افضل معهد لغات في جدة....من تجربك؟

[never hide]

بيرلتز في الأيام العادية ب 3500 و اعتقد المستوى 6 او 4 اسابيع

و عندهم عروض في الصيف يخفضو الاسعار و تقل المده المستوى الواحد 3 اسابيع
ب 2850

موقع فرع السيدات حي الخالدية

الels اعتقد ما في للبنات افتكر اتصلت عليهم قبل سنتين و قالو لي كدا

الله اعلم دحين يمكن فتحو للبنات

و دار الحكمة يقولو كويس بس انتهى التسجيل على ما اعتقد

[angel cat]

تسلمون جميعا واحد واحده على المشاركة والله يقدم الي فيه الخير
وهدرس لبموضوع شوي بعد مريح كمن اسبوع من تعب الاختبارات
وممكن اروح اخذ حصص تجربيه في المعاهد الي وصتوني عليها

بيرلتز او
الels
او برتش كونصل

انا الصرحة متحمسه الى els ماكنت اعرف انهم عندهم فرع هني وسمعتهم في الخارج جدا كويسه إن شاء الله يكون عندهم فرع للنساء بكلمهم واشوف

تحياتي للجميع

[angel cat]

المشاركة الأصلية كتبت بواسطة never hide الels اعتقد ما في للبنات افتكر اتصلت عليهم قبل سنتين و قالو لي كدا الله اعلم دحين يمكن فتحو للبنات

هههههههههههههه والى الان ماعندهم فرع لسيدات
توني متصله عليهم وقالولي لا
خسارة كنت متحمسة ليه

[رنــــا]

انا سمعت عن اكسفورد انه جيييد
وبجربه هالصيف

يارب يطلع كويس اهم شي تكون عندك عزيمة انك تتعلم

[never hide]

المشاركة الأصلية كتبت بواسطة رنــــا انا سمعت عن اكسفورد انه جيييد وبجربه هالصيف يارب يطلع كويس اهم شي تكون عندك عزيمة انك تتعلم

اختبرت عندهم و حضرت كلاس واحد و ما عجبني
مدري يمكن اللي مكمله عندهم يعجبها

اصلا اهم شي على قولتك العزيمة
في اي مكان لو انتي بدك تتعلمي راح تتعلمي

[بنت العلم]

طيب من عنده فكرة عن معهد وول ستريت يرد علي بليز

[بنت العلم]

ماحد يعرف اي معلومة عن وول ستريت؟

[إحساس ناجح]

معهد britsh counsil البريطاني يعتبر التوب في السعودية المعهد لا يملكه شخص أو رجل أعمال فهو تابع للمجلس الثقافي البريطاني ومدعوم من السفارة البريطانية المدربون والمدربات من بريطانيا واللكنة البريطانية والأمريكية وأجمل مافيه معتمد ومعترف فيه من جامعة الملك عبدالعزيز حتى التوفل اللي يطلبونه في الماستر حاطين شرط في موقع عمادة الدراسات العليا إنو لازم يكون من المجلس الثقافي البريطاني انتبهي يا أختي تدخلي معاهد في مدربين عرب وتضيعين اللكنة وما تستفيدي شيء ادخلي بريتش كاونسل وتعلمي اللغة من أهلها عندي أختي الكبيرة أخذت فيه خمس مستويات وما شاء الله عليها زي البلبل صارت حتى لما راحت تقدم للماستر ما طلبو التوفل وعادلو لها الخمس مستويات بالتوفل لأنها درست بمعهد معروف وله مكانة بالتعليم موقع المعهد بمبنى فارسي سنتر اللي بجوار محمود سعيد طريق الملك عبدالله أنصحك فيه وبدون تردد سعر المستوى ب2000 ريال تقريبا بس المبلغ ما يروح هباء منثورا أتمنى لك التوفيق

[أبو غيث]

وعليكم السلام ورحمة الله ..

لي تجربة كانت مع معهدين British Council - Wall Street
وفشلت تجربتي معهما بقدر ما كانت آمالي .. وحصلت توبتي منها .. الأسباب ؟؟
عدد ساعات محدود .. لا يكفي | بيئة محيطية خجوله .. قليلة الإفادة | تلقين ليس بالكم الكافي .. وعدة أمور اخرى ..
بالرغم من وجود إيجابيات متفاوتة لكل معهد .. لكن السيئات تمحق الحسنات ..

بعدها إتجهت وبعض الزملاء .. لعالم الويب والمواقع المتخصصة والتعلم الذاتي
ونجح بشكل أكثر .. على قدر جهدنا المبذول ..


وعلى قولتك .. متى ما توافرت العزيمة .. توفرت النتيجة الإيجابية ..

بالتوفيق ..

[قلبي أماراتي]

المشاركة الأصلية كتبت بواسطة إحساس ناجح معهد britsh counsil البريطاني يعتبر التوب في السعودية المعهد لا يملكه شخص أو رجل أعمال فهو تابع للمجلس الثقافي البريطاني ومدعوم من السفارة البريطانية المدربون والمدربات من بريطانيا واللكنة البريطانية والأمريكية وأجمل مافيه معتمد ومعترف فيه من جامعة الملك عبدالعزيز حتى التوفل اللي يطلبونه في الماستر حاطين شرط في موقع عمادة الدراسات العليا إنو لازم يكون من المجلس الثقافي البريطاني انتبهي يا أختي تدخلي معاهد في مدربين عرب وتضيعين اللكنة وما تستفيدي شيء ادخلي بريتش كاونسل وتعلمي اللغة من أهلها عندي أختي الكبيرة أخذت فيه خمس مستويات وما شاء الله عليها زي البلبل صارت حتى لما راحت تقدم للماستر ما طلبو التوفل وعادلو لها الخمس مستويات بالتوفل لأنها درست بمعهد معروف وله مكانة بالتعليم موقع المعهد بمبنى فارسي سنتر اللي بجوار محمود سعيد طريق الملك عبدالله أنصحك فيه وبدون تردد سعر المستوى ب2000 ريال تقريبا بس المبلغ ما يروح هباء منثورا أتمنى لك التوفيق

صراحة المعهد الكل مدحة وان شاء الله دام بيعفوني من التوفل باخذ فيه الكورسات عقب العيد وأفتك
بس ياخوفي الي بتدرسني تستوي بلبل عربي او تأشر خروج نهائي
بالتوفيج
قلبي إماراتي