جامعة الملك عبدالعزيز فرع بالقصيم ؟

[خلود الغلا]

الله يجزالك الجنة اخوي a_3b0o0di
واخواني الباقيين ماقصروا بعد الله يجزاكم الجنة والتوفيق
ماقصرت جاوبت عن كل الي في بالي وشرحت لي كل التخصصات الله يجزاك خير
مشكلتي ماعرف احد من القصيم بس سجلت بمنتدى جامعة القصيم وان شاءالله يساعدوني اكثر

بس انت قلت تقنيات التعليم تكاليفه متعبه وانا قالو لي ان تكاليفه 42 الف ؟ يعني الادارة التربوية اقل ؟
انا سجلت ببرنامج خادم الحرمين بالخارج السابع وقبلوني وكنت ناوية ادرس برا بس ماكتب لي الله والخيره فيما اختاره الله ~
و مستعده على التكاليف والدي دكتور ومشجعني اكمل دراستي بس ابغى شي مطلوب وانا احب الحاسب ودخلت انجليزي لان ماعندنا تخصص حاسب وفتح بعد مادخلت ودرست انجلش وان شاءالله اعوضه بقسم تقنيات التعليم ^_^
انا خريجة 1432 ان شاءالله اخذ دورات تدعمني في القبول
و الله يوفق الجميع يارب ~

[شواطئ البحر]

المشاركة الأصلية كتبت بواسطة خلود الغلا بس انت قلت تقنيات التعليم تكاليفه متعبه وانا قالو لي ان تكاليفه 42 الف ؟ يعني الادارة التربوية اقل ؟

---

التخصصات التربوية تكاليفه موحده في القصيم 63000ريال .
وفي جده 42000 ريال.

[طال إنتظاري]

حابة أسأل
تخصص مناهج وطرق تدريس هل فيه دكتوراة بالمستقبل
بفرع القصيم التابع لجامعة الملك عبدالعزيز

[خلود الغلا]

شواطئ بحر .. الف شكر على الرد ~

اما بالنسبة لسؤالك (طال انتظاري) ان شاءالله مايطول ويردون عليك ^_^

[عماد الحسن]

السلام عليكم ورحمة الله ،،حياكم الله جميعاً في المنتدى
ونتشرف بكم وبهذا التواصل الطيب في طريق العلم ونسأل الله القبول والتوفيق للجميع
استفدت كثيراً من هذه المناقشات الهادفة خاصة من طلاب القصيم جزاهم الله خير

حبيت أضيف معلومة بسيطة وهي أن عدد ساعات الماجستير التربوي بجدة =42 ساعة
تكافة الساعة الواحدة للدراسة =1000 ريال بجدة ، بينما في القصيم =1500 ريال
وهذا هو سبب اختلاف السعر بين الاثنين

المشاركة الأصلية كتبت بواسطة طال إنتظاري حابة أسأل تخصص مناهج وطرق تدريس هل فيه دكتوراة بالمستقبل بفرع القصيم التابع لجامعة الملك عبدالعزيز

أهلا بكم ،، حالياً لا يوجد بجامعة القصيم غير البرنامج التربوي بتخصصاته الثلاثة
ونأمل أن تزيد التخصصات وعدد المقاعد لأن الكثير يطالبون بهذا الموضوع،،
ولا تنسوا الماجستير في المناهج من جامعة أم القرى وهو يدرس بالقصيم الآن.

[طال إنتظاري]

أبوووووك يالصدمة
مستحييييييييييييييييييييييل
يعني مافيه ماستر مناهج وطرق تدريس

يقالي ضامنه انه فيه ماستر تخصص المناهج وطرق التدريس
وافكر بالدكتوراة



طيب معليش تخصص الادارة التربوية يتكلم عن ايش
وهل فيه امكانية انقل خدماتي من التعليم العام للعالي
ولو نقلت راح ادرس ايش بالجامعه بالتخصص هذا
لانه كاااااارهة التعليم العام




وبالنسبة لجامعة ام القرى شوي شروطهم صعبة
لانه سمعت يبون توفل ورسالة
وموضوع الرسالة احسه صعب شوي
كيف نتواصل مادام الدكاترة بمكه




سؤال اخير
السنه هذي فقط الثلاث اقسام هي الموجودة ماراح يفتح قسم مناهج وطرق تدريس


معليش ادري طولتها بس قسم مصدومة لي سنتين اجمع مني واخرتها كذا

[طال إنتظاري]

الله يخليكم ردوا على اسئلتي اللي فوق

[AL BASHA]

شكرا. و بارك الله فيكم.

[طال إنتظاري]

طيب بما انه مافيه مناهج وطرق تدريس

مامدى صعبة ماستر تقنيات التعلم علماً بأني اكرة الحفظ أحب افهم ؟ وهل نستطيع ان نجمع بين التدريس والدراسة مع هذا القسم؟

الشئ الثاني هل راح يكون فيه برنامج للدكتوراة للتوجية والارشاد للفرع التابع للقصيم؟

[هاني99]

السلام عليكم ورحمته الله وبركاته
انا في الرياض وودي اكمل الماجستر
هل يوجد ماجستير ادراة صحية او ادراة مشتسفيات من عزوز
وهل الدارسة تختلف من فرع وفرع مثلا جدة تختلف الدراسة عن فرع القصيم وشكرا ,,,,,