خبر فضيحه الجامعه امس بجريدة عكاظ

[كيان انسانه]

ايه شفته الخبر وياليت راح يجيب نتيجة

[دودي2]

يارب يجيب نتيجه

[برســتـvipـيج]

بليز حكيني
ماعندي جريده
بسررررعه ايش في
بليز

[FLOOOWER]

عطينا الرابط

والله يعطيك العافيه شوفي الي صفحه اقصد اش مضمون الصفه عشان اطلعاه من النت

[سمو انسانه]

ياحلوين نزلت الموضوع بخبر عاجل

[مدري وش احط]

وش صااااااااااااااااااااااااااااير علمووني علموووووووووووووني


يالله صبااح خير ههههههههههههههههه


وش صااير بالجامعه ؟؟؟؟؟؟؟؟؟؟؟ علمووووووووووووووني اخبار حلوه ولا شينه ؟؟

وش فييه اخباااااااااااار عنهااا ؟؟ الغو الرسوم ؟؟ ولا اخبار عن الاختبارات ؟؟>> يابنت هدي شوي

[سمو انسانه]

بالبلدي الفصيح
هاتوا الناظور ياجامعة

فتحي حلواني

شوف يبويا هادي الرساله اللى كتبوها البنات عشان يبغوني اوريك هيا.. بتقول الرساله إحنا طالبات الانتساب في السنه التحضيريه خطه (ب) بجامعه الملك عبد العزيز نتقدم بشكوى على الجامعه لما رأينا منهم من ظلم وخداع.. المعروف لدى الجميع ان طالبات الانتساب في جامعه الملك عبد العزيز يحضروا الدوره في الجامعه قبل الاختبار بشهر ولكن دي السنه كان النظام غير ونحنا تعودنا من الجامعه كل سنه نطام جديد المهم انو دي السنه كان النظام مختلف جدا كان التعليم (عن بعد) اللي هوا السنترا يعني حضور المحاضره عن طريق النت من البيت اللى عانينا منو كتير من تشغيل نظام أو عدم وضوح الصوت أو تقطيع في العرض ومتى عرفنا الخبر قبل بدايه دورتنا بشهر ومو عارفين كيف يتم التشغيل غير من صور في منتدى الجامعه ولمن يصير غلط ومو عارفين نسال مين في المنتدى وتجي الاجابه بعد كم يوم لمن تروح المحاضره علينا ونتورط حتى في المحاضرات اللي مسجلينها يا تعلق او انها ما تتسجل. ولمن نروح للجامعه على حسب كلامهم انو نروح ونسال يطردونا ومايدخلونا ايش نعمل احنا ومن جهه تانيه بعض الطالبات ما تتوفر عندهم الاجهزه ومقدمين اعفاء رسوم هدا الترم وماعندهم فلوس يدفعوا من فين يوفرو الاجهزه واشتراك نت ولمن راحو يشتكو للعماده يردوا الموظفات بأسلوب مستفز ويقولوا هدا مو شغلنا ولايهمنا روحو شوفو أي مكان تحضري المحاضره فيه وغير كدا الشرح كانه قراية كتاب مطالعه حق الابتدائي وبس لا اقل ولا اكتر كل المواد على كده حتى الاحصاء والانقلش اللى يبغالهم شرح بالطريقة دي واللي يفهم يفهم واللي ما يفهم بطريقتو والساعات المكتبيه اللي حددوها لمن نروح يقولي انت خطه ب ليش تجو.... التعليم عن بعد كان صعب لانو احنا اول سنه اصلا وما كان في احد يوجهنا واحنا دافعين 3000 عشان نروح نختبر واحنا جالسين في بيوتنا والا نروح عند مدرسات خصوصيات والمنهج بـ 1000 يعني كلو على بعضو نخسر5000 ريال في الترم الواحد بس.. يعني الترمين بـ9 الاف ريال وقال ايش لو نجحت التجربه رح يطبقوها السنوات الجايه نحنا مو حقل تجار عندكم عشان تقولوا ادا نجحت الخطه راح نطبقها في السنوات الجايه ليش ماتسجلونا مجانا وتجربوا براحتكم وبعدين التعليم عن بعد هوا نظام اساسي في الجامعه ورسومه 4000 ليش ماجربتو عليهم وشفتوا ادا نجحت الخطه تطبقوها علينا وكمان مو بس الطالبات اللى متضررين من السنترا ده حتى الاستاذات والدكاتره متضررين من ده النظام الجديد اللى بيقولوا عليه التعليم من بعد ياريتهم خيرونا لمن سجلنا او قالوا لنا ما كان راح يضرهم شي اما يحطونا كده امام الامر الواقع صعب وحرام عليهم اللي بيسووه فينا.. انتهت الرساله.. هاااه يا حبايبنا يللي في الجامعه ايش عندكم هرجه للكلام اللى شفتووه وقريتوووه وعيشوا كتييييير تشوفوا كتييييييير.
abofatoo@hotmail.com
فاكس: 6764070

[كيان انسانه]

بنات هذا هوا الرابط شوفوه وقولو رايكم ودعواتكم لي

http://www.okaz.com.sa/new/Issues/20...0226335262.htm

[FLOOOWER]

تمنى من الكل يكتب تعليقه على الموضوع في موقع الجريده انا سجلت ردي شخصين

[طيبتي غلطة]

الله ياخدهم ويفكنا منهم طفشووونا
ياااارب الحكي يجيب نتيجة معاهم