طريقة مذاكرة خطة أ

[Daniaa.]

المشاركة الأصلية كتبت بواسطة do7me نروح للرياضيات شوفوا المواضيع مو غريبة ( التفاضل والتكامل - وحاجات كلها اخذناها في الثانوية ) المهم تترجموا وتحفظوا المصطلحات وتذاكروالمدة ساعتين لثلاث ساعات اتوقع انها كافية لمذاكرة ذي المادة ... ( ولاتنسوا حل التمارين وخصوصا تمارين الدكتور حمزة ابو جبل - مقتبس ازا قعدت ازاكر رياضيات بس لمدة ساعتين تلات ساعات ,, على كدا متى حيمديني ازاكر المواد التانية !! O_o اما الفيزياء وماادراك مالفيزياء .. البعض يراها اسهل من الرياضيات اما انا اراها اصعب لانها تعتمد على قوانين ... اذا مافهمت كيف تربط بين القوانين ... ( عظم الله اجرك وراحت درجاتك ياابني ) لازم تعرف كيف تربط بينها .. هذا اولا .. ثانيا : التحويلات اذا ماعرفت تحول ( زي الي قبل - عظم الله اجرك ... - ويمكن اكثر ) كيف يعني الربط بينهم ,, انو استعمل اكتر من قانون عشان اطلع الحل ؟!؟!

طيب دحين انا ابى اعرف كيف انظم وقتي عشان يمديني ازاكر هادول كلهم .. بما انو حنرجع الساعة 3 ..
لانو انا قيلولتي كانت ايام المدرسة من الساعة 2 لين 7 المغرب
كنت احاول اني اقوم بدري يعني واغير نظامي دا... بس المشكلة انو اقعد طول اليوم وانا فيا نووم..وما اقدرلا احل واجبات ولا شي u__u


ايش كنتو تسوو انتو على ايامكم ..عشان نستفيد

[{halah..]

noooo

تحويل وتقاضل وتكامل } ,,

هادي عوقدتي من ايام الثانويه

يبغالي اشد حيلي على كدا واصحي دماغي شويا

وعلى قولتك مهارات الاتصال ماده لزيزا وكتير قالولوي نفس الكلام

"يسلموووو على الموضوع المفيد جداً ..

باي

[حربيه ودروبي ورديه]

الله يعطيك العافيه

صراحه استفدت من موضوعك

[do7me]

المشاركة الأصلية كتبت بواسطة daniaa. طيب دحين انا ابى اعرف كيف انظم وقتي عشان يمديني ازاكر هادول كلهم .. بما انو حنرجع الساعة 3 .. لانو انا قيلولتي كانت ايام المدرسة من الساعة 2 لين 7 المغرب كنت احاول اني اقوم بدري يعني واغير نظامي دا... بس المشكلة انو اقعد طول اليوم وانا فيا نووم..وما اقدرلا احل واجبات ولا شي u__u ايش كنتو تسوو انتو على ايامكم ..عشان نستفيد

شوفي انا اقول انك رجعتي الساعة 4 العصر ... ونمتي (( ياساتر ذي قيلوله خمس ساعات )) الين 9 ... شوفي ببداية الترم راح تذاكري 3 ساعات مو انا اقول لك بس انت حتسوي كذا لانو الترجمة لها تقريبا ساعة ونص من اصل الـ3 ساعات .. تقريبا بعدين مع الوقت حتحفظي المصطلحات وحتقل ساعات المذاكرة للمادة الوحدة .. وكمان الفيزياء نفس الشي ... يعني لو من 9 الين الساعة 1 مذاكرة للمواد العلمية ... حاجة كويسة للغاية ... ولاتنسي انو في الويكند لازم يكون عندك مراجعة لكل الي درستوه في الاسبوع عشان تربطي بين المواضيع صح ...


ومن ناحية الربط بين لقوانين ... ايوا نفس الكلام الي قلتيه ... لانك اذا فوتي قانون ماراح تعرفي كيف تكملي ..

حاجه خطيرة ............
اتمنى انك تنسي الثاااااااااانوية ... الحين انتي في الجامعة اوك ...لازم تقللي ساعات نومك ... اتمنى انك تستوعبي الموضوع ... دمتي بود

[Beeshoob]

يسلمووووووو

يعطيك العافيه من جد راح نستفيد من هيك مواضيع

[Daniaa.]

المشاركة الأصلية كتبت بواسطة do7me شوفي انا اقول انك رجعتي الساعة 4 العصر ... ونمتي (( ياساتر ذي قيلوله خمس ساعات )) الين 9 ... شوفي ببداية الترم راح تذاكري 3 ساعات مو انا اقول لك بس انت حتسوي كذا لانو الترجمة لها تقريبا ساعة ونص من اصل الـ3 ساعات .. ومن ناحية الربط بين لقوانين ... ايوا نفس الكلام الي قلتيه ... لانك اذا فوتي قانون ماراح تعرفي كيف تكملي .. حاجه خطيرة ............ اتمنى انك تنسي الثاااااااااانوية ... الحين انتي في الجامعة اوك ...لازم تقللي ساعات نومك ... اتمنى انك تستوعبي الموضوع ... دمتي بود

3 ساعات للمادة الوحدة,, ولا لكل المواد اللي كانت عليا في داك اليوم ؟

مستعوبتو, مستعوبتو .. ^^
حننساها إن شاء الله ... والله يعيين

ومرررا تسسلم ..

[ǁ غــلأآإ ، رٍوٍحــي ǁ]

^^
3 ساعات للمآده الوحده قصصدوآآ ..

[Daniaa.]

ههههه .. يا حبيبي ..

[MeeNo92]

المشاركة الأصلية كتبت بواسطة do7me اما الفيزياء وماادراك مالفيزياء .. البعض يراها اسهل من الرياضيات اما انا اراها اصعب لانها تعتمد على قوانين ... اذا مافهمت كيف تربط بين القوانين ... ( عظم الله اجرك وراحت درجاتك ياابني ) لازم تعرف كيف تربط بينها .. هذا اولا .. ثانيا : التحويلات اذا ماعرفت تحول ( زي الي قبل - عظم الله اجرك ... - ويمكن اكثر ) لانو الدكتور في الاجابات حيتوقع انك ماتحول ويحطلك ناتج مشابة تماما للي حطيته والي حيطلع معاك اذا ماحولت ... وحينقصك درجة ... وللمعلومية الاسئلة كلها اختياري ... يعني (( ياطوخو يا اكسر موخو )) ماحيحسب لك لاطريقة حل ولا مايحزنون مايعترف الا بالحل النهائي ...

ياااا رب رحمتك

ايش اسوي في نفسي انا

ماادة عمرها ما دخلت مخخخخي

في كل الموااد افهم زي النااس بس تجي هالماادة خلااص اتننننح مخي يقفففل

الله يعين .. لا وكمان مافي هنا " اعطيكي درجة على طريقة الحل , وانقصك بس ربع على الإجابة النهائية " ههههههههههههههههههههههههههههه

الله يسهل يا رب


ومرررررة شكرا على الموضوع جد استفدت

[ǁ غــلأآإ ، رٍوٍحــي ǁ]

^^
إضـآفة ..
عآده يكون الدوريات على 30 سؤال
وعلى كل سؤال درجه .. وأحيانا يحطوآ سؤال او اثنين زيآده لكم ..
يعني انسسوآ الربع اللي كآنت تجي على الاجابه النهائية