][ طلآب + طــالبآتـ ][ الجدد ][ مرحباً بكمـ ][ عندي لكمـ هرجهـ مهمهـ ][

[welee]

السلام عليكمـ ورحمــة الله وبركاتهـ

اخــواني الطلاب والطالبات الجدد ][ اخواني الصغار ][ < اكبر منهم بسنهـ < برا

المهــمـ

كيفكــمـ ان شاء الله كوووويســين

وكــل سنهـ وانتو طيبينـ يارب

المهمـ الموضوعـ ومافيهـ انا انسان طفشان وابغا اكلمكـ على كم هرجهـ كدا في راسي راح تستفيدو منهــا

الموضوع ومافيه

زي ما انتم عارفينـ كل واحد لـه خطهـ يا أ يا ب

والصراحهـ كول خطه موادها اتفههـ من بــعض

نجي لخطهـ ][ أ ][

انتو راح تدرسو اول حاجه

عربي < مرررررررره تاااااااافهـه ويبغالو بس قرايهـ واهم شي القواعد كل الاختبارات من القواعد ومره بسسسسسسيطهـ ترا ولا تخافوا من احد يهرج عنها ولا كدا ترا وربي مره سهلهـ

ثقافه اسلاميهـ < يبغالها قراايهـ بتركــيز بس وربي مره سهلهـ

رياضيات < لو اقلكم قد ايش تافههـ ما راح تصدقو ينااس دي المادهـ ماخد فيها 88 من 100 وندمت انو ما اخدت 100

حآسب الي < لا تعليق مدري ليش حاطين منهج صف سادس ابتدائي خخخخ

انجليزي < الــعب صحـ راح تكسب ][ صدقني ][

هــذي هيا مواد الخطه دي

وربي نصيحهـ شدوو حيلكم يا اصحاب الخطه دي عشان ترتاحو مرهـ

وربي ترا لو لعب كتير راح تندمو طوول عمركمـ

وانا معدلي دحين 4 وندماااااان انو ما جبت 4.8 لانو مرررررره سهلهـ الدراسهـ في دي السنهـ

صدقوني والله شدو حيلكم ولا تقولو كل يوم راح ازاكر في اليوم الي بعدو

نص ساعه مزاكرهـ اعتقد ما راح تفرق معاك كتير

والله نصيحهـ من اخوكم الي مر بالتجربه دي

اما طلاب خطهـ ][ ب ][

والله دي الخطه لا تعليييييييق تافهه تافهه بشكل مو معقول

احصاء < هيا اصعب ماده في الخطه دي شوية مزاكرهـ وربي راح تسير مره سهله
ويبغالها تركيز وكول يوم تزاكر في نفس اليوم الي تاخد فيهـ الدرس

مهارات اتصال < لو ما جبت 100 اسمحلي انت ( ثور ) < قويه خخخخ

مهارات تفكير < الي يقل عن 90 فيها وربي ما عندو مخ ولا راس اصلا

لانو اتفهه مادتين

وانجليزي زي ما قلتلكم بسيطه احضر جميع الاختبارات وربي راح تنجح وخلي حضورك حلو واترك للمدرس انطباع حلو عنك انك شخصيه

....

...

...


ملاحظه : الغياب يا شباب ترا وربي الي غيابو قليل يدفووه في المواد دف مو طبيعي يدووه درجات

والي مسويلي زاحف ويسوي حركات بزوره جووت المحاظرهـ بايلكها في نهاية السنه بتراب

زي ما قتلكم خلووكمـ ناس برستيج وجنــتل والله راح يزبط وضعكم

ومن ناحية البركيات لا احكيلكم انو راح تكفرو ام الاندلس موول خخخخخخ

كمان في البيك هناك في الاندلس وكمان في السليمانيه يعني لو يوم طفرت البيك ينفع يا ماااان

خخخ

المهمـ شي تاني

ايش ايش ايش يااربي

ايوهـ صحـ حاول لو انته تداوم بسياره تجي بدري عشان تحصل موقف مزبووط وما تتعب حالكـ
وكمان توقف تحت مضله

اما لو مسويلي زاحف تجي قبل المحاضره بدقيقتين والله يا انك حتدقها كعابي في الشمس لما تقول الله اكبر

وزي ما قلتلكم معدلكم لا ينزل عن 4.2 والله ترا السنه التحضيريه مرررررره هبل × هبل

والله يوفقكم يارب

اخوكمـ


welee

وائل الــغامدي