استخرت والحين دوركم

[جيزان]

المشاركة الأصلية كتبت بواسطة بيو كيميائية ^_^ طب الأسنان ترا معروف أنا الوظايف مرة قليل ومعدلها ماشاء الله مرة حلو الله يرزقها يارب بس لكن الطب يبون كثير لكن المشكلة في الربيعة قاعد يجيب أجانب وتاركـ عيال البلد آهـ بس قهر

س انها متخرجه من ابن سينا عشان كذا مااحصلت واختها طب بشري وتبي تحول عزوز بس الجامعه مرررة رافضه الا معدل 5 من 5 لانها من جامعه اهليه,,,, وبنت جيرانا متخرجه من عزوز كمان طب اسنان ولسا ماجاها قبول

[oOSOMAOo]

حبيبتي جيزان انا شايفتك متردده في دخولك للطب .... فدا استخيري ربنا وهو الي ييسرلك امرك ان شاء الله

اما بالنسبة للوظايف يعني من وجهة نظري انو تدخلي الاحياء افضل و في فتحو تخصص جديد الي هو الجينوم ( الهندسة الوراثية ) دا من ناحية اذا تبي وظيفة فدا مرغوب دي الفترة وكمان كملي ماستر اضمن عشان اذا ما حصلتي شغل في مستشفى تدوري في الجامعه وتصيري معيده ..... او تكملي ماستر في شي طبي انتي تحبيه عشانه متعلق بالاحياء

و على الوظيفة انتي ما تدري ربنا كاتب لكل واحد فين يلقى رزقه بس انتي ركزي حاليا انتي ايش التخصص الي راح تبدعي فيه

وبزيد دا معلومه مو للتحبيط ولا شي بس للمعلوميه ( في قريبي اتخرج طب بشري من جامعة امريكية في امريكا و جا هنا ما لقى وظيفه ... و دور دور لقى و ظيفة في عياده بس مساعد وراتبه 2000 هو دا متخرج من امريا ومعتمد فمدري السعودية تخلي الاجانب يشتغلو وما تشوف بنات و شباب بلدها يحتاج للشغل اكتر ~___~ والله يعين اسفه على الاطاله

[بيو كيميائية ^_^]

الله المعين بس


حتى الطب وصلتها البطالة :(

والمشكلة إنهم يناقضوا نفسهمـ يقولون نبي كادر طبي سعودي ويجيبوا أجانب

هو الأجانب صاروا سعوديين وإحنا أجانب

شيء يحزن

[جيزان]

المشاركة الأصلية كتبت بواسطة oosomaoo حبيبتي جيزان انا شايفتك متردده في دخولك للطب .... فدا استخيري ربنا وهو الي ييسرلك امرك ان شاء الله اما بالنسبة للوظايف يعني من وجهة نظري انو تدخلي الاحياء افضل و في فتحو تخصص جديد الي هو الجينوم ( الهندسة الوراثية ) دا من ناحية اذا تبي وظيفة فدا مرغوب دي الفترة وكمان كملي ماستر اضمن عشان اذا ما حصلتي شغل في مستشفى تدوري في الجامعه وتصيري معيده ..... او تكملي ماستر في شي طبي انتي تحبيه عشانه متعلق بالاحياء و على الوظيفة انتي ما تدري ربنا كاتب لكل واحد فين يلقى رزقه بس انتي ركزي حاليا انتي ايش التخصص الي راح تبدعي فيه وبزيد دا معلومه مو للتحبيط ولا شي بس للمعلوميه ( في قريبي اتخرج طب بشري من جامعة امريكية في امريكا و جا هنا ما لقى وظيفه ... و دور دور لقى و ظيفة في عياده بس مساعد وراتبه 2000 هو دا متخرج من امريا ومعتمد فمدري السعودية تخلي الاجانب يشتغلو وما تشوف بنات و شباب بلدها يحتاج للشغل اكتر ~___~ والله يعين اسفه على الاطاله

شوفي حبيبتي مو حكايه متردده يعني مثلا لو انقبلت تمريض هنا في عزوز او طب بشري في جامعه اهليه ,, اكيد بدون تردد راح اختار تمريض لاني يكفي اني اكون متخرجه من جامعه حكوميه وليا حق اتوظف في اي مكان مستشفى حكومي او خاص ومستقبله مضمون
بس انا اشوف قدامي قريبتي لها 3 سنين من ابن سينا ومااتوظفت لحد الان طيب امكن لانها جامعه اهليه ,, وكمان وحده طب اسنان من عزوز لها فوق السنه ولاتوظفت لحد الحين لانهم مكتفين على كلامهم
وانا بكون اهليه يعني فين بيرموني ؟؟
انا فكرت بكل كلمه قلتوها ليا وجاسه استخير وافكر بأيجابيات وسلبيات
والله لحد الان مااشوف سلبيات في الاحياء والحمدالله انا دخلته عن قناعه وحلمي ونفسي اتخصص هندسه وراثيه ولو اضمن اني راح ادخل هالتخصص ماافكر اروح طب في اي مكان وفي اي جامعه ووفي الصيف جاء برنامج في قناه الجزيرة تقولي صاحبتي هالتخصص صار افضل من خريجين المختبرات وهالشي مرررة فرحني كثير
بس انتي عارفه كل الدنيا تبغا هندسه وراثيه 300 طالبه تبغا هندسه وراثيه الله واعلم كيف راح تكون التصفيه ,,وانا والله مااضمن اني اجيب فوق 85 في بيولوجيا الخليه يعني فيه اشياء قدامي كثير وبااقي طريق طويل للأحياء


ولو كمان افكر بالطب حلو لاني راح استفيد اشياااء كثيرر في حياتي واول شي حققت حلمي واكون فخورة بنفسي حتى لو جلست بالبيت اكون سويت شي انا حلمت فيه بس في نفس الوقت حرررااام اخر هذا كله جلسه البيت

عشان كذا انا محتااااره

[BlackX]

اول شي ابغا اقولك هوا بخصوص البترجي
صراحه ماعندي علم اذا هيا معترف بيها او لا
لكن عندي وحده من صحباتي في الثنوي كانت في عزوز معايا وبعدين راحت البترجي بس من العام
المهم بالنسبه لطريقه دراستهم حسب كلامها تقول زي المدرسه دوري بعد كل فصل<طبعا هادا على اساس انك قولتي انك ماتدري لو تمشي ولالا يعني مررره سهل
والبنت كانت نسبتها في الثنوي 93 ومشالله مره ماشيه تمااام في البترجي ومبسسسوطه
تاني حاجه .. صح كلامك بالنسبه للاحياء مااحبطك بس بقولك حطي كل الاحتمالات لو لاسمح الله ماقدرتي تجيب المعدل الي هما طالبينو 4 ونص ايش حتتخصصي!!
بالنسبه للوظيفه .. الارزاق بيد الله وانتي عارفه في كتير ناس متخرجين من اقسام مو داك االشي واتوظفو وناس من احسن الاقسام (طب مثلا) وجالسين في البيت
فلا تفكري في المستقبل لانو كل شي ربي كاتبو
واحب اضيف كمان انوو في بلدنا وهوا وااااااااااقع لو جبتي 5 في عزوز في الطب لنقول
وجات وحده من جامعه اهليه وعندها (واسطه) هيا الي حتتوظف وكلنا عارفين
وواقع وشوفتو بنفسسسسسي ...
فـ الله يوفقك ويختارلك الخير حيث كان..
معليش على التطويل

[Bella LuLu]

الله يكتبلك اللي فيه الخير ياااارب ... انا كمان تقريبا نفس حالتك ومحتارة الله يعيين بس

[angel--girl1991]

لالالالالالالالالالالالالالالا ماعليه فرق السما عن الارض ايش جاب الاحياء عند الطب
وسواء اهليه ولا حكوميه ؟؟؟ السعوديه فيها عجز اطباء وغير كدا سواء لو فيه اكتفاء من تخصص معين من الطب يعني الطب له اقسسسام واااسعة جدن وماهو موجوده هنا في السعوديه يعني الطب نقطة انطلاق لمستقبل وتخصصات جديدة يعني انا زي حالتك ادرس احياء ونفسي كان في طب وصراحة نظرتي اليمة !!! لكل وحده طالبه طب او طبيبه مو حسد بس زي اني منكسرة لانو ماحققت حلمي لكن العوض ع الله
فيعني نصيحة من اخت الى اخت من اهليه ولا من بطيخ هدا طب مو لعب وبعدين لما تتخرجي راح تختبري اختبار الهيئة كل من اهليه ولا من حكوميه ولا من برا لازم يختبروه علشان يطلع لهم شهادة مزوالة مهنه يعني بالعكس راح تضيعي عليكي فرصة وحتى لو مااتوظفتي بسسرعة اسمك اولى من تخصصات باقية مالها لا مستقبل ولا مكان اصلن ههههه زي بعض الناس في كليه العلوم هههههههههههههههه
والأمر راجع ليكي وعن طموحك
واستخيري كمان علشان تكون اخترتي صح علشان ماتندمي
واتمنى انك تكوني شجاعة مع نفسك في اتخاد قرار صعب
والله يوفق الجميع ويحقق احلامنا <<<<<سمعوها آآآآمين ههههههههههع