نداء لبنات الإعلام وبالأخص الي توهم اتخصصوا تعالوا نتعرف هنا

[كلي أمل]

يااااارب تاخذ اعلام دولي بجد نفسي ادرس عندها

[إراده]

أقلك د . أميرة النمر ان شاء الله تدرس من المواد الي أنا آخدتها هههههه


<< آنانية



يارب مادتك ومادتي

[woooow]

السلااام عليكم

كيفكم بناات انشاءاللله كويسين
جايه الجامعه ههه العوده للجامعه
انا اتخصصت اعلام وحبيت اشاركم وهادي اول مشاركه ليا
واخدت6 المواد الي نزلولي هيا >> المدخل الى وسائل الاعلام والراي العام والاعلام السعودي والخبر في وسائل الاعلام وعلم النفس الاجتماعي وثقافه
وازعجني انو لكل ماده في الاعلام بس شعبه واحده يعني مانقدر نغير بالوقت ولا بالشعب
وكمان مو مكتوب المدرسات !!
وفي تغيير بالخطه فجعني ماني فاهمتو !!
وبس يريت تقولولي الي اخدت علم النفس الاجتماعي مين المدرسه الي كويسه او سمعتو عنهاا
ويريت الي يكون عندها معلومه تخبرنا
و انشاءالله نكون مرتاحين مع المدرسات

[عندك امل]

السلام عليكم ورحمة الله وبركاته

في البدايه اعرف بنفسي انا طالب بقسم الإعلام ان شاء الله الترم دا راح اتخرج .

بما انو تخصصك اعلام وبما انو انا عندي الخبره في مواد هالتخصص وفلسفاته المتكرره احب اعرض لك موجز بسيط عن هالتخصص .

ببساطه هو تخصص ساذج فيه تكرار عجيب في مواده معتمد على مهارات الاتصال بشكل ممل

انا نظرتي وكلامي مهي احباطيه بس توضيح للصوره الطبيعيه للتخصص اللي احبه بعقلي دون ميولي العاطفي

فيه مواد جدا راقيه وتزداد رقى اذا كان اللي يدرسها دكاتره ممتازين عندنا في القسم

وبما انو رئيس قسم الإعلام اختارني كثالث افضل طالب بالقسم الترم اللي راح نتيجة جهودي مع الكليه وحضوري اكثر من اجتماع لها علاقه بتخصصي الاكاديمي والتطبيق العملي من جهة اخرى

احب اقول لك اذا كانت فيه نظريه اعلاميه او قضيه اعلاميه او مهاره في الاتصال او اي شي له علاقه بتخصص الاعلام انا حاظر عشان افيد واستفيد .خصوصا ان بعض المواد بتاخذوها عند دكاتره نساء .

[إراده]

أخويا أشكرك ...


طيب ممكن تقلي مين الدكاترة الجيدين عندكم ....


أيش مسارك ؟؟؟


معليش كترت الأسئلة عليك :)

[إراده]

woooow


نفس المواد مع بعض يشرفني إنك ح تكوني معايا


بس الثقافة مع مين أخدتيها في أي وقت ....؟؟؟


وعلم النفس الإجتماعي ؟؟؟

[إعلآمية]

السلام عليكم ورحمة الله وبركاته ..

ارادة لاحظت انك ماخدة خمس مواد والافضل انك تمشي عالخطه ست مواد

عشان لما ينزل جدولك عالسميسترات الجايه يكون مرتب بدون ماتسوي حذف واضافه

خصوصا اذا قفلت الشعب .

ثاني شي افضل دكتور يدرس مواد اعلام هو الدكتور انمار مطاوع انسان رائع

وخاصه انه مايطول في الشرح يعطيك الخلاصه والمضمون ..

واذا كان فيه مادة تاخذيها مع الدكتور راكان انصحك لاا لانه يطيل في الشرح ويسستطرد

ومكن تضيع المحاضرة ومو فاهمه اي شي ..

ثاني شي اذا تبغي مسساعدة في اي مادة من المواد من عيوني الاتنين

ماراح ابخل عليكي بشي ..

وشوكرا عالموضوع الحلو ..

[woooow]

اهلييييين اختي ايراده
اممم انا ماني عارفه لسا مضيعه بالثقافه ابغا اعرف مين هيا الي كويسه عشان متعقده منووووو
قريت هنا انو هاله كشميري كويسه بس انشاءالله اكون معاها
وانتي مع مين ؟
اما علم النفس الاجتماعي ايش دا ؟؟ ! اول ماكان موجود كان في ماده حره
يعني دي ماده حره ولا ايه ماني فاهمه
شايفه في الخطه انو مافي ماده حره اصلا حاسه الخطه اتشقلبت !!
المهم زي ماحطوني حطوني عند واحده استاذه اسمها هبه !! مين دي قد سمعتي عنها؟

[إعلآمية]

للمعلوميه ../

ترى الخطه في موقع الجامعه التابعه للاعلام ناقصه وخاطئه

مااعرف متى يعدلووها والله من السنه اللي فاتت ..

ولو تبغو خطه يصير انا انزلها لكم كامله ..

[woooow]

يريت تنزليها
الله يعطيكي العافيه