ردجي هذا ... يامفترية ابسالك سوال مو تمشي وانا اجري وراك تكلمني كشحادة .... انا 3 الالاف اللي ادفعها من دم قلبي ذي هي اللي فتحتلك بيتك ونفختك النفخة هاذي الله لا يسامحهم ... وربنا موجود وشايف وبينتقم اشد انتقام وانا ماني مسامحة ... اش هي فتوى فقهي ... تحليل حرام ... اجتماع ولجنة تناقشي معاملتي .... جبنلاكم معدل 5 وو100 بالالكا ... قلت قدموا معاملة قدما راجعوا راجعوا راجعوا راجعنا .... وفي الاخير اختبار قبول للغة ماادري منين طلع ماشي موفقين نختبر ... وين المعاملة اللي لها شهر .... ماحد داري ... روحي السلمانية روحي الفيصلية روحي للنجوى روحية لفوزية روحي للمادة اليوبي الوكيل .... ليه من الاول ماقلتو ... شهادة قديمة ... ايوة لا الموضوع بسيط مو مسالة فقهية .... لكن خلاص زي ماقلت من امن العقوبة ... تفرعن ... حسبي الله ... حسبي الله ... حسبي الله

حسبى الله ونعم الوكيل..

الله ينتقم لك و ياخذ لك حقك يا نور الإسلام وحقي وحق كل مظلوم.
أنا قلتها هداك اليوم من أمن العقوبة أساء الأدب .
هم مطمنين انه محد راح يحاسبهم .

وعلى بالهم بس الطالبة مجبورة تعامل المعلمات بأدب .. لا يامسلمات الاحترام والأخلاق مطلوبة من الكل تجاه الكل و كل واحد في القبر راح يتحاسب على كل كبيرة و صغيرة و أشد الحساب هو الحساب اللي يخص خصومات الناس وحقوقهم و مظالمهم.
واحنا ما قصرنا لا في احترام ولا في أدب

انا معاملتي انكتب لي من شوي في الاستعلام انها وصلت عندهم .
عاد متأكدة بكرة حيقولولي ما جانا شي روحي السليمانية ههه ! على اساس سواقي تحت رِجلي ينتظر اشارتي بس عشان يتشحطط معاي !
فأقل من اسبوع متكلفة 600 ريال روحة و رجعة مع التكاسي والليموزينات.
يرضي مين هذا غير ...؟!

و حتى لو انقبلت انتظام بكرة. الموظفة اللي كانت تسجل البنات فامتحان الانقليزي قالت لي أمس قدام البنات اللي لسى مااعطتنا العمادة رقم تخصيص في الانقليزي مااقدر اسجلها قلت لها طيب لما تطلع نتيجة معاملاتنا ؟ قالت انسوووو شي اسمه اعادة امتحان !

واحنا ايش ذنبنا في تأخر النتايج ؟!
ليش الفوضى و الاهمال و الاخطاء وسوء التعامل يجون منهم واحنا نتحمل ثمنهم ؟

الخلاصة لو انقبلت انتظام وعرقلوني في الانقلش راح اظل انتساب وادرس فتخصصي.