موضوع يهتم بالطلاب الجدد في كلية الهندسة

[تهندسي تكهربي]

المشاركة الأصلية كتبت بواسطة keemo.91 اولا الله يجزاك بالخير ثانيا ممكن بس تقول لنا وش الفرص الوظيفيه التي حصلت لك؟ وما هو الفرق بين هندسه كهربائيه حاسبات وتحكم و هندسه كهربائيه الكترونيات وتقنيه اتصالات؟

بالنسبة للفرص الوظيفية اللي حصلت عليها الحمد للة في شركة الكهربا وفي تحلية المياة ومدينة الملك عبدالعزيز لتقنية المعلومات والهيئه العامة للطيران المدني ومعيد في عدد من الجامعات ( الملك عبدالعزيز - الملك خالد - جازان ) وفي وزارة الداخلية برنامج الضباط و الخطوط السعودية , بعضها جالي قبول نهائي وبعضهم باقي ما ردو لكن الحمد للة ققرت الاعادية بكلية الهندسة برابغ .

انا اقول انو التخصصين متقارب لحد ما بالنسبة للبور , هندسة الحاسبات تهتم ببناء الحاسب الالي والتصاميم الرقمية والبرمجة ولغاتها وشبكات الحاسب وانظمة التشغيل ومجال انظمة التحكم ومعالجات الحاسبات وربط الدوائر الالكترونية وبرمجتها .... وغيرها ,,, اما هندسة الالكترونيات والاتصالات يهتم ببناء الدوائر الالكترونية ونظمها وقياساتها وتهتم بارسال الاشارات واختيار الاوساط المناسبة لها مثل اشارات الرادار وغيرها من وسائل ارسال الاشارات .... وفي الاخير ممكن لك انك تمارس مهنتك كمهندس كهرباء بشكل عام مثل ما واجهت في سوق العمل

اتمنى اني اعطيتك ما هوا مفيد لك ... وسامحني على القصور

واي استفسار اخر لا تحرمني من نشر الفائدة والخير

[ahmed_al0lyan]

المشاركة الأصلية كتبت بواسطة قائد بلا جنود مبادرة تشكر عليها وموضوع زي ما يقولون " جيت على الجرح " أفدتنا كثيراً ... أنتظر المزيد من النصائح وجزاك الله كل خير شكراً جزيلاً على النصائح ما شاء الله عليك انا شفت لك أكثر من رد ما شاء الله تحاول توصل المعلومه بحذافيرها وتحاول تفيد الاخرين جزاك الله خير يا بطل!! بالنسبة للي تقوله رياضيات وفيزياء مع بعض أنت تقصد رياضيات 202 و فيزياء 281 ( معمل ) هذا اللي تقصدة...؟؟

وليا الشرف اني افيدكم اخوي وان شاء الله انو تكون معلوماتي مفيده لكم

اخوي العزيز انا كنت اقصد الفيزياء 202 واللي هيا المستوى التاني في الفيزياء

الفيزياء 281 هدي مجرد معمل تدرسو فيه تطبيق عملي للأشياء اللي درستوها في الفيزياء المستوى الاول وسهله جدا الماده

[تهندسي تكهربي]

اولا : احب اشكر المشرفين على تثبيت الموضوع لانو من جد يستاهل على شان ناخذ بيد اخواننا المستجدين .
ثانيا : ادعو اعضاء المنتدى سواء مستجدين او اللي صار لهم سنوات في الكلية من خلال هذا الموضوع التفاعل والاستفادة العامة للجميع ( ولا يردكم شي اكتبو كل اللي محتارين فيه او عندكم استفسارات او عندكم نصائح ).

تقبلوا مروري

[husseing]

ألف شكر اخواني على اهتمامكم لكن عندي طلب

ممكن احد يفسر لي طبيعة المواد

[تهندسي تكهربي]

المشاركة الأصلية كتبت بواسطة husseing ألف شكر اخواني على اهتمامكم لكن عندي طلب ممكن احد يفسر لي طبيعة المواد

ما فهمت ايش قصدك بطبيعة المواد مواضيع والا طريقة المادة ,,,

على العموم المواد تختلف لكن عندك بعض المواد فيها معامل وتتوريال ومشاريع واختبارات نصفية سواء واحد او اثنين على حسب المادة وايضا بحوث وواجبات وبعض الدكاترة يطلبك برزنتيشن عن موضوع او للمشروع ,,, وبعض المواد يكون العمل فيها جماعي من ناحية المشاريع والواجبات وبعض المواد لا تكون بمفردك وكل دكتور يختلف عن الاخر في الاسلوب والطريقة ,,, لكن توجة الكلية الان الى active learning في كثير من موادها ,,,

نصيحتي : انتا حتشوف انو في بعض المواد فيها كرررف , لكن لا تاخذها من هذا الاسلوب خذها بسهالة واستمتاع انتا داخل تخصص برغبتك استمتع واكتشف وتعلم ,,,وراح تنبسط وقت الانتاج النهائي ,,,انتا ايش سويييت ؟؟؟؟ افتخر بشغلك


اتمنى اني قدرت اساعدك واذا مو هذا اللي تقصدو ياليت تقوول على شان اوضحلك اللي تبغى ,,,

تحياتي

[husseing]

المشاركة الأصلية كتبت بواسطة تهندسي تكهربي ما فهمت ايش قصدك بطبيعة المواد مواضيع والا طريقة المادة ,,, على العموم المواد تختلف لكن عندك بعض المواد فيها معامل وتتوريال ومشاريع واختبارات نصفية سواء واحد او اثنين على حسب المادة وايضا بحوث وواجبات وبعض الدكاترة يطلبك برزنتيشن عن موضوع او للمشروع ,,, وبعض المواد يكون العمل فيها جماعي من ناحية المشاريع والواجبات وبعض المواد لا تكون بمفردك وكل دكتور يختلف عن الاخر في الاسلوب والطريقة ,,, لكن توجة الكلية الان الى active learning في كثير من موادها ,,, نصيحتي : انتا حتشوف انو في بعض المواد فيها كرررف , لكن لا تاخذها من هذا الاسلوب خذها بسهالة واستمتاع انتا داخل تخصص برغبتك استمتع واكتشف وتعلم ,,,وراح تنبسط وقت الانتاج النهائي ,,,انتا ايش سويييت ؟؟؟؟ افتخر بشغلك اتمنى اني قدرت اساعدك واذا مو هذا اللي تقصدو ياليت تقوول على شان اوضحلك اللي تبغى ,,, تحياتي

يعطيك العافية

بس انا كان قصدي طرقة دراستها ونظامها وعن ايش تتكلم ؟

[تهندسي تكهربي]

المشاركة الأصلية كتبت بواسطة husseing يعطيك العافية بس انا كان قصدي طرقة دراستها ونظامها وعن ايش تتكلم ؟

المواد تختلف من تخصص لاخر ومن دكتور لاخر انتا حدد المادة وانا والاخوان ما بنقصر معاك ,,,

[husseing]

المشاركة الأصلية كتبت بواسطة تهندسي تكهربي المواد تختلف من تخصص لاخر ومن دكتور لاخر انتا حدد المادة وانا والاخوان ما بنقصر معاك ,,,

ماتقصرون بيض الله وجيهكم
هذي المواد
ie203, ie201, meng102,math202,ee201,

و ايش رايكم اذا خليت جدولي

ie203
meng102
math202
phys281
ie201
ومادة ثانية معاهم

[تهندسي تكهربي]

المشاركة الأصلية كتبت بواسطة husseing ماتقصرون بيض الله وجيهكم هذي المواد ie203, ie201, meng102,math202,ee201, و ايش رايكم اذا خليت جدولي ie203 meng102 math202 phys281 ie201 ومادة ثانية معاهم

ie 203 جديدة ما اعرفها ,
ie 201 مادة فيها كرف شوي ينقسمون الطلاب الى مجموعات , مادة تعلمك كيف تحل المشاكل وكيف تختار الحل الافضل وفي طرق تفكيرية راح تتعلمها مافيها اختبار نهائي فيها كويزات على طول الترم وتشتغلون على واجبات شغل جماعي لكل فريق , في الاخير تسون مشروع وبرزنتيشن ,,,

meng 102 اظن انها الرسم الهندسي ينقسم لقسمين يدوي وكمبيوتر مادة سهله ما يبغالها مذاكرة ايام الامتحانات سوي الواجبات وتمرن على الرسم طول الترم تجي وقت الاختبار خلاص اي شكل تقدر ترسمه وعلى عهدي كان فيها مشروع تختار شكل وترسمو بالكمبيوتر برنامج رسم اسمو سوليد وورك ,,,

math 202 رياضيات اختباريين دوريين واختيارت واختبار نهائي وفيها كويزات بس المواضيع وربي نسيتها اظنها ليها في التفاضل والتكامل ,,,

ee201 ( حبيبتي المادة هذي ) برمجة تستخدمون برنامج ماتلاب لحل المسائل الرياضية والحسابات ورسم المنحنيات كلها بالبرمجة فيها اختبارات دورية واختبار نهائي ومعمل ,,,

جدولك حليو بس يبغاله شدة حييل وعزيمة واول باول خاصة ie 201 شغلها كثير شوي والرياضيات يبغالها مذاكرة اول باول والرسم يبغاله تركيز وفن ...

[Majest!C]

ما فهمت قصة " استمارة طلب تخصيص بعد السنة التحضيرية " اللي بالأودسّ ؟
+
بخصوص ترتيب الجدول ، صراحة ما أعرف اللي ولا اللي عليّ ، مثل ما أنتم عارفين من يوم ما خلقنا لين التحضيرية كل شيء جاهز بالجدول :d ، و أبغى أقسم الجهد على الفصلين ، بحيث ما أتعب في الأول وأرتاح بالثانيّ ..

ممكن أحد يشاركني الترتيب ، ومنها تنتناقش ونخرج بجدول مفيد للجميع ، يهمني ارائكم في جداولكم سابقاً وأستفادتكم منها وأخطائكم .. < شفت في الأودس الخطة الدراسية ، ومنها 03 ، والمواد أمامي ، هل هي فقط اللي أرتبها ؟

بخصوص مواد اللغة العربية والاسلامية ومعمل الفيزياء ، هل تنصحوني انها تكون بأوقات يقل فيها التركيز مثل بعد الظهر .. أدري اللي بيجاوب بيتعب ، وله دعوة طيبة في الغيب ..

.. انا ناوي هندسة حاسب بأذن الله ،