يعني بعد ما نوقع التعهد تطلع لنا الاحياء

[B.M.S]

يا ادمن حط احياء وانت مغمض فررصة لا تروح عليك وادعوا لنا الا الان ماتغيرت تخصصاتنا

بالعكس ليش احياء صح انو مررررره اسهل من الفيزياء و الكيمياء بس حطي في حسابك انو حتاخذيه بالانجليزي

الفيزياء حيكون اسهل مارح تحتاجي تفهمي الا المسائل و قليل من التعاريف مع اني ما اتوقع يكون في

بس الاحياء حيكون انجليزي من اولوا لاخروا احس الحفظ حيكون اصعب في هذي الحاله !!!

انا ابغى نتيجة التحويل حقي تطلع عشان اروح اوقع التعهد

[Adel Al-Amoudi]

لو يحطوا كيمياء و احياء و فيزياء و انجليزي و رياضيات كمان , كل مواد العلمي
ما اخترت و لا راح اختار الا الفيزياء !

[Admen]

والله يا صاحبي خلاص حذفتها وانا تعبت صراحه كل شوي اتخذ قرار مدري وش يبي لكن لو تشوف وحده من الردود الي فوق ان واحد راح وكمان خيروه بين الثلاثه وبكره كمان بروح الشئون التعليميه وبتاكد لاني تعبت

[Admen]

طيب بقولكم شي انا العام الماضي دفعة 09 كنت مسار علمي قبل اسحب ملفي واحول اداري ونجحت بالاحياء مع اني ما ذاكرت بنك الاسئله الا بالنهائي وربطت كلمه من السؤال بس بالجواب ومشيت اموري وجبت فوق 35 بالنهائي والكيمياء رسبت فيها وعلى فكره نزلت الموضوع بقسم المسار العلمي وقلت وش تنصحوني وهم تو منتهين من التحضيري وجربوها كلها كلهم قالو احياء وانت مغمض

[TURKI ALharbi]

ادمن لا تاكدت بالله عليك تجى وتسدح موضوع هنا انا وممكن 4 من الشباب من برا جده ولا نقدر نطلع لجده
فاذا تقدر تسدح لنا الهرجه الى تصير معك بشؤون

[Admen]

ابشر من عنوني مع اني شبه متاكد وتهورت وحذفت الفيزياء ولحد يحذف الين اتاكد 100 % بس في واحد هنا نكه راكان راح وخيروه بين ال 3 مواد وجاري البحث عن الموضوع

[TURKI ALharbi]

تسلم عيونك يادمن وننتظرك بكره من 9 وانا بالمنتدى <<< عسكريه هع

[عا(الصمت)شق]

المشاركة الأصلية كتبت بواسطة b.m.s بالعكس ليش احياء صح انو مررررره اسهل من الفيزياء و الكيمياء بس حطي في حسابك انو حتاخذيه بالانجليزي الفيزياء حيكون اسهل مارح تحتاجي تفهمي الا المسائل و قليل من التعاريف مع اني ما اتوقع يكون في بس الاحياء حيكون انجليزي من اولوا لاخروا احس الحفظ حيكون اصعب في هذي الحاله !!! انا ابغى نتيجة التحويل حقي تطلع عشان اروح اوقع التعهد

صراحة اتفق معك ..
وبالتوفيق ,,,,

[Adel Al-Amoudi]

ادمين انا بكرا تحصلني هناك مسنتر ..
اصلن انا رحت الاسبوع الي راح يوم الاحد , كانوا محطيني محاسبة - عام و غيروها لي محاسبة(خطة جديدة)
و حتى بنفسي طلبت توقيع التعهد هو ما قالي شي .. تخيّل هههههههههه ..

بس و كان في التعهد يا فيزياء يا كيمياء معقولة كل الشعب الي وقع يرجع يوقع ثاني عشان فيها احياء ؟
و اخرتها بس مادة من الثلاث المواد .. حاجة غريبة !!
نفسي اعرف يش راح نستفيد لو درسناها او ما درسناها ؟ ماني شايف اي هدف ..

ترى انا ما احب الا الفهم , اكره شي اسمه حفظ + انجليزيتي يعني تمشي الحال ..

عموماً زي ما قلتلك انا بكرا هناك بكون الساعة 10 ممكن او بعدها بشويات ..

[Admen]

اجل احفظ شكلي انا الي بالصوره الرمزيه بس مكدش حبتين ^_^ اذا شفتني عرفني بنفسك