أي أستفسار أتفضلو

[FrfoSha]

^

لا ياعسل الاثنين ..

اللابكوت رآح نلبسه في اللاب ان شاء الله

و السكرب حيكون هوآ اليونيفورم

[D.Roody]

طيب عندي سؤال تاني

دحين الجامعه فيها فروع كتيره
الطب في السليمانيه بس ولا في كل الفروع ..؟

[بطوطة]

المشاركة الأصلية كتبت بواسطة frfosha ^ لا ياعسل الاثنين .. اللابكوت رآح نلبسه في اللاب ان شاء الله و السكرب حيكون هوآ اليونيفورم

اها مشكورة اختي ماقصررتي

[JuStice]

المشاركة الأصلية كتبت بواسطة MR.Google تقصدي لي مقال سوق حراء الدولي عند البيك والطازج؟؟؟؟؟؟؟؟؟

.

محل Scrubs موجود بـ سوق دانية في شارع حراء عاليسار بعد البيك بـ شوية ,

والمحل في الزاوية وهو أفضل محل سكرب .. مافي تفصيل عنده .. كله جاهز وأسعاره مو رخيصة لكن الخامة حلوة (:

.

[بطوطة]

المشاركة الأصلية كتبت بواسطة d.roody طيب عندي سؤال تاني دحين الجامعه فيها فروع كتيره الطب في السليمانيه بس ولا في كل الفروع ..؟

الطب للبنات بس في السليمانية وباقي الكليات الصحية كلها في السليمانية

اما للاولاد عندهم فروع في شمال جدة ومتري وين

[*xx*]

اختي انا عندي استفسار وابغى استشارتكم انا انقبلت ولله الحمد ماجستير كيمياء حيوي ونفسي احول لماجستير كيمياء حيوية سريرية اش رايكم فالقسم؟؟؟ وهل له مستقبل؟؟ واذا تقدري تسألي لي اش الشروط المطلوبة لتحويل ؟؟؟ والله يعطيك العافية يارب ونشوف احسن دكتورة ان شاء الله وسامحيني راح اتعبك معايه
ولك جزيل الشكر.............!

[RealityLover]

استفسار عن امكانية التحويل من جامعة الطائف كلية الطب الى كليتكم بعد السنة الاولي؟ ويعطيك العافية

[Dr.AlJuhani]

بالنسبه للمكان زي ماقلتو
أما البناطيل عادي تلبسوها أصلا الأغلب بيلبس بناطيل
بس بليز لاتسوو حركات الجامعه الثانيه
بناطيل سكيني ومدري أيش
البناطيل تكون واسعه والله شكلكم يكون مرتب أكثر...ويعطي أنطباع أنو أنتي طبيبه مو وحده رايحه الشلال
...
وبالنسبه للزي ...هوا لازم تلبسي السكرب وفوقه اللابكوت((والبعض احيانا يلبس الجينز أو بناطيل ثانيه ..لكن الزي الرسمي هوا السكرب وفوقه اللاب كوت زي ماقلت))
....
وبالنسبه للأخت نوني قيرل والله ماعندي جواب لسؤالك أتمنى اللي يعرف لايبخل علينا بالاجابه

[Dr.AlJuhani]

المشاركة الأصلية كتبت بواسطة D.Roody طيب عندي سؤال تاني دحين الجامعه فيها فروع كتيره الطب في السليمانيه بس ولا في كل الفروع ..؟

اللي أعرفه أنو الطب للبنات في السليمانيه فقط

المشاركة الأصلية كتبت بواسطة *xx* اختي انا عندي استفسار وابغى استشارتكم انا انقبلت ولله الحمد ماجستير كيمياء حيوي ونفسي احول لماجستير كيمياء حيوية سريرية اش رايكم فالقسم؟؟؟ وهل له مستقبل؟؟ واذا تقدري تسألي لي اش الشروط المطلوبة لتحويل ؟؟؟ والله يعطيك العافية يارب ونشوف احسن دكتورة ان شاء الله وسامحيني راح اتعبك معايه ولك جزيل الشكر.............!

بالنسبه للتحويل الداخلي في الجامعه أنا والله ماعندي فكره عن الشروط كويس لنو هيا بتتغير من سنه لسنه لكن نصيحتي أنك تدخلي هذا الرابط وتشوفي الشروط
http://admission.kau.edu.sa/AccessPa...=AR&SYS_ID=124

المشاركة الأصلية كتبت بواسطة RealityLover استفسار عن امكانية التحويل من جامعة الطائف كلية الطب الى كليتكم بعد السنة الاولي؟ ويعطيك العافية

وهذا بالنسبه للتحويل الخارجي
http://www.kau.edu.sa/admission/MAIN...erv_2_1_0.aspx
لازم تجيب معدل عالي وتحول هذا اللي أعرفه وأتوقع لازم تكون المواد حقت سنه أولى تقريبا نفس المواد هنا
لكن برضو شوف الرابط وان شاء الله يفيدك

[مـــآجد]

سلام عليكم
بالنسبة للسكرب ايش راح يكون اللوون .؟