حلى الفيمتو

[رندا البحري]

السلام عليكم ورحمة الله وبركاته

اليوم جايبه لكم حلى الفيمتو طبعا من مطبخي

هو يشبه الجيز كيك بس بالفيمتو


نحظر البسكوت(دايجستف)
ونطحنه



بعدين انيب الزبده تقريبا أربع ملاعق كبيره
ونخليها برع الثلاجه لين تلين بعدين نخلطها مع البسكوت




وبعدين انحطه في الصنيه ونساويه وعلى طول في الفريزر



وبعدين نجهز خلطة الكريمه

ومقاديرها

(6كيري-2دريم ويب-2قشطه)
طبعا انا مزيده المقدار لاني أدبل
ونخلطه في خلاط العصير



ونصبه على طبقة البسكوت



ونرجعها الفريزر الى ان تتماسك زين

وفي هالأثناء نعد طبقة الفيمتو

وهي نصف كأس ماء-ونصف كأس فيمتو -وظرف كريم كراميل)



ونحطهم في الجدر ونشغل عليهم لين يبدى الخليط يطبخ نسكر عليه



ونتركه يبرد وبعدين نطلع الصنيه من الفريزر بعد ما
اجمدت ونصب عليها الفيمتو شوي شوي



وبعدين انحطها في الثلاجه

وبعد ما تجمد الطبقه
نقدر نقطعه ويكون بهالصوره




وبالعافيه عليكم