بنآت بايو كميستري

[banoota mnkoosha]

مبرووووووووك ... بالنسبة للمواد ..

bioc 201 = د. امينة مدحت ,, بالراحة تاخدي اي بلس معاها ,, شرحها حلو واسألتها حلوة كمان ,,

chem 201= د. امل الحسني ,, صراحة راااااااااائعة ..

bio 201 = د. سمر رباح ,, برضو كويسة ,,

الثقافة مافرقت خديها مع اي احد .... اما العربي حاولي تاخديها مع هدى البطاطي او تيسير الشريف ...

بالتوفيق ياقمر ...

[miss estakoza]

اهلا وسهلا حبيبتي .. نورتي القسم .
والله القسم حلو ولايغرك البنات اللي يقولو صعب لأنو كل بنت حتقولك شي شكل ..
بس والله الدكتورات اللي اخذت معاهم كلهم طيبين ويفهمو ويدوكي حقك ..

الجنرال Bioc201. مع دكتورة هالة سنبل والله دكتورة هالة تساعد كتير ولو تروحيلها خمسين مرة في المكتب ماتقول شي بالعكس مرة خدومة

ايض 1 Bioc 211- اخدتها مع دكتورة نجلاء الشريف وهادي انسانة راااااااقية بمعنى الكلمة تشرح من قلبها بس الأسئلة كمان من قلبها بس لاتحملي هم لانو نو واي تطلعي من المحاضرة وانتي مانتي فاهمة..

انزيم Bioc231- دكتورة سوسن خوجة اصلا المنهج سهل ولو انو طويل والدكتورة اسئلتها سهلة ومرة تساعد في الدرجات

ايض 2 Bioc312- انتبهي تاخدي مع وديعة لاااازم تاخدي مع كريمة سيد صح المنهج طويل بس والله تبرد قلبك في اسئلتها مررررررررة موية عكس وديعة الي البنات يبكو من اسئلتها

تغذيةbioc314 - العادة تديها دكتورة مديحة الصيني المادة سهلة والأسئلة سهلة الدكتورة طيبة .. يعني اخر حلاوة

هدولا اللي انا اخذت معاهم واخدت كمان غير عضويةbioc301 مع دكتورة اماني فاروق حسين مرة شرحها روعة وتدي تحليلية وايض1 كمان واخدت طاقة حيويةbioc331 مع دكتورة صفاء قستي رئيسة القسم للأسف بالنسبة ليه مرررة كانت سيئة لو قدرتي خدي المادة هادي صيفي ..

بالنسبة للمعامل فيه استاذات كويسين يعني لو قدرتي تاخدي معاهم بركة زي عبير بنجابي وايات الغفاري وهديل السفياني ومنى بادحدح هدولا اللي جربتهم بس والله مادري عن الباقي فيه هدى الشيبي تشرح كويس بس اسئلتها صعبة وتموت في التحويلات ..

يارب اكون افدتك يا قلبي وان شاء الله يعجبك القسم لازم تتلخبطي اول وحتخافي بس كل شي حيسهل معاكي ان شاء الله
تحياتي

[DNA..~]

يسلموووو صبايا

والله يوفقكم دنيآ وآخره

^_*

[Joooooj99]

انا نزلت بالنسبه لأول سمستر كيمياء عامه مع /عائشه قنش،،،،معمل احياء/نضال زبرماوي،،،،كيمياء حيويه/مريم عبده الغامدي،،،،،،وآمن وسلامه /مديحه الصيني (ابغى رايكم بالنسبه للدكاتره ذولا ًونصيحتكم للمواد دي الي نزلتها

[optimi]

بنات الله يسعدكم هو كم ساعة مطلوبة بالترم ، ابغى أتأكد 18 ساعة هي ولا كيف؟
وايش الخطة الدراسية الأساسية قبل الحذف والإضافة؟
أتنمى تساعدوني في استفساري
وجزاكم الله الجنة

[الشيمآء]

المشاركة الأصلية كتبت بواسطة optimi بنات الله يسعدكم هو كم ساعة مطلوبة بالترم ، ابغى أتأكد 18 ساعة هي ولا كيف؟ وايش الخطة الدراسية الأساسية قبل الحذف والإضافة؟ أتنمى تساعدوني في استفساري وجزاكم الله الجنة

الحد الأقصى 18 ساعة في الترم، ممكن تاخدي أقل
الخطة الدراسية تلاقيها في الأودس: الطالب ~> سجلات الطالب ~> الخطة الدراسية للطالب
وممكن تكون أوضح بالنسبة لك على موقع الجامعة: هنا

[بيو كيميائية ^_^]

المشاركة الأصلية كتبت بواسطة joooooj99 انا نزلت بالنسبه لأول سمستر كيمياء عامه مع /عائشه قنش،،،،معمل احياء/نضال زبرماوي،،،،كيمياء حيويه/مريم عبده الغامدي،،،،،،وآمن وسلامه /مديحه الصيني (ابغى رايكم بالنسبه للدكاتره ذولا ًونصيحتكم للمواد دي الي نزلتها

دكتورة عائشة كويسة مرة

مديحة عادية

اضيفي عربي كمان أو ثقافة

المواد الثانية ماعندي علم عنهم

بس المعمل ماراح تدرسك نضال بتدرسك أستاذة

[optimi]

المشاركة الأصلية كتبت بواسطة الشيمآء الحد الأقصى 18 ساعة في الترم، ممكن تاخدي أقل الخطة الدراسية تلاقيها في الأودس: الطالب ~> سجلات الطالب ~> الخطة الدراسية للطالب وممكن تكون أوضح بالنسبة لك على موقع الجامعة: هنا

مو طالعلي شي ماادري ليش ، أنا لسى ماسجلت مواد بالجدول.
لكن هل يحتاج أني أدخل التسجيل وأسجل من جديد بحيث أني أختار ترم أدرسه ؟
وإذا أبغى أدرس الآن أختار الصيفي 2014 ؟

سوري ممكن أسئلة هبلة ، بس ماعندي أحد أسألوا!

حملت الخطة بالموقع ،هي من المستوى الثالث صح؟
طيب أنتوا أيش رأيكم بالجدول بما أن عندكم خبرة بالمواد!
وأسفه على الإزعاج

[baroo,A]

تختاري الفصل الدراسي الاول 2015
مواد المستوى الثالث:
كيمياء عامة
احياء عامة
المادتين تابعة للتحضيري يعني تكملو نفس الكتاب : كلها دسمة وتحتاج مذاكرة خذيها الان لانها راح تفتح لك المواد الباقية
كيمياء حيوية
اهم مادة في القسم وهي الاساس لازم تاخذيها
امن سلامة
جدأ سهلة ساعة واحدة
عربي او (ثقافة )
العربي كله قواعد اعادة لقواعد المدرسة والثقافة الاختبار الكتروني نوعا ما سهل (اختاري احدهما )
اخيرا
وممكن معمل كيمياء : معمل 3 ساعات مرة واحدة في الاسبوع
افضل انك تاخذيها بدل معمل الاحياء لانه مافي حفظ كثير ..
وعلى حسب الشعب اذا مفتوحة او لا ..
اذا مو مفتوح الحذف والاضافة روحي الجامعة يضيفولك المواد

[optimi]

المشاركة الأصلية كتبت بواسطة baroo,a تختاري الفصل الدراسي الاول 2015 مواد المستوى الثالث: كيمياء عامة احياء عامة المادتين تابعة للتحضيري يعني تكملو نفس الكتاب : كلها دسمة وتحتاج مذاكرة خذيها الان لانها راح تفتح لك المواد الباقية كيمياء حيوية اهم مادة في القسم وهي الاساس لازم تاخذيها امن سلامة جدأ سهلة ساعة واحدة عربي او (ثقافة ) العربي كله قواعد اعادة لقواعد المدرسة والثقافة الاختبار الكتروني نوعا ما سهل (اختاري احدهما ) اخيرا وممكن معمل كيمياء : معمل 3 ساعات مرة واحدة في الاسبوع افضل انك تاخذيها بدل معمل الاحياء لانه مافي حفظ كثير .. وعلى حسب الشعب اذا مفتوحة او لا .. اذا مو مفتوح الحذف والاضافة روحي الجامعة يضيفولك المواد

شكرا عالمساعدة ، الله يسعدك دنيا وآخرة.

كيمياء حيوية

طالع عندي الشعب ل مريم عبده عبدالله الغامدى و ل سمر عبدالله مصطفى دمياطي
بمين تنصحوني منهم ؟

الكيماء العامة

شعبة ل ابتسام عبدالله سرور الصبان و ل ايمان زكريا حسين حجازي
نفس السؤال الي فوق مين أفضل من ناحية الشرح والأسئلة والتعاون

معمل كيمياء عامة

كل الشعب طالعه ليا لـ الهام شفيق ؟؟

الثقافة مايهم مين بالنسبة لي
بالنسبة للعربي مين تنصحوا ؟

أمن وسلامة مختبرات
طالعلي مديحه نوح سليمان الصينى

بالنسبة للأحياء لسى بفكر أخده ولا لا !
ماأعرف هل حيسبب ضغط كبير عليا ولا حتعود بالمزاكرة أول بأول
الأحياء بالتحضيري جبت فيه 100 الحمدلله لككن خايفة من ضغط باقي المواد معاه