لغة الدراسة بالمسار العلمي انصحوني

[picasso]

انا ضعيف جداا جدا باللغة الانجليزية الى يومنا هذا وما سببت لي اللغة اي عائق
الدكاتره مقدرين وضع الطلاب ومتعاونين واحيانا اذا في سؤال اشرح او من هذا
القبيل ، الدكتور يقول اكتب بالانجليزي او عربي او اوردو او فرنسي خخخ بس
حسسني انك فاهم خخ .. وفقكم الله ..

[ĴusŦĪce ♣]

المشاركة الأصلية كتبت بواسطة بيو كيميائية ^_^ فيه ناس كثير مثلك و عدوا عادي و درجاتهم عالية بعدين مين قال لك إن اللي يتخرج من كلية العلوم يصير مدرس !! نظرتك محدودة جدًا

انا عاد ما شفت الا التعليم ولما اسأل بكليتي وش ناوية
يقولون اصلا مافيه الا التعليم كوظيفة مرموقة يعني بنفتح مصانع ؟وهذول بنات متفوقات ،
ويدخل في كلمة معلم الدكتور و والمعيد،وهي الوظيفة الي تلائم كلية العلوم
طبعا فيه مجالات ثانية لكن العملي المطبق بكثرة هذا هوَ
وانا قلت غالب مو الي يتخرج يصير مدرس
الواقع هو المحدود وبلادنا ليست الغرب ولا امريكا =)

موضوعي عن اللغة انا
شكرا مشاركتك~

[ĴusŦĪce ♣]

المشاركة الأصلية كتبت بواسطة لورد جدة اول شيء الف مبروك التخرج من الثانوية العامة ثاني شيء الدراسة صحيح باللغة الانجليزية لكن الموضوع مو زي اللي ف بالك انه كل كلمة تنحفظ هي كم مصطلح و صلى الله على محمد وللمعلومة الاختبارات الككلمات تجي فيها مره واضحه وبسيططةة جدا وياما طلاب دخلوا التحضيري وهم م يعرفوون حتى الكلمات الاساسية وتخرجوا بمعدل 4.80 وفوق وبعدين تقريبا اللي حاصلين على معدل 5 من 5 كثير جدا ف وش فرقهم عننا .. ؟ وانا بالنسبه لي التحضيري اسسهل من الثانوية لان مدرستي كانت شوي شديدة وف الترم تدرس 4 او 5 مواد فقط يعني اخف من الثانوي والفرق بين كل اختبار والثاني مره كثير توصل لـ 4 ايام

فعلا لقيت عندكم شطار كثير وتجيبون 5 يعني مو مستحيلة ماشاء الله
الفرق بين كل اختبار والثاني 4 ايام قصدك بمدرستك ولا بالجامعة؟
الله يوفقك لوردة وشكرا كلامكم جميعا غاية في الاطمئنان

[ĴusŦĪce ♣]

المشاركة الأصلية كتبت بواسطة rere.h للتصحيح بس مهارات الاتصال والثقافة الاسلامية بالعربي وترا الحين حتى مدارسنا الثانوية المناهج انجلش

لما أسأل يقولو لغة المسار العلمي انجليزي بانجليزي كل شي بدون ما يستثنوا المواد الادبيه الله يهديهم
لذلك هذي ليست معلوماتي =)
تبي الصراحة ما صدقت وكنت انتظر جواب مثل جوابك عن مهارة الاتصال وكذا لأطمئن فشكرا لك

[ĴusŦĪce ♣]

المشاركة الأصلية كتبت بواسطة ƨɱƨɱ صراحة نفس احساسي اول مادخلت تحضيري علمي بعد ماشفت كتاب الفيزياء قررت احول اداري ..بس مشكلتي اني ماني حفيظة .. وقررت اشد حيلي واكمل وامي اقنعتني ماحد يولد من بطن امه متعلم ..لازم الواحد يتعلم بنفسه .. لاتخافي الأستاذة بتشرح وتترجم وانت معها اكتبي وبتلقي ملخصات قد شعر راسك اختري اللي تبغيه .. مثلا الكمياء حيكون سلايدات واغلبه تمارين ... توكلي واستعيني بالله اذا رغبتك علمي.. الله يوفقك..

ويوفقك ويأمنك
ماقصرتو كلامكم جد مشجع

[ĴusŦĪce ♣]

شكرا لكم جميعا ان شاء الله يختار ربي الي فيه خير وصلاح

ويستفيدوا جميع الجدد من موضوعي

[إسراء,]

اللغة اﻻنجليزية جدا مو عائق ممكن تتعبي شوي

بس طعم النجاح بعد التعي والجهد الكبيرين مختلف جدا والأستاذات جدا متعاونات

فيه وحده توهي تشرح تحط نفسها بمكان اللي

مايعرفون انقلش وعلى أساسه تشرح

وكثير كذا والاتصال زي ما قالوا والحاسب

بالعربي والاحياء مترجم وتسهل بإذن الله

مع المثابرة وخليك متفائلة وربي يوفقك..

[Z8rRt]

قريت موضوعك ، لكن م قريت الردود لإستعجالي

بس حبيت أعلق على الموضوع , وأقولك وش حصل معي
أنا قبل كل شيء كنت طالب مهمل لدرجة ما تتصورينها , وخشيت ثانوية أهليه بسنة ثالث ثانوي
عشان أجيب نسبة حلوه تدخلني الجامعه , وبكل صراحه وبدون ذكر أسم الثانوية ,, أنا كنت أصحى الصباح الساعه 7
عشان أروح أسولف مع أخوياي إلى 12 , وأرجع البيت والكتب مثل ماهي بالسياره وعلى هالحال طول السنه !

يعني بكل أمانه , تخرجت من ثالث ثانوي وأنا والله لو تسأليني عن وش أخذنا بالكيمياء أو الفيزياء أو الأحياء ولو عنوان موضوع واحد أقولك مدري!

يعني بهالثانوية كانو يدفونا دف مو بصاحي عشان الفلوس -_-" لكن هذا مو موضوعنا ,, اللي أبي أوصله لك إني ماكنت عارف وشهو منهج ثالث ثانوي بالأساس
وجيت خشيت الجامعه وكان بيني وبين الدخول لمسار علمي إنتظام " بالصباح ومكافئه " نص درجة , وحاولت معهم لكن ما رضيوا
ف قالو لي تبي أدبي إنتظام ؟ " بالصباح ومكافئه " أو تروح علمي موازي " دوام مسائي بدون مكافئه " .. فكرت فيها وأخترت ادبي إنتظام
ورجعت البيت وأنا ماكنت مقتنع بصراحه
شاورت أهلي بالموضوع وأستخرت ربي , .. ورجعت للجامعه بنفس اليوم وقلت لهم خذو البطاقة , وحطوني علمي موازي وكان قرار جداً صعب الصراحه
لأني ماكنت أدررري عن منهج الثانوية شيء وكنت مهمل لدرجة ما تتصورينها
وبدأ الفصل الأول بالجامعه , والحمد لله يارب حسيت إني تغيرت 180 درجة , ودرجاتي جداً عالية الحمد لله
كل هذا لأني نسيت الماضي حقي بالثانوي , وعشت الحاضر اللي أنا فيه وأقنعت نفسي أن الماضي م يتغير لكن دامني بالحاضر بإمكاني أغيره وأصنع مستقبلي
وهذا أنا الحمد لله عديت السنة التحضيرية رغم أني مثل ما ذكرت ماكنت أدري عن مناهج الثانوية شيء , وأنجليزيتي ضعيفه .. ف الحمد لله يارب

اللي أبي أوصله , توكلي على الله وأختاري علمي .. وصدقيني نصيحة من أخوك ,, بالعزيمه والأصرار توصلين للي تبينه
ورح تواجهين صعوبة بالبداية , لكن لو عديتها .. رح يكون كل شيء طبيعي

والله يوفقك ويوفق الجميع ان شاء الله

[SamuraiQ]

المشاركة الأصلية كتبت بواسطة rere.h للتصحيح بس مهارات الاتصال والثقافة الاسلامية بالعربي وترا الحين حتى مدارسنا الثانوية المناهج انجلش وترا جامعتنا حبووو مهي دكتاتورية مين مكرهك فيها مدري :)

هههههههههههه الكلمة ذي خلتني اضحك هههههههه الله يديم الأبتسامة على وجهك يا حبيبي


المهم اختي بالنسبة للأنجليش لو مرة مرة مرة ضعيفة فيه من لفل 1 بتمشي مرررة تماما بس الله يعينك على الدوام اناا الله يخلي ايام الأفلام والترجمات الأنجليزي حقي جا منها

المواد معضمها المصطلح بالأنجليش والباقي كله معادلات وحلول وزي كذا + احنا عندنا كان معظم الدكاترة يقولوا كلمتين انجليزي و 40 عربي ف ان شاء الله يمشي الحال انتي توكلي على الله وربنا يسهل لك

[ḞάĥάĐ ẢĥмάĐ]

لاتخافي أبدا من موضوع اللغة ..
وعلى الفكرة السنة التحضيرية راح تستفيدي منها كثييير من ناحية اللغة وراح تشوفي إنو لغتك اتحسنت كثير وخذيها من تجربة
بس أهم شدي حيلك وربنا يوفقك ..