طالبه رأيكم في البحث والتدريب مع أ / منى رفاعي

[فصول السنه]

نونا ياقلبي

راسليني على الخاص واسالي اللي تبين انا قابلتها واخذت منها كل شي

اذا تبين تعرفين عن البحث والتدريب

[nonna929]

المشاركة الأصلية كتبت بواسطة فصول السنه نونا ياقلبي راسليني على الخاص واسالي اللي تبين انا قابلتها واخذت منها كل شي اذا تبين تعرفين عن البحث والتدريب

مشكوووووووووووور ه اختي ماتقصرين
بس عدد مشاركاتي مايسمح اني ارسل على الخاص
عالعموم انا قابلتها وفهمت منها كل شي بس في شي مني عارفته
هيا طلبت مننا اننا نعمل عرض بوربوينت وقت المناقشه
ايش المطلوب نقدمو في العرض دا ؟

[فصول السنه]

بس عدد مشاركاتي مايسمح اني ارسل على الخاص

معليش خيرها في غيرها

و عرض البوربوينت يتعلق في موضوع التقرير اللي كتبتيه المطلوب تحطي روؤس أقلام ونبذ بسيطه مأخوذه من تقريرك
مع ادخال معلومات اجتهاديه عنه اذا حبيتي تضيفين شي

ويوم المناقشه او الاجتماع توقفين وتعرضين شريحه شريحه وتشرحي بدون تطويل مبالغ يعني زي الحصص النموذجيه ايام دراستنا في المدارس قدام مشرفتنا الاكاديميه اللي هي منى وبنات مجموعتنا

واذا حبيتي تجتهدي و تجيبي معلومات خارجيه عن موضوعك افضل تحطيها بورقه قدامك تشرحيها منها ماتدرجيها في شرايح البوربوينت

وبس هاذا الموضوع .

والله انا مرعوبه ولمن سمعت منها انو فيها شرح ووقفه
الدنيا دارت فيه وكنت راح ابكي حتى اذاعه المدرسه عمري ماوقفت فيها
الله يستر بس ماادري كيف اجتازها

[sozy]

السلام عليكم
بالتوفييييييييييق للجميع ان شاءالله
سمعت انا عن أ/منى في ماده البحث من البنات انسااااااانه رائعه جدا ومتساهله أطمني للأخر........
انا كمان عندي ماده بحث مع الدكتوره فاطمه جادالله ومش عارفه عنها شي بس مره دققت معايا في مكان التدريب بتقولي لازم مكان فيه أعمال دوليه على حسب التخصص ومو عارفه فين اتدرب.

[nonna929]

الله يسهل علينا ويوفقنا ويعدي الترم داعلى خير وان شاءالله كلنا نجيب في ال 90 في الماده دي

موتيني من الضحك يافصول السنه حتى انا ايام المدرسه ماكنت اطلع بالاذاعه ومره وحده طلعت افتكر جلست اتئتئ في الكلام وبس ارجف وكان باين في صوتي
مااعرف ايش بسوي يومتها بس ان شاء الله ربي يعطينا جرئه وشجاعه وقتها ونقدر نقدم المناقشه حقتنا بكل ثقه نفس

اختي sozy حاولي تروحي شركات تدربي فيها
سمعت بنات يقولو شركه النهدي حقت الصيدليات يمكن فيها تدريب بس انا ماعنيد اي فكره عنها
حاولي تسأليها فين بالزبط في شركات قوليلها اديني فكره
وجربي حاولي معاها انو تدربي في بنك وان شاءالله بتوافق

الله يفتحها علينا كلنا ونتخرج بمعدل عالي
قولو امييييييييييييييييييييييييين

[فصول السنه]

آااااااااااامين يـــــ nonna وإن شاء الله دوم هالضحكه

وبالنسبه لــ sozy

الله يعيننا ويعينك وصحيح الكلام اللي قلتيه عن استاذه منى سألت البنات اللي حصلتهم بالجامعه واللي اخذو معاها قبل

وبالنسبه استاذه فاطمه سمعت عنها انها طيوبه وانها ماتظلم وغير تعسفيه وهاذا اهم شي صدقيني

اما اماكن التدريب انا زيك حصلت شركه في جده خاصه بالبرمجه والكمبيوترات بس للاسف ماوافقت انا لان ماحصلت فيها موضوع اكتب فيه تقريري
عشان كذا غيرت التدريب ورحت للبنوك لان حصلت مئات المواضيع اللي اقدر اكتب فيها

[m0m0m0]

الله يعينكم جاني هم وانا لسا مااتخرجت

[فصول السنه]

بسم الله عليك وبعيد الهم عنك إن شاء الله

تفائلوا بالخير تجدوه ياعسوله

[nonna929]

اخت فصول السنه كيفك
انا بدئت تدريب السبت في البنك
ومرررررررررره محتاره للحين مو عارفه اختار موضوع للبحث
اذا عندك فكره ممكن تساعديني ؟

[الاموره]

بنات في احد مع ناديه باعشن؟؟

آللي اعرفو انها ماحددت مكان تدريب؟؟