اسئلة تحتاج أجوبة سريعة .. خطة (ب)

[فائزة احمد]

السلام عليكم ورحمة الله وبركاتة

مسائكم عسل جميعاً ,, اشكر لك شخص تكرم ودخل للموضوع

بس بجد عندي اسئلة كثيرة مالقيت لها حل لسا ,, وترى أسئلتي ليست خاصة فيني بل جمعت كل سؤال طرحة اخ او اخت في باقي المواضيع ولم نجد اجابه

انا طالبة السنة التحضيرية انتساب - الخطة ( ب )

مثل مانتو عارفين ,, نزل لنا الجدول ,, وفرحنا فيه ,, ماشاء الله نزلت المواد ونزلت ارقام المباني والقاعات ,, ومن مثر مافتحنا عليه حفظناهـ ورتبناه زين على الوقت

لكن نتفاجأ الحين بأن الجدول تغير ,, وسار في اشياء غريبه ,, احنا كمبتدئين بالجامعه صراحه مانعرفها ,, ومافهمنا المقصود منها

يعني ببدأ بأسئلتي بشكل مباشر :


1. الان الجدول تغيرت اسماء المباني والغرف من مسميات وارقام ,, الى ( tba ) وصراحه ماني فاهمه ايش هذا الاختصار .


2. ثاني شي نزل نظام السنترا .. طبعا انا ماسمعت فيه غير هنا بالمنتدى ولا فاهمه ايش هوا بالضبط ,, كل اللي فهمته انه بما اني من الخطة المشؤومة ( خطه ب ) .. هذا يخليني اجلس في البيت ومالي حق احضر محاضرات مثل الخلق وافهم من شخص يتكرم و يشرح لنا ونناقش المحتوى .. بل بالعكس كل ماعلينا هو التسجيل في هذا النظام وانتظار المحاضرات وانتا جالس على السرير ,, ومنها تفهم ولا ماتفهم ولا تلحق ولا ماتلحق ويمكن تنام بنص المحاضرة .. يعني بالعربي ماهي حالة صراحه ,, احنا نطالب يكون لنا حقوق مثل باقي الطلبة والطالبات .. وان تقام لنا محاضرات فعليه داخل الجامعه ونحضرها ونتابع ذلك بشكل مباشر .


3. طريقة التسجيل للدورة التأهيلية .. كيف اسجل .. ومن وين .. لاتقولو لي من نظام الـ odus .. لاني فتحته ودخلت على التقويم الجامعي وشفته .. بس مافي اي زر اضغطة عشان اضمن تسجيلي .,. صراحه مافهمت كيف اسجل ,, ولا هل هذا الشي يحتاج اني اروح للجامعه واسجل .



4. الخطة التأهيلية اللي بتبدأ يوم السبت الين يوم الخميس ,, هل هذه خاااااصة فقط بخطة ( أ ) ولا أحنا المساكين خطة ( ب ) معاهم .. وان كنا مو معاهم ,, فمتى تكون دورتنا التأهيلية .. ولا مالنا حق كمان .


أرجووووووووووووووووووو التكرم والرد على تساؤلاتي ,, ولا تقولو تابعي مواضيع ثانيه لان اللي فيها مافهمته ,, ابغى رد واضح ومفصل هنا .. ولكم كل الاجر والمثوبة بأذن الله