بشأن اعتماد و قبول شهادة -التعليم عن بعد- لدى هيئة التخصصات الصحية(تحديث مستمر)

[الاتجاة المعاكس]

- اخر الاخبار

* جميع خطابات الشكاوي التي رفعها الطلاب المتفاعلين معنا مشكورين تم الرد عليها من قبل
وكيل الجامعة ، والافادة بان البرنامج معتمد ومرفق به كافة المعلومات
وتم ارسالها من الجامعة بتاريخ:21/2/1435هــ . الى وكيل وزارة الخدمة المدنية بالرياض .

هل احد من الرياض يتبرع بالسؤال فقط عن معاملتنا في وزارة الخدمة المدنية ؟




؟

[الاتجاة المعاكس]

طلاب التعليم عن بعد تعاونهم ضعيف للاسف . تمنيت ان نكون اكثر تعاونا .

المهم

- الجديد في الامر ولمعلومية الجميع حيث اتضح بعد المراجعه لهيئة التخصصات
انهم لايتبعون ديوان الخدمة المدنية ولا اي وزارة اخرى .
بل جهه مستقلة تماما .
وليس من مهامها التوظيف
وانما مهمتها التصنيف والتسجيل المهني فقط .


...........

[أميرة الورد2010]

ياليت اقدر اساعدكم يا اخوي الاتجاه المعاكس ... طيب الحين هل معنى كلامك انو هيئة التخصصات سواء اعتمدت الشهاده او لا مو مهم ؟

[الاتجاة المعاكس]

اميرة الورد
الله يعطيك العافية ماتقصرين.

بالنسبة لتخصصك موارد بشرية مالة علاقة نهائيا بالهيئة ولا تحتاجونها اصلا .

تحياتي .

[عقدالنور]

الله يعينكم انا عن بعد وكمان ناويه ادخل ادارة خدمات طبيه
طيب الحين التصنيف راح يعطوكم او لانها جهه مستقله كيف راح يكون التعامل معها
حسبنا الله ونعم الوكيل

[الاتجاة المعاكس]

المشاركة الأصلية كتبت بواسطة عقدالنور الله يعينكم انا عن بعد وكمان ناويه ادخل ادارة خدمات طبيه طيب الحين التصنيف راح يعطوكم او لانها جهه مستقله كيف راح يكون التعامل معها حسبنا الله ونعم الوكيل

تم رفع الكثير من الخطابات والشكاوي عن طريق فرع الهيئة الصحية ومباشرة الى المركز الرئيسي في الرياض و لازلنا ننتظر الرد .
وان شاء الله يتم القبول والتصنيف قريبا اسوة بالزملاء المنتسبين .

[أميرة الورد2010]

الحمدلله طمنتني بس في نفس الوقت والله متضايقه على وضعكم انا ما اعرف وين المشكله لما يعتمدونها في كافة الأماكن ويريحونكم يعني الواحد لازم ينشف ريقه ويتبهذل ؟؟؟؟؟؟ ما يكفي 4 سنوات تعب ودراسه ودفع فلوس للجامعه ؟؟؟ حسبي الله ونعم الوكيل على كل من وقف لطالب علم في رزقه او في علمه وبس

[المهيمزي]

اتمنى التفاعل اكثر وايصاله الى اكبر قدر من المسوؤلين

[MNKOSHA]

السلام عليكم جميعًا
حابة أشكر أول شي صاحب الموضوع الرائع هذا
جزاك الله كل خير
ثاني شي اش حكايتهم مع الإسبوعين ذي؟؟ كل ما أحد كلمهم قالوا له بعد اسبوعين. أنا للآن رحت الهيئة أكثر من مرة وكل مرة يقولوا لي بعد اسبوعين
بس سببهم في التأجيل على حسب ما قالوا لي أو بالأصح على حسب ما قال لي المسؤول عن التعليم عن بعد هناك ـ نسيت اسمه الصراحة ـ المهم قال لي
انه شبب التأخير والتأجيل هوٌ نيته في عرضه على اللجنة اللي تجتمع كل بعد فترة بعد ما يعمل دراسة على الموضوع وبعدها يعرضها ـ مع العلم انه هذا الموضوع ليه فترة طويلة جدًا يعني من بعد ما اتخرجت السنة اللي فاتت (دفعة 13) ـ قلت له طيب كويس يصير متى ممكن أجيكم ؟ قال لي بعد اسبوعين حيكون في اجتماع للجنة و ح أعرض عليهم الدراسة بس ممكن آخذ نسخة من أوراقك عشان أرفقها في الدراسة؟ قلت له طبعًا ، أوراقي كانت هي وثيقة تخرجي و كشف الدرجات تبعي. المهم صور نسخ ودبسها سوى و قال لي شكرًا و راجعينا بعد اسبوعين بالكثير مع اني ما اوعدك لانه افتكر في شي زي كذا اتقدم فيه طلب قبل كذا و اترفض فحطي فبالك! سألته عن السبب يعني؟ هل في خلل في دراستنا هل في مشكلة؟ في نقص؟ احنا المفروض زي الانتظام بس من بيوتنا ودواماتنا !! قال لي صراحة ما أدري اش مشكلتهم مع هذا الموضوع أنا شخصيًا أشوف أنه أفضل من الانتساب بكثير، وللآن مو فاهم ليش مو معترف بيه هنا !
قلت أوك شكرًا و طلب رقمي لأنه قال لي انه ح يتصل عليًا أكيد سواءً كان جوابهم الرفض أو القبول. خرجت من عنده مبسوطة و متأملة خير على كلامه من غير حتى ما أطلب رقمه لأنه كان هوّ اللي اقترح انه ياخذ رقمي بالأساس وقال انه ح يتصل و حتى أنه دون الرقم على وثيقتي اللي عنده اللي قال حيستخدمها في "الدراسة" تبعه. يعني مافي مجال انه يضيعه أبدًا.

انتظرت و انتظرت و انتظرت و أعطيته فرصة شهر كامل ولسا ما جاني منه أي خبر . بعدها كان عندي ظرف و اضطريت أسافر قبل ما أروح للهيئة ثاني، و قلت خلاص جات من ربنا يمكن فرصة عشان ما استعجل الموضوع و خليها بظروفها ولما أرجع يصير خير إن شاء الله.

رجعت بعد يمكن شهرين و نص ، مازال ما في أي خبر ولا اتصال. طبعًا أنا في اللحظة دي فقدت الأمل في انه يتعب نفسه و يتصل عليا أصلًا بس كنت أشيك على موقع الهيئة لأنه كان قال لي إنه لو في أي خبر ح يكون نازل في الموقع .

المهم.. قررت أروح لهم بس قلت قبل ما أروحلهم أروح للجامعة أول شي
رحت للجامعة و اتكلمت مع أ/ سلافة اللي استغربت الموقف جدًا تم التواصل ـ بعد تععب ـ مع عميد التعليم عن بعد وبعد قرابة اسبوعين رد علينا بخطاب موجه من وكيل الجامعة للشؤون التعليمية أ.د عبدالرحمن بن عبيد اليوبي إلى وكيل وزارة الخدمة المدنية للشؤون التنفيذية وكان الخطاب محدد باسم طالب موجبه انه التعليم عن بعد لقسمنا معترف به. وعلى ما سمعت من الجامعة انه الخدمة المدنية وافقت عليه و انه القرار ح يوصل للهيئة خلال "اسبوعين" بالكثير . انبسطت و طلبت نسخة من الخطاب قالت لي الخطاب راح من أول واتعملت معاملة على أساسه. بس قالت عندي صورة سكان منه ح أرسل لك هيًا على ايميلك.

بعد اسبوعين رحت للهيئة سويت مجنونة وعملت كإني أول مرة أطلب التصنيف، و أنا في الاستقبال اقدم الطلب استلم الموظف وثيقتي عشان يشيك عليها ويعطيني رقم الانتظار وكذا. جلس يتأمل وثيقتي وبعدين لف على الموظف بجانبه وقال له "هوً في تصنيف التعليم عن بعد؟!" رد عليه "مدري والله حولهم على ـ وقال اسم موظف ما أذكره ـ و هوً لسا يتأمل في الوثيقة" . اخذ اسمي وقال لي انتظري الين ما ينادوا عليكِ.

... جاء دوري رحت لموظف جلس يتأمل مرة في أوراقي ومرة في التلفون ومرة في المكتب الزجاجي تبع الإدارة لنص دقيقة يمكن بعدين قال " التعليم عن بعد لسا ما تم اعتماده !! " قلت له كيف ما تم اعتماده وانتوا ليكم فترة تقولوا اللجنة ح تعتمده و الآن عدا كم شهر والمفروض انه المعاملة تمت وخلاص غير كذا معايا خطاب لوزارة الخدمة المدنية بدا الموضوع !!! ـ صراحةً.. ما كنت أبغً اجيب موضوع الخطاب لأنه اعرف انه ماراح ينفعني الآن ع الأقل لانه اذا ح يثبت شي بس ح يثبت أنه الجامعة معترفة بينا و ليس الخدمة المدنية ـ . المهم طلب مني الورقة و بعد ما قرأها قال "والله يا أختي أنا ما أدري عن دا كله أنا بس أعرف انها ما اعتمدت لسا وتقدري تسألي عن دا الموضوع استاذ ـ و قال اسم المسؤول عن التعليم عن بعد عندهم ـ . سألته فينه و قال هناك في الغرفة الزجاج يتكلم تليفون. عرفت وقتها ليش كان يتأمل الباب ذاك من أول. المهم طلبت منه يناديه أول ما يخلص وصراحة ما قصر أول ما خلص مكالمته الطويلة ناداه لعندنا وجاء أخيرًا. شرحت له الوضع وقال لي بكل جلافة مافي اعتماد من جهتنا لسا. (و مشى) ما أعرف اذا كان مشغول فعلا ومشي و أنا اتكلم عشان كذا أو لسبب ثاني صراحة المهم انه حاول يتجنبني وناديته ثاني وووو المهم كلمته عن الخطاب ورد عليا برضه بأسلوب أبدًا مو جيد انه لسا ما وصلهم وقال لي انه احنا من زمان ماشيين في ذا الموضوع حوالي السنة ونص ما راح تجوا انتوا تذكرونا بيه !!
قلت له أنا جيتك قبل كذا وما كان هذا كلامك اخذت أوراقي وقلت انك ح تعرضها ع اللجنة اللي جاية بعد اسبوعين من ذاك الوقت وأخذت رقمي وقلت ح تتصل عليا !!!
قال ايوا أنا في عندي أوراق أح أخذتها عشان الدراسة مدري أوراق مين. قلت له أوراقي ! قال لي طيب؟ قلت له طيب كيف تقول من سنة ونص شغال عليها ؟؟ اي دراسة دي اللي تاخذ سنة ونص و الجهات الرسمية كلها موافقة عليها؟؟ ليش واقفة عند الهيئة ؟ ليش مو سامحين لنا واحنا معترف بينا ؟
طبعًا ما عرف يرد وصرف لي بحكاية انه الموضوع يباله وقت وما اعرف ايش وقلت له طيب الين متى؟ يعني كل بعد فترة لازم اجي لعندكم ؟؟ قال نتصل عليكٍ قلت له معليش المرة اللي فاتت اخذته وما شفت منكم اتصال، معليش تعطيني رقمك هذه المرة؟ بما انك انت المسؤول عن التعليم عن بعد وكذا فالافضل اني اتواصل معاك. (رفض) انه يعطيني رقمه وقال لي "وعد مني ليكٍ أول ما ينزل القرار ح أنزل الخبر في موقع الهيئة بإعلان كبيييير عشان كلكم تشوفوه وترتاحوا " .
المهم و الين اليوم ذا ما شفت لا اعلان كبير ولا صغير في موقعهم المتواضع. و دخلت أدور يمكن في أحد كاتب شي عن الموضوع ولقيت موضوعكم وحبيت فكرته وقلت أشارككم اللي صار معايا. أنا عارفة انه كلامي كان بالتفصيل المملللل وأعتذر إذا طفشتكم.


المهم صراحة أنا أحس دول ما يجيبهم إعلام ورقي هذول يبغالهم اعلام مسموع ومنطوق يعني برامج في التلفيزيون زي (يا هلا، الثامنة والبرنامج الجديد بدون شك) ح يكون وقعها أفضل بكثير من جرايد زي عكاظ وغيرها.
ما اعرف بس قلت ممكن نقدم على دي البرامج بأوراقنا الكاملة والخطابات اللي معانا و يمكن كمان بعض الإحصائيات عن الدفعات المتخرجة واللي ليا يدرسوا واللي ح يتخرجوا و كم عدد الناس اللي ح يتخرجوا لمصير مجهول ما هم عارفين فين يروحوا بعده !

وبس..
أعتذر ع الإطالة .

[MNKOSHA]

المشاركة الأصلية كتبت بواسطة الاتجاة المعاكس - الجديد في الموضوع ان سعادة مدير الجامعة الموقر غير مصدق ان الشهادة لم تقبل !!!؟ وايظا لم يصل رد على خطاباتنا حتى الان . لذلك يوم الاثنين الموافق 5/3/1435هــ بعد غد ، سوف يذهب بعض الزملاء الى مقر هيئة التخصصات الصحية صباحا واخذ نسخة من الشكوى. ثم الى الجامعة لابلاغ الادارة بعدم استجابة اي جهة لمطالبنا واعتماد الشهادة والتوجة بعد ذلك الى جريدة عكاظ لنشر الشكوى .

طيب اش حصل في هذا الموضوع؟ في أي تطور من جهتهم؟