الخطه الدراسية لقسم دراسات الطفوله و نبذه عن كل ماده :) ..

[ساكنه في بيتنا]

مممم بصراحه ربنا هو مو صعب لو ذاكرتي أول بأول و كنتي منتبهه في المحاضرات ,, بالعربي كوني دافوره شويتين ..

مممممم التكاليف راح تخليكي تشدي شعرك ,, تحسي كل دكتوره تعطيكي تكاليف كأنك ماتآخدي الا مادتها بس .. ..

بس لو رتبتي أمورك و عملتيلك جدول راح تعرفي راسك من رجلك بإذن الله ..

لأنو أغلب المواد فيها عملي فلو كانت عندك 6 مواد حتحسي عندك 12 ماده ..


فيه مواد تحسي تقريبا نفس المحتوى يعني محا تضيعي كتير ,, حاولي تربطي بينهم ..

مممم طيب أنا أقلك .. خليني أراجع الخطه و أشوف المواد .. بس نصيحه لا تعتمدي على رأي فلانه و رأي علانه ..

يمكن تكوني أشطر مني و المواد اللي صعبه بالنسبة ليا سهله بالنسبه ليكي ..

[ساكنه في بيتنا]

المستوى الثالث

طرق التدريس في رياض الأطفال << كلامه كتيييييييييييير .. و اغلبه حيكون عددي ..
رياض الأطفال << مره حبيت الماده تتكلم عن مبنى الروضه و كيف المفروض تكون ..
علم النفس العام << مرررررررره مكلامها كتير بس لو أخدتيها مع أ. هيفاء هزازي حتحبي الماده
أسس التغذية << الماده عن الفيتامينات و المعادن و الأملاح و الماء مذاكرتها أول بأول ولا حتوررطي لأنو معلوماتها كتييييييير .. أ. هاله خطاب يقولوا كويسه ..
إرشاد الطفل وتوجيهه << ما أخدت الماده دي ما اعرف عنها شي ..
مراحل نمو الطفل << الماده مررررررره مفيده و مررررررررررره معلوماتها كتير و يبغالها مذاكره أول بأول ..


المستوى الرابع
التحرير الكتابي \ الثقافة الإسلامية << المادتين دي لا تشيلي همها ان شاء الله .. لا عتبريها في الجدول أصلا بس مو معناتو تهمليها ..
برامج رياض الأطفال << مررره حلوه الماده دي تعملك كيف تعملي برامج حاسب للأطفال و كيف تعلمي الطفل على الكمبيوتر ..
الوسائل التعليمية في رياض الطفال << كمان الماده دي حلوه بالذات لو أخدتيها مع أ. ميساء الله يجزاها ألف خير يااارب .. تتعلمي فيها كيف تعملي الوسائل اللي تعلمي الطفل من خلالها .. و كمان تعملي لوحة التاريخ + الإعلان + الحضور و الغياب .........
صحة الفرد << مم الماده دي فيها تتعلمي عن الأمراض و كيفيه الوقاية منها و علاجها .. مررره يبغالها مذاكره
بالذات لو أخدتيها مع د. نداء و هدى ..
المهارات الفنية والحركية للأطفال << مررررره حتستمتعي في الماده دي ان شاء الله ,, تعملي أفكار و حاجات يستمتع بيها الأطفال و يفرحوا بيها .. ( ان شاء الله انزلك صور للماده دي ) ..


المستوى الخامس

المفاهيم العلمية للأطفال << حلوه و سهله ان شاء الله
المفاهيم الدينية والاجتماعية للأطفال حلوه و سهله ان شاء الله
رعاية الأطفال ذوي الاحتياجات الخاصة << اكررررررررررره الماده دي .. كلامها كتيييييييييييييييير و مالها داعي ..
إدارة المشروعات الخاصة << الماده دي حضرت برزنتشين لها في يوم الاقتصاد المنزلي حبيتها لأنو فيها معلومات مهمه بس حسيتها غلسه في المذاكره ..
الثقافة الإسلامية سيبيكي منها


المستوى السادس

الاستعداد للقراءة والكتابة << الماده دي مرررررره خليكي منتبهه في المحاضرات مررره مهمه و مررره حتستمتعي لأنو فيها تتعملي كيف تعلمي الطفل القراءة و الكتابه ..
المفاهيم الرياضية للأطفال << وقت ما أخدتها كانت مع المفاهيم العلمية بس في الخطه الجديده فصلونهم .. بس برضو الماده ان شاء الله سهله و حبوبه ..
صعوبات التعلم عند الأطفال << ممم الماده دي مرررررررره حلوه و لازم تنتبهي في المحاضرات كمان و هيا مرتبطه مع ماده استعداد ..
أدب وثقافة الطفل << حلوه كمان بس مره كمان لازم تنتبهي في المحاضرات ..


المستوى السابع

القياس والتقويم في رياض الأطفال << حلوه كمان و سهله بإذن الله ,, تحسي الكلام كتير بس سهل ان شاء الله ..
سيكولوجية الدمج في الطفولة المبكرة << دي على ايامنا كانت ماده اختياريه ما اعرف عنها شي ..
المشكلات السلوكية للأطفال << أحلللللى ماده .. تتعملي كيف تتصرفي مع الأطفال
طرق التدريس في رياض الأطفال (2) << تتعلمي فيها كيف تعملي استمارات التحضير و هيا استعداد للتدريب
الثقافة الإسلامية << سيبيكي منها


المستوى الثامن
التدريب الميداني << مرررررررررررررررررررررررررره حتستمتعي فيه ان شااااء الله و مررره لا تشيلي همه ابداااااا ..



شوفي خلاصه الكلام الكتير اللي فوق ..
مواد الطفوله سهله في معلوماتها صعبه في كترة تكاليها و معلوماتها ..

يعني تلاقي الماده سهههله بس لو راكمتي المحاضرات على بعض راح تحسيها صعبه ومنتي قادره تذاكري شي .. فالأفضل إنك تذاكري كل شي بأول بأول قد ما تقدري و تكاليفك أعمليها كمان أول بأول

و إذا بدك أي شي نحن حاضرين ..

[Rana Hesham]

تسلميييييييييييييييييييييييييييييييييييييي ياشيخه الله يوفقك ويوظفك<< إذا منتي موظفه ويدخلك الجنه ويفتح عليك

[ساكنه في بيتنا]

آمين ياااارب و انتي كمان :) ..

[اي شي !!]

تسسلمي ياساكنه
بس ابغى اسألك اذا كل سمستر 6 مواد من كم لكم دوامك؟؟!
،عندك يوم اوف ولا لا :(
طفشنا من التحضيري مافي اوف ابغى اوف :(

[الفراشة المتألقة]

أنا درست تغذية مع د.هالة
مررررة كويسة ، نخرج من المحاضرة ونحن حافظين مية بالمية
وتاني محاضرة تسأل
يعني المعلومة تدخل ولا تخرج
تكاليفها مرررة سهلة كلها من الكتاب الي أعطتنا هو
مافي بحث نت وقرف
مررة حبيتها الله يسعدها

[المخلصه]

والله ياحلوات اول شي اشكر اختي الامورة ساكنه في بيتنا

تاني شي

انا مخلله في الجامعه

هادي السنه حتكون خامس سنه بإذن الله ههههههههههههههههه

اتز اوكي لو حابه تنقصي ماده من كل سمستمر على انك تحافظي على مستوى معدلك

وربي يوفقنا جميعا

تنوية::::انا طبعا محولة مسبقا من ام القرى فالحالة صعبه من اولها :>

[ساكنه في بيتنا]

المشاركة الأصلية كتبت بواسطة اي شي !! تسسلمي ياساكنه بس ابغى اسألك اذا كل سمستر 6 مواد من كم لكم دوامك؟؟! ،عندك يوم اوف ولا لا :( طفشنا من التحضيري مافي اوف ابغى اوف :(

يسلمك ربي

مممم انا اتخرجت الحمد لله عقبالك :) ..

مممم على حسب الأيام و المحاضرات تقريبا على 3 ولا 4 ..

و اكيد مافي اوف ..

المشاركة الأصلية كتبت بواسطة المخلصه والله ياحلوات اول شي اشكر اختي الامورة ساكنه في بيتنا تاني شي انا مخلله في الجامعه هادي السنه حتكون خامس سنه بإذن الله ههههههههههههههههه اتز اوكي لو حابه تنقصي ماده من كل سمستمر على انك تحافظي على مستوى معدلك وربي يوفقنا جميعا تنوية::::انا طبعا محولة مسبقا من ام القرى فالحالة صعبه من اولها :>

^_^
تسلمي يا بنتي ما عملنا شي ..

الله يعينك يارب و يخرجك من الجامعه على خير و سعاده و بمعدل أعلى من اللي تتمنيه ,, قولي آمين ؛) ..

يب اكيد عادي تنقص من المواد بس حيأثر الشي دا على التخرج ..

[المخلصه]

ساااااااااااكنه في بيتكم
ربي يسعدك وييريح قلبك قولي امين

اللهم اميييييييييين يارب

لما قريت كلامك حسيت اني عديت من الصعب

وباقيلي الخفيف ان شالله

يعني يمكن اقدر اروح وانا متمكيجه اخيرا ههههههههههه

صحباتي في الباص يشوفو يوم عيد لما يلقوني حاطه شي على عيني

دايما الروج ويادووووب

يلا ان شالله نقدر نستمر وربي يوفقنا جميعا ونفرح بنفسنا ونحقق كل الي في بالنا

ياناس والله احنا احلى تخصص مع اني على قرب نهاية الفصل الدراسي اكون فاصله ههههههههههه

[ساكنه في بيتنا]

ساااااااااااكنه في بيتكم ربي يسعدك وييريح قلبك قولي امين

اللهم آمييييييين

انا و انت و كلللللللللللللل المسلمين ..

ههههههههههههههههه انتي بس هونيها تهون ..

انا كنت آخد معايا الكحل و لوازم الشياكه في الشنطه و لمن اوصل احط لو ليا مزاج ..

يلا ان شالله نقدر نستمر وربي يوفقنا جميعا ونفرح بنفسنا ونحقق كل الي في بالنا ياناس والله احنا احلى تخصص مع اني على قرب نهاية الفصل الدراسي اكون فاصله ههههههههههه

ههههه

ان شاء الله يااارب ,,

لا تخافي محا تفصلي ..

انا كل سمستر كنت أقول السمستر دا حأنتحر و الحمد لله اتخرجت و انا لسى عايشه ..