هنا تجّمع بنات المحاسبه (حست في القروبات الثانيه) :)

[lolipop]

المشاركة الأصلية كتبت بواسطة بنت من الجامعه يابنات المحاسبه واولادها عندي بعد الأسئله حابة أسألها عن القسم ممكن تفيدوني ؟؟ أولا : سمعت انو بنات المحاسبه ياخدو مكفئهاعلى من التخصصات التانيه يعني 900 ايشمعنا ؟؟ يعني ايش شي مميز في المحاسبه عشان يعطوهم مكافئه اعلى تانيا :: مين أتخرجت كده ولقت لها وظيفه بسرعه زي الحلوين يعني ماجلست سنه عاطله في البيت :( وفين اتوظفت ؟؟ وكم اخدت راتب >>>لقاافه يعني انا حابه اخد فكرة عن الوظايف مستقبلا ايش وفين وكم ............ الخ ياليت تفيدوني يا جروب واسفه على أسألتي اللي مالها داع بس حابه اخد فكرة لغرض في نفسي يسلموووووووووووو

صباح الخير يا محاسبيات

افا عليكي تستهوني بينا احم احم
ايوه مكافئتنا عاليه << على راسنا ريشه
990 ريال سعودي
اللي يميزنا انو نحنا القسم العلمي الوحيد في طليه اداره واقتصاد
بالنسبه للوظايف مدري بس ان شالله ربك كريم

و تشكرات

[الريمـ]

اما انا خبرتي كلها سسنه >> لاني محوله من كليه ثانيه ..

اخذت محاسبه 101 مع استاذة صفيه // ما كاااانت تشرح بس طييييييييبه مررا و تعيد الاختباارات حقتها و عندها اختبار تحسيني ..

و محاسبه 102 مع استاذة ريمـ صقر // كان شرحهاا عاااادي مو قد ما سمعت فيهاا اسئلتها فيها صعوبه شوياا يبغالها تركيز ..

اخذت اقتصاد كلي مع استاذة عبله بخااري // كاااااانت بجد ورررعه و شرحهاا حلوو صح عرض بور بس تشرح و لو سالتيها تجاوبك اختباراتها تعتبر سهله و كان عندها واجباات ..

اما الجزئي اخذتو مع عفاف عايد // شرحها حلو بس اسائلتهاا عرفي و عددي فكرتني بآيامـ المدرسه لووول

تحليل كمي 2 اخذتو مع سلوى صاابر // شرحهاا مششي حالو تحل نص المساله و البااقي انتي كمليه كرهتني في المادة والله ..

نقود و بنوك مع لمياء ششه // ملزمتها قلييييله بس مو مفهومه و ماتشرح تقرا من الملزمه حقتها اسئلتها فيها صعوبه لو ماكنتي حاااافظه تماام

قانون تجاري مع امل شلبي // ما حبيتها صرااحه و المادة حفظ و غلسسه ^^"

ما اتوقع بقييت مواد هع

بس باسال بحوث عملياات ايش رمزها و رقم المادة ؟ >> ان شاء الله اخذها اختياري

[تورللي]

بحوث عمليات >> bus 322

[deep smile]

السلام عليكم

انا مستوى سابع قسم محاسبة يعني عندي خبرة شوية

* محاسبة 101 اخدتها مع نهال الجندي هيا طيبة واسئلتها سهله في الاغلب من الي تحلها في المحاضرات بس المشكلة انه ما ينفع تاخدي معاها مادة زي 101 لانها اساس لاشياء كتير .
* محاسبة 102 مع سارة بكر هادي الانسانه مبدعة وانصح الكل ياخد معاها .
* محاسبة حكومية مع اميمة خلاف مرة طيبة وشرحها حلو وتسهل المادة عليكي قد ماتقدر .
* محاسبة متوسطة 1 مع صباح الغامدي شرحها مرة ممتاز وملخصها الي تكتبي معاها كل شي مشروح فيه يعني حتى لو ما كنتي مركزة في المحاضرة تقدري تفهمي من الملخص .
* محاسبة متوسطة 2 مع صفية هادي الانسانه لا تعرف تشرح ومحاضراتها مو مرتبه وجدا مملة ما ادري كيف عديت من المادة معاها ..... مرة ما انصح احد ياخد معاها .
* محاسبة تكاليف 1 مع اقبال خاطر هادي الانسانه مرة شديدة بس شرحها مفهوم والي يذاكر اول باول ويحل التكاليف حقتها راح يجيب درجات معاها .
* محاسبة تكاليف 2 مع فاطمة كمال المادة سهلة وشرح الاستاذة يساعد .
* مراجعه 1 مع الاستاذة سارة بكر .. المادة نظري ومرة رزلة بس الاستادة مرة سهلتها علينا الله يعطيها العافية .
* محاسبة ادارية مع انيسة تركستاني المادة مرة طويلة بس اسلوب استاذة انيسة مرة حلو واسئلتها سهله .
* نظم معلومات محاسبية انا اخدتها مع شريفة بس ما انصح احد ياخد معاها اسئلتها صبعة وما تساعد ومحاضراتها جدا ممله يعني اذا تقدري تاخدي المادة مع احد تاني يكون افضل ..

هادي مواد القسم الي اخدتها الي دحين إن شاء الله اكون افدتكم

[osa]

انا تجربتي كالتالي....
محاسبة 101وحكومية/انيسة مره ممتازه كشرح وكأسئلة (لكن هذا السمستر صديقاتي يقولو انها جابت اسئله صعبه )
محاسبة 102/سارة طبعا سمعتها تكفي وتوفي علاوة على انه المادة مره سهلة
متوسطة1/فاطمة كمال مرررره ممتازة في الشرح لكن تجيب فكره في الاختبار يعني شي شرحته لكن تسأل عنه بطريقة ثانية
تكاليف1/عيشة السيد مااقدر اقول انها ممتازه لانه تتعبي معاها في التركيز في المحاضره واسئلتها حلوه ماتلف وتدور

[قحطان505]

السلام عليكم اخواتي ...........
انا هاذا اول سمستر لي في التخصص إن شاء الله يعدي على خير بس سؤال اش تنصحوني اخذ ماده حره ماني عارفه؟؟؟؟

[دلوعة الكل]

عيدكم مبارك
وان شاء الله تكون سنه دراسيه خير على الجميع

^^^^^^^^^^

المواد الحره .. انا ما اخذت غير مادة وحده
فقه العبادات وماانصح اي وحده تاخذهاا
وخاصة مع استاذه منيره المريبط .. اعتقد انو اسمها كدا
مررره المادة طويله
وبس

[دلوعة الكل]

اما المواد في قسم المحاسبه
اخذت :
محاسبه 101 مع الجوهر القحطاني .. شرحها كويس بس مرره سريعة
محاسبه 102 مع ريم صقر.. ااستاذه مرره ممتازه
تكاليف1 مع رغداء الرملي حلوو شرحها.. واسالتها سهله
ماليه شركات مع نسمه حشمت .. مررره ممتازه .. بس اسالتها فيها شويه من الصعوبه
متوسطة1 مع نهال الجندي .. مو داريه عن عمرهاا. بس اسلتها مرره سهله
وبس هذا اللى اخذته الين دحين
وبالتووفيق للجميع..

[حأقعد عالكاشير]

بحوث عمليات حلوه وسهله اذا كانت مع امل تركستاني بس

لاتاخذوها مع اي احد ثاني

امل وبس والباقي خس خخخخخخخخ

تسهلك الماده وشرحها حلو واسئلتها من شرحها وتعطي بونس للي يستاهل متفهمه كمان

تاخذي درجه عندها بالراااحه

انصحكم تاخذو عندها

وبالتوفيق

[حروف البسمه]

مشكورين يا بنوتات المحاسبه وشكرا يا حأقعد عل الكاشير حمستيني لبحوث العمليات

و الماده الاختياريه اخذتها مع نسرين خياط سلوك تنظيمي نفس تعليق اختي my silent story

تحياتي